منتدى كليه هندسه قنا

Every Thing About The Faculty Of Engineering ,Qena


    سؤال الى شباب الصعيد

    شاطر

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY سؤال الى شباب الصعيد

    مُساهمة من طرف هدى في الثلاثاء يوليو 28, 2009 7:57 pm

    انا بكتب الموضوع ده وانا متغاظه خالص بصراحة نرفس مش هاطول عليكم بس هادخل فى الموضوع على طول وهاتكلم بدون مجاملات انا عايزه افهم من شباب الصعيد وخصوصا طبعا شباب منتدى كلية الهندسة السؤال الاول ليه شباب الصعيد واخد مقلب فى نفسه وفاكر انه مفيش ذيه وانو البنات فى الصعيد ولا حاجة بالنسبة لبنات بحرى بارغم من انه ذى لوحاول يعمل مقارنة بين دول ودول فهو كمان ميجيش حاجة فى الشباب الاستيل فى بحرى ده اولا

    السؤال الثانى ليه الشباب وخصوصا الصعيدى افكاره تتسم بالذاتية وعدم المنطقية اوالدقة وكلامى مش من فراغ يعنى متلقيش ولد الا ويقول كل البنات فارغة وميهمهاش الا الشياكة والحاجات الفارغة نقولوا ماشى وجهة نظره كده ومش هنرد نقول انه مش البنات وخصوصا هنا هما اللى بيسقطو البنطلون ولا هما الى الجيل طول النهار على شعرهم وطول الوقت بيطلعوا بتقاليع غريبة لكن الرد منكلامهم هما اخر ميخلصوا النقد اللاذع فى البنات يقولوا ماعدا واحده وكلهم بيعملو كده بلا استثناء طيب ده عقل انه نوع بحاله وحش ماعدا واحدةMad ده عقل بالزمة ولا ده معناه انه معرفش غير واحدة فى حياته على العموم انا من رأيى الغيرة بتاعة الاولاد من البنات فى الصعيد بقت باينه ومستفزه ونقدهم الغير منطقى يدل على الغيرة من تميزهم فى جميع المجالات وانه اللى متقدرش تحصله وقعه واللى ليه رأى غير كده يقوله وياريت محدش يزعل من الحقيقة المرهcheers للأولاد

    zamlkawy
    نائب المدير العام
    نائب  المدير العام

    ذكر
    مساهماتى : 1738
    عمرى : 28
    فـرقـتـى : تانية سيارات
    نقاط : 3745

    3ADY رد: سؤال الى شباب الصعيد

    مُساهمة من طرف zamlkawy في الثلاثاء يوليو 28, 2009 10:18 pm

    اية يا بشمهندس انت دخلة علينا الدخلة دي لية قولي السلام عليكم الاول
    انا لية راي غير كدة اذا مكنش يدايقك يا بشمهندسة
    اولا الصعيد واخد مقلب فى نفسه وفاكر انه مفيش ذيه وانو البنات فى الصعيد ولا حاجة بالنسبة لبنات بحرى بارغم من انه ذى لوحاول يعمل مقارنة بين دول ودول فهو كمان ميجيش حاجة فى الشباب الاستيل فى بحرى ده اولا
    يا بشمهندسة انت بتقولي انو شايف نفسة موضحتيش ازاي وبعد كدة تقولي انهم بيقولو انو بنات الصعيد ولا حاجة بالنبة لبحري لا يا بشمهندسة هو راية مش زي ما انت فاكرة بس فبحري يا بشمهندسة انو الناس عددها كتير والبنات واخدة راحتها في اللبس والطلوع وكدة ظهرة انها حلوة ومحدش بيقول كدة غير الشباب اللي تفكيرة محدود دة بالعكس انا بحترم بنات الصعيد علشان محترمين ومتمسكين بدينهم وبعد كدة بتقولي انو ولاد بحري شيك وهنا مش استايل علي فكرة يا بشمهندسة اللي بياخد الناس بمنظرهم دي ناس محدودة التفكير بالعكس هناك اللي مش لاقي ياكل بيقي ماشي اخرشياكة علشان يعوض احساسة بالنقص
    ثانيا
    السؤال الثانى ليه الشباب وخصوصا الصعيدى افكاره تتسم بالذاتية وعدم المنطقية اوالدقة وكلامى مش من فراغ يعنى متلقيش ولد الا ويقول كل البنات فارغة وميهمهاش الا الشياكة والحاجات الفارغة نقولوا ماشى وجهة نظره كده ومش هنرد نقول انه مش البنات وخصوصا هنا هما اللى بيسقطو البنطلون ولا هما الى الجيل طول النهار على شعرهم وطول الوقت بيطلعوا بتقاليع غريبة لكن الرد منكلامهم هما اخر ميخلصوا النقد اللاذع فى البنات يقولوا ماعدا واحده وكلهم بيعملو كده بلا استثناء طيب ده عقل انه نوع بحاله وحش ماعدا واحدةMad ده عقل بالزمة ولا ده معناه انه معرفش غير واحدة فى حياته
    يا بشمهندسة انت بتقولي انو الولاد بيقولو انو كل البنات فارغين لا يا بشمهندسة انتي لما سمعتية لية مرضيتيش علية فوقتها لا يا بشمهندسة
    وبعد كدة بتقولي خصوصا اللي بيصقطو البنطلون معلش انتي ملكيش دعوة بحاجة زي كدة طيب مانتو كل يوم ليكم تقليعة من سيدالوطرحة مبينة نص الرقبة علي اساس انو رقبتها رقبتها رقبة ليلي علوي وبعد كدة بتقولي انو الشاب بيقول انو كل البنات وحشين الا وحدة معني كدة انو عرف واحدة بس علي فكرة دي حاجة تشرفو يا بشمهندسة مش تعرة دة معناة انو مخلص ليها وشليفها حلوة ودي حاجة متقدريش تولمية عليها
    وبعد كدة بتقولي انو الغيرة علشان البنات متميزة فكل المجالات انا مبقللش من شان البنات بس اية اللي البنات احسن فية من الولاد اولا عدد الطلبة الولاد اكتر من البنات فاي كلية ولااوائل تقريبا فكل كلية ولاد يبقي انتو احسن ازاي دي
    ومتخفيش محدش هيزعل فكري لية مش هيزعلو يا بشمهندسة

    kmeandzoy
    مهندس جديد
    مهندس جديد

    ذكر
    مساهماتى : 31
    عمرى : 26
    نقاط : 2699

    3ADY رد: سؤال الى شباب الصعيد

    مُساهمة من طرف kmeandzoy في الأربعاء يوليو 29, 2009 12:25 pm

    السؤال الاول ليه شباب الصعيد واخد مقلب فى نفسه وفاكر انه مفيش ذيه وانو البنات فى الصعيد ولا حاجة بالنسبة لبنات بحرى

    اولا انا من الناس اللى بتحترم بنات الصعيد جامد:احترامها للعادات ,لبسها محترم مع انو بيكون شيك غير بنات بحرى,بتبقى خجول ودى اجمل حاجه فى البنت لكن معظم بنات بحرى منفتحين اوى

    بارغم من انه ذى لوحاول يعمل مقارنة بين دول ودول فهو كمان ميجيش حاجة فى الشباب الاستيل فى بحرى


    الحكايه مش ستايل بس مرجله و ياما ناس لبست بس .............(سيس)عفوا
    وانا فى النقطة دى مع البشمهندس زملكاوى

    السؤال الثانى ليه الشباب وخصوصا الصعيدى افكاره تتسم بالذاتية وعدم المنطقية اوالدقة وكلامى مش من فراغ يعنى متلقيش ولد الا ويقول كل البنات فارغة

    كلامك دا مفروض انو مش ماشى غير على بعض الولاد اللى ممكن تكونى حضرتك تعاملت معاهم كل واحد بيختلف عن التانى

    ويقول كل البنات فارغة وميهمهاش الا الشياكة والحاجات الفارغة نقولوا ماشى وجهة نظره كده ومش هنرد نقول انه مش البنات وخصوصا هنا هما اللى بيسقطو البنطلون ولا هما الى الجيل طول النهار على شعرهم وطول الوقت بيطلعوا بتقاليع غريبة لكن الرد منكلامهم هما اخر ميخلصوا النقد اللاذع فى البنات يقولوا ماعدا واحده وكلهم بيعملو كده بلا استثناء طيب ده عقل انه نوع بحاله وحش ماعدا واحدةMad ده عقل بالزمة ولا ده معناه انه معرفش غير واحدة فى حياته على العموم انا من رأيى الغيرة بتاعة الاولاد من البنات فى الصعيد بقت باينه ومستفزه ونقدهم الغير منطقى يدل على الغيرة من تميزهم فى جميع المجالات وانه اللى متقدرش تحصله وقعه واللى ليه رأى غير كده يقوله وياريت محدش يزعل من الحقيقة المرهcheers للأولاد

    حضرتك بتعممى رأى واحد انت شفتيه او تناقشتى معاه
    بالنسبه للبيسقطو البنطلون دى حريه شخصيه(مع انها حرام) وغير كدا فى بنات كتير اوى بتسقط الجيبه بتاعتها ( هنقول دى غيره ولاد برده)
    والجيل للولاد هنلاقى بنات كتير بتكون اوفر (over) فى الميك أب ومنظرها مقرف
    وانا شايف ان بنات الكلية محترمين هما مدين طعم للكليه ودا بجد
    بس فى خطأ وقعت فيه البشمهندسه لما ربطت بنات الكلية بالبنات اللى ف الشارع
    وشكرا يا بشمهندسه على الحوار دا ومفيش زعل اطلاقا بس عشان توضحى وجهة نظرك وو وجهة نظرنا
    بس واضح انك مضايقة اوى يا بشمهندسه من ولد معين فى الكلية (الحسنة تخص والسيئة تعم ) اكيد فهمتوا قصدى

    jiraya_sama
    مهندس مـمتـــاز
    مهندس مـمتـــاز

    ذكر
    مساهماتى : 1640
    عمرى : 27
    فـرقـتـى : سانين
    نقاط : 4046

    3ADY رد: سؤال الى شباب الصعيد

    مُساهمة من طرف jiraya_sama في الأربعاء يوليو 29, 2009 12:54 pm

    وخصوصا طبعا شباب منتدى كلية الهندسة السؤال الاول ليه شباب الصعيد واخد مقلب فى نفسه وفاكر انه مفيش ذيه وانو البنات فى الصعيد ولا حاجة بالنسبة لبنات بحرى بارغم من انه ذى لوحاول يعمل مقارنة بين دول ودول فهو كمان ميجيش حاجة فى الشباب الاستيل فى بحرى ده اولا

    شكرا يا بشمهندسه عالموضوع
    بس مش لازم الانفاعال ده كله
    المهم
    اولا من حيث المقارنه فانا عايز اقول لحضرتك فالاول التعميم مش صح فالحوارات دي
    يعني مثلا انا اعرف بنات من الصعيد بجد افضل من بحري بكتير واعرف اولاد من الصعيد افضل من بحري بكتير
    وعايز اقول حاجه لحضرتك
    فكك الاول من التفكير لان ده بيكون غريزه فكل واحد لان الشاب فالصعيد بيكون عمره كله فمنطقته مش بيخرج بره فبيكون فاكر كل حاجه زي مبيشوفها فالتليفزيون او زي مبيسمع
    لكن بجد لو خرج وسافر فاي حته هيعرف ان الفرق مش كبير بالعكس
    انا عندي والله الصعيد افضل من بحري بمراحل
    فكل حاجه فالبنات والاولاد كفايه ان البنات محترمه (الا طبعا اللي بتحاول تقلد تقليد اعمل )
    والاولاد رجاله(برضه غير اللي بيقلد )
    فلو بصينا للموضوع ده من نظره تانيه فانا بقول مفيش فرق يزكر غير انن هنا فالصعيد بتحكمنا عادات وتقاليد
    اما هناك فمفيش كتيره زي الصعيد
    بس كده


    السؤال الثانى ليه الشباب وخصوصا الصعيدى افكاره تتسم بالذاتية وعدم المنطقية اوالدقة وكلامى مش من فراغ يعنى متلقيش ولد الا ويقول كل البنات فارغة وميهمهاش الا الشياكة والحاجات الفارغة نقولوا ماشى وجهة نظره كده ومش هنرد نقول انه مش البنات وخصوصا هنا هما اللى بيسقطو البنطلون ولا هما الى الجيل طول النهار على شعرهم وطول


    بصي ي بشمهندسه
    فالصعيد الولاد واخدين راحتهم اكتر من البنات ودي حاجه معروفه
    وده لان عاداتنا وتقاليدنا بتقول ان فيه فرق شاسع بين الولد والبنت
    فاكيد الولد شايف قدامه بنات مش علي دماغه وغير كده بيشوف بنات بحري بتعمل ايه
    فاكيد لازم يلخبط فالكلام ويقول الكلام اللي حضرتك كاتباه
    بس بجد ده يعتبر عيب فيه هو لانه المفروض يفرح ان بنات الصعيد مش زي بنات بحري ودي اكتر حاجه تتحسد عليها البنت

    والله يا جماعه احنا فالصعيد فنعمه ملهاش حل كل ناس بحري بتحسدنا عليها
    واسألوا وانتوا تعرفوا

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: سؤال الى شباب الصعيد

    مُساهمة من طرف هدى في الأربعاء يوليو 29, 2009 1:03 pm

    شكرا لأرائكم وهرد الاول على بشمهندس زملكاوى واخد مقلب فى نفسه يعنى البنت هنا مبتقدرش تقول رأيها فى اى موضوع وخصوصا لو فى شباب وده بيفسروه الاولاد هنا انها مش على درايه وتفكيرها محدود وانا لما اتكلمت عن المظهر اتكلمت عشان كل الاراء اللى بسمعها هنا من اى حد من الشباب هنا دا بيكون محور استهزاؤه مش عشان انا مؤمنه بالمظهر وعلى فكره انا بتكلم بحيادية لانى طول حياتى عايشاها فى اليمن لكن من وقت ما رجعت فى الثانوى وانا شايفة الاراء المتحيزة الغريبة اللى مكنتش شايفاها فى بلد مشمتطورة ذى اليمن ده اللى اثار ضيقى و انا مرضيتش لانه هنا ممنوع انه ارد على واحد مهما كان لكن هنا نسمع ونخرس مهما كان مستوانا الفكرى او اعتراضنا وطبعا الكلام مبيكونش موجه ليا تحديدا لكن بيكون مناقشة مجموعات وبيكون ذى ما قلت ممنوع نرد. اما انه يعرف واحدة ويطلعها من نوع كامل يبقى مش كويس وهى الحالة الفردية الوحيدة الكويسة ده هو اللى انا معترضة عليه مش انه يعرف واحدة او اكتر لانه بصفه عامة الصحوبيات واحدة اواكتر غلط دينى واخلاقى مش حاجة مشرفة يعنى انه ميعرفش غير واحدة اما عن تميز المرأة بره وجوه البيت مش محتاج مناقشة اما انك مش هتزعلو مظنش وانتا فكر ليه برضة

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5700

    3ADY رد: سؤال الى شباب الصعيد

    مُساهمة من طرف SomeOne في الأربعاء يوليو 29, 2009 1:17 pm

    هو طبعا بعد ردود البشمهندس زملكاوى الراااااااااااائعه وكلام البشمهندس Jiraya والبشمهندسkmeandozy اى كلام هقوله انا هيبقى مكرر بس يا بشمهندسه لو كان الكلام دا حد قاله فى المنتدى كنتى رديتى فوقتها وقولتى وجه نظرك فى نفس الموضوع ومش تفتحى موضوع تانى عشان الموضوع يكمل لكن لو كان اللى منرفزك ومعصبك موقف حصل معاكى على الطبيعه فمكنش من اللازم تتنرفزى علينا النرفزه دى


    بس كمان يعنى انتى بتقولى اللى بيسقط المنطلون يا حلاوه يا ولاد البنات اخر ناس يتكلمز ع اللبس لانه بصراحه هما فى اللبس ماشين على الدين بالظبط ولا بيحطو ميك اب ولا بيرفعو حواجبهم ولا كمان الجيبه بتكون ضيقه لغايه ما تكون هتتقطع من الضيق ولا البديهات اللازقه لزقه المررارا يا بشمهندسه مهما كانت حرمه تسقيط البنطلون فيها اكدي اقل بكتير من مسخره البنات فى اللبس


    طبعا الا من رحم ربى فى بنات كتير ملتزمين ومنقبات او على الاقل بيلبسو اسدال او خمار ودول ليهم كامل احترامى الناس كلها ...دى بس حته عشان تقولى مسقط البنطلون تانى ...يبقا كله يسكت وسيبكم من تسقيط البنطلون خالص

    ثم كمان فى حته ...مين قال ان بنات بحرى احسن ...؟؟؟لا خالص دول بنات وعن واقع تجربه شخصيه مصلحنجيات اخر حاجه وكمان بيكونو تكاتك بيكلمو الكليه كلها يبقو ازاى احسن من بنات الصعيد المحترمات بعضهم يعنى مش كلهم لان دلوقتى حتى هنا فى جامعه جنوب الوادى بقى فى تكاتك...(اللقب دا بيقولوه على البنت اللى بتكلم كل الولاد )ومحدش يفهم غلط...


    السؤال الثانى ليه الشباب وخصوصا الصعيدى افكاره تتسم بالذاتية وعدم المنطقية اوالدقة وكلامى

    على فكره الكلام دا اكبر دليل على ان البنات مبيعرفوش على الاقل يتكلمو حد يقول كدا فى ناس وفوشهم انا فاهم وكلو فاهم بس انتى ممكن تكونى مش فاهمه بصى ابتسمى وهدى اعصابك....



    طيب ده عقل انه نوع بحاله وحش ماعدا واحدة ده عقل بالزمة ولا ده معناه انه معرفش غير واحدة فى حياته

    اه تصدقى دا عقل وانا مقتنع بكدا او ممكن يكون انت بجد عندك حق انه متعاملش مع غيرها بس دى ظروف بقا وربنا ما يورطك ورطه اللى بيقول كدا ...دا انتى بنفسك بتقولى دا عقله ضاع




    اخيرا شكرا على النقاش الغالي دا يا بشمهندسه

    وصباحك سكر






    [center]
    [/center]

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5700

    3ADY رد: سؤال الى شباب الصعيد

    مُساهمة من طرف SomeOne في الأربعاء يوليو 29, 2009 1:22 pm

    لانه هنا ممنوع انه ارد على واحد مهما كان لكن هنا
    نسمع ونخرس مهما كان مستوانا الفكرى او اعتراضنا وطبعا الكلام مبيكونش
    موجه ليا تحديدا لكن بيكون مناقشة مجموعات وبيكون ذى ما قلت ممنوع نرد.



    ازاى ممنوع تردو يا بشمهندسه كان فى موضوع اسمه نقاش بين الشباب والبنات ياريت كله يدخل ويشارك فى قسم الحوار وانتى دلوقتى تقدرى تشاركى وتسألى اللى انتى عايزاه ...هههههههههه
    امال انا عامل قسم الحوار يعنى او على المصطبه عشان اناقش اصحابى ؟!!!!!!؟؟؟؟؟منا على طول معاهم وادى اول ما حطيتى موضوع كله رد وكله ناقشك وانا معاكى للصبح وهرد على اى كلمه تقوليها بكل ادب واحترام دا اذا مكانش يدايق سيدتك اننا نتناقش وان الكل يتحاور ....وياريت متقوليش تانى ان متقدروش تتكلمو لان كل الاعضاء ليهم الحق بفتح اى موضوع وليهم الحق بكتابه اى موضوع انما الجبان بقا اللى بيخاف من الردود دا هنعمله ايه ؟؟؟؟!!!!


    واخيرا



    تحياتى






    [center]
    [/center]

    zamlkawy
    نائب المدير العام
    نائب  المدير العام

    ذكر
    مساهماتى : 1738
    عمرى : 28
    فـرقـتـى : تانية سيارات
    نقاط : 3745

    3ADY رد: سؤال الى شباب الصعيد

    مُساهمة من طرف zamlkawy في الأربعاء يوليو 29, 2009 1:31 pm

    علي فكرة يا بشمهندسة في اسلوب ارقي من كدة في الكلام والرد والحوار لما بدائتي الكلام بتقولي زملكاوي واخد مقلب في نفسة دي تعتبر اهانة شخصية يا بشمهندسة ومحددة ليا انا طيب شكرا علي وصفك ليا وانا مش هاخد علي كلامك علشان انتو ناقصات عقل ودين علي حق
    وطول ما انتي شايفة كدة يا بشمهندسة يبقي انتي اللي بتغيري مش انا هههههههههاهههههههههها
    وانا غلطان اني رديت علي الموضوع اصلا علشان كان بين من الاول انك لا بتعرفي تتكلمي ولا تناقشي انت تعرفي تشتمي بس

    WhiTe<>RoSe
    مهندس مـمتـــاز
    مهندس مـمتـــاز

    انثى
    مساهماتى : 1433
    عمرى : 25
    فـرقـتـى : طب قنا
    نقاط : 3642
    المسابقه الرمضانيه : المركز الثالث

    3ADY رد: سؤال الى شباب الصعيد

    مُساهمة من طرف WhiTe<>RoSe في الأربعاء يوليو 29, 2009 1:33 pm

    بصراحة يا بشمهندسة هدي انا مش قادرة استوعب النرفزة الفظيييييييييعة اللي حضرتك كنت فيها وانتي بتكتبي الموضوع........
    بس مختصر الكلام مفيش حاجة اسمها ولاد الصعيد و ولاد بحري...الولاد هيفضلوا ولاد مهما راحوا ومهما كانوا.......و بعدين انا من رأيي ان اي واحدة بتتعامل مع اولاد لازم تاخد حرص ششدييييييد .....عشان ماترجعش تقول ده خدعني ده كان بيتسلي بية.....
    لأ احنا بقينا في سن يقدر يخليكي تحكمي ع اللي قدامك كويس جداااااا وتقرري مين اللي ممكن تسمحي لنفسك انك تكلميه ومين اللي تحدي العلاقة معاه......بصرف النظر عن انه صعيدي ولا حتي امريكي

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: سؤال الى شباب الصعيد

    مُساهمة من طرف هدى في الأربعاء يوليو 29, 2009 1:33 pm

    اما البشمهندس kmeandzoy فانا متفقة معاك فى النقط الاولى اما عن انه كلامى ده لاشخاص اتعاملت معاهم فده مش صحيح والا كنت انهى عن خلق و اتى مثله وهو انى احكم بحالات فرديه لكنك لوبصيت حواليك بتركيز هتلاقى ده كلام معظم الشباب هنا و الكلام ده بسمعه من كل اللى حواليا من يوم ما رجعت وانا قلت انه الصحوبية غلط وانا الحمد لله معملش حاجة غلط وخصوصا انى مشمقتنعة انها شئ محمود فرأيى حيادى مش نابع من مشكلة حصلتلى وانا معاك بعد كده انه البنات كمان ليهم اخطاء مستفزة اما عن الجامعة فانا لسه مجربتهاش السنة دى باذن الله جانى التنسيق على هندسة قنا ويا رب ميكونش فيها نفس التفرقة العنصرية وشكرا يبشمهندس لردك وشكرا ليك يبشمهندس jiraya_sama وانا متفقة معاك فى رأيك .

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: سؤال الى شباب الصعيد

    مُساهمة من طرف هدى في الأربعاء يوليو 29, 2009 2:00 pm

    لالالالالا يبشمهندسه منه اتى فهمتينى غلط تماما مش معنى انه الواحد يدايقه اسلب تفكير عام فى بيئته او مجتمعه يبقى لازم مر بتجربة او مشكلة ليه يا جماعة كلكم بتكلموا بفردية دا انتو حسستونى انى معايا مشكلة وانه فى واحد رمانى يبمى لا يا جماعة مش كده مش لازم الواحد يبقى مر بمشكلة عشان يدايق منها وعلى العموم انا عمرى ما تعاملت مع شاب ولا عايزه اعرف ولا اتعامل مع حد بدون رباط رسمى وده رأي مباشرةْ محارب لكن الواحد بيشوف وبيسمع وعشان كده كتبته لأنى مقدرش اسمع واحد بيتكل مع بابا وعمى عن انه البنات هنا مش عارفه مقفلين ولا ايه واروح اقوله كلامك غلط ومن الواضح انى معرفتش اعبر صح بدليل انه تحول موضوع شخصى عضباان

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3925

    3ADY رد: سؤال الى شباب الصعيد

    مُساهمة من طرف THE GAME في الأربعاء يوليو 29, 2009 7:15 pm

    ليا بدرى مشفتش موضوع فى نقاش فعال زى ده...


    بعد قرائتى للموضوع والردود كلها .... يعنى حسب الى فهمته....

    اولا...نقول مبروك للبشمهندسه (هدى) على قبولها فى كليه الهندسه فى قنا....

    ثانيا....

    الموضوع والردود كده تمام ..... وأعتقد كل واحد أظهر وجهة نظره وكل حاجه بانت....وانا مليش تعليق....

    لكن ليا بعض الملاحظات على كاتب الموضوع ....

    1_الإندفاع القوي يعطي أحيانا بعدا آخر أنك متخوف من
    ماتعتقد...فانتبه..!

    2_دافع عن حقوقك وحاول أن يكون صوتك مسموعا..ولكن
    لاتنسى مساحة التسامح والأحترام ...!

    لكى خالص تحياتى وتقديرى ......






    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4048

    3ADY رد: سؤال الى شباب الصعيد

    مُساهمة من طرف RooT_MaxMos في الأربعاء يوليو 29, 2009 7:49 pm


    هو فعلا موضوع يستاهل النقاش

    بس بعد الردود اللى شوفتها من زملكاوي و القيصر

    مقدرش اقول بعده كلام

    و على فكره يا بشمهندسه الحياه الجامعيه هتبقى مختلفه جدا عن الحياه بتاعت الثانويه

    و احسن منها بكتير

    و هتشوفي ولاد الصعيد في الكليه عاملين ازاي و يبقى احكمي عليهم انتي و بنات الصعيد برده


    وانا مش هاخد علي كلامك علشان انتو ناقصات عقل ودين علي حق

    و الله انا بقول عليك فنان

    على فكره انا مقصدكيش انتي بس انا على طول بقول كدا عشان هم فعلا كدا

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: سؤال الى شباب الصعيد

    مُساهمة من طرف هدى في الخميس يوليو 30, 2009 3:57 pm

    على فكره انا الكمبيوتر كان مهنج وبعت الرد قبل ما اشوف رد بشمهندس زملكاوى والبشمهندس القيصر والبشمهندس ذا جيم هارد تانى الاول على البشمهندس زملكاوى يا بشمهندس انتا لورجعت لردك هتلاقى انى حضرتك كاتب ردا على كلامى عن شباب الصعيد اللى هو(هو واخد مقلب فى نفسه) فانتا قلت انى الجملة دى انا مضحتهاش وانها مش واضحة فانا كنت بوضها ليك مش اقصدك انتا دا لانى بعدل الموضوع واحط اقواس ومسافات والحجم بعد ما اخلص لكن انا قلت انى الكمبيوتر عندى مهنج ولو حضرتك قريت كلامى كويس كان فهمت من مضمونة انى اقصد الجملة اللى بوضحها مش حضرتك
    ثانيا ودا الاهم بالنسبة لى انى اهلى ربونى كويس بحيث مشتمش حد وخصوصا اذا مكنش بسبب لكن انا عارفه انى فهمك الغلط لكلامى هو اللى خلاك تقول كلام جارح ذى اللى قلته واظن انى وضح دلوقتى رؤية الولد للبنت ناقصه عقل ودين بالرغم من انه حديث ضعيف وكمان النبى قاله فى يوم عيد كنوع من الدعابة وعلى العموم شكرا لردك على الموضوع وده شئ يشرفنى ويضايقنى انك متردش على مواضعى اما كلامك الباقى فربنا يسامحك

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: سؤال الى شباب الصعيد

    مُساهمة من طرف هدى في الخميس يوليو 30, 2009 4:03 pm

    وشكرا لردودكم جميعا وواضح انه الموضوع اتفهم كله غلط وواضح انى انا اسلوبى لايرقى انه يكون ذا قيمة ومفهوم ويوصل وجهة نظرى


    لذلك تقبلوا جميعا اعتذارى وانا اسفه بجد لاى حد اتدايق

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3925

    3ADY رد: سؤال الى شباب الصعيد

    مُساهمة من طرف THE GAME في الخميس يوليو 30, 2009 4:52 pm

    هدى كتب:وشكرا لردودكم جميعا وواضح انه الموضوع اتفهم كله غلط وواضح انى انا اسلوبى لايرقى انه يكون ذا قيمة ومفهوم ويوصل وجهة نظرى






    لا يا بشمهندسه.....بالعكس....كل واحد بيقدم ويوضح وجهة نظره بطريقه ما قد تكون عفويه ولكن لها أبعاد ودلائل أخرى....ولكن من متابعة ردودك لاحظت ان الموضوع مكانش ليه لا أبعاد ولا دلائل أخرى وان نية حضرتك بجد كانت سليمه وهدفك ايصال وجهة نظرك ولكنها طلعت منك بطريقه عفويه وان كان خانك التعبير فلا يكمن الخطأ هنا....

    لأن كلنا ممكن نخطأ او منوصلش رأينا بالطريقه المناسبه....

    بالعكس تمام أشكرك وأحترم رأيك ونظريتك وطريقك عرضك للحوارو ومتابعة ردودك وتوضيحك لبعض النقاط اللى كانت مفهومه خطأ...

    كده بجد نقدر نناقش بعض ونرتقى بأسلوب الحوار....


    لذلك تقبلوا جميعا اعتذارى وانا اسفه بجد لاى حد اتدايق


    العفو....ومتقلقيش مفيش مشكله ولا حاجه....

    وانا منتظر منك مواضيع نقاش فعاله تانيه زى دى....

    وخالص تحياتى وتقديرى لكى.....






    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5700

    3ADY رد: سؤال الى شباب الصعيد

    مُساهمة من طرف SomeOne في الخميس يوليو 30, 2009 5:30 pm

    صلو على النبى يا بشمهندسين وفعلا انا فهمت وجه النظر وكله فهمها وزملكاوى بيفهما وهيا طايره دا كمان قبل ما تطير لكن دى عدت عليه لانى بصراحه اتفاجئت من ردك يا زملكاوى ياريت تغيره او توضح قولت كدا ليه


    حصل خير يبشمهندسه بس كان المقصود من كلامك كله كان واضح اوى انه تلقيح كلام لانك بتقولى لشباب الصعيد خصوصا اللى فى منتدى هندسه قنا ...؟؟طيب حريه شخصيه انى انا احس انى محدش زيى ومفيش بت تملى عينى ياريت توضحلك النظريه لانى بجد هنزعل لو كانت طريقه كلامنا ليكى مش كوييسه بس بصراحه انتى غلطتى فانك تقولى
    وهاتكلم بدون مجاملات انا عايزه افهم من شباب الصعيد وخصوصا طبعا شباب منتدى كلية الهندسة

    بصراحه فالحته دى خلت على كل واحد على راسه بطحه يحسس عليها وانا اول المحسسين بس للاسف ملقيتشى البطحه دى


    دى حريه شخصيه ان كل واحد يحس نفسه حتى لو كان احساسه فى نفسه غلط ومش المفروض ان السؤال يكون بالطريقه دى


    عموما حصل خير ومستين موضوعك القادم يكون فيه اكثر فهم ووعى لكل كلمه فيه واعملى حسابك انك مش بتكلمى ملايكه اكيد فى ناس هتفهم غلط فانتى متديش حد فرصه يمسك عليكى حاجه



    ومساءئك مسكر يا بشمهندسه




    وهشوف ردودكم ان شاء الله بعد اسبوع


    سلالالالالالالالالالالالالالالالالالالالالالالالالالالالالام عليكم





    [center]
    [/center]

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: سؤال الى شباب الصعيد

    مُساهمة من طرف هدى في الجمعة يوليو 31, 2009 12:42 pm

    متشكره ليكم لكنى يا بشمهندس قيصر لما قلت وخصوصا شباب المنتدى لانكم اللى هتردوا عن الاسئله دى وبتمثلوهم يعنى مش معقول هطلب الرد من المجتمع ودى مكنتش حاله فرديه عشان حد يحس انه على راسه بطحه دى ثقافة مجتمع ناحية البنت

    MaDa
    مهندس بيشارك كويس
    مهندس بيشارك كويس

    ذكر
    مساهماتى : 255
    عمرى : 26
    نقاط : 3063

    3ADY رد: سؤال الى شباب الصعيد

    مُساهمة من طرف MaDa في الجمعة يوليو 31, 2009 1:05 pm

    انا مش هقول حاجه كل الي كنت هقوله اتقال وخلص الكلام بس في مقاله عجبتني
    فهو كمان ميجيش حاجة فى الشباب الاستيل فى بحرى ده اولا

    مش عارف اعمل حاجه غير اني اضحك
    ههههههههههههههههههههههههههههههههههههههههههههههههههههههههههه

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: سؤال الى شباب الصعيد

    مُساهمة من طرف هدى في الجمعة يوليو 31, 2009 1:08 pm

    طب مش تقول ايه المضحك فيها عشان نضحك احنا كمان وشكرا لمرورك

    MaDa
    مهندس بيشارك كويس
    مهندس بيشارك كويس

    ذكر
    مساهماتى : 255
    عمرى : 26
    نقاط : 3063

    3ADY رد: سؤال الى شباب الصعيد

    مُساهمة من طرف MaDa في الجمعة يوليو 31, 2009 1:10 pm

    بلاش تعرفي احسن

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4290

    3ADY رد: سؤال الى شباب الصعيد

    مُساهمة من طرف NOHA في الجمعة يوليو 31, 2009 4:48 pm

    السلام عليكم و رحمة الله و بركاته
    بالراحة كده
    الاسلوب كان فى شوية اخطاء بسيطة بس اللى يقرا كويس كان هيفهم المجمل و اللى هدى عاوزة تقولو
    بصى يا هدى
    ليه
    شباب الصعيد واخد مقلب فى نفسه وفاكر انه مفيش ذيه وانو البنات فى الصعيد
    ولا حاجة بالنسبة لبنات بحرى بارغم من انه ذى لوحاول يعمل مقارنة بين دول
    ودول فهو كمان ميجيش حاجة فى الشباب الاستيل فى بحرى ده اولا
    بصى اللى واخدين مقلب فى نفسهم دى نسبة بسيطة و مش الكل و على فكرة ده بيكون محاولة لتعويض شعوره بالنقص
    بالنسبة لشباب بحرى (أجارك الله) مينفعش نأخد بالمظهر بردو المظاهر خداعة
    يعنى متلقيش ولد الا ويقول كل البنات فارغة وميهمهاش الا الشياكة والحاجات الفارغة
    بردو نسبة قليلة و مينفعش تعممى و بعدين اللى يقول كده ردى عليه و صححيله وجهة نظره
    و بعدين فى بنات كتير عاقلة و محترمة و بعدين كل واحد ادرى بنفسه
    يعنى لو ولد قال الكلام ده البنت اللى فعلا كده هى اللى هتحس الكلام عليها لكن الباقى عادى




    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5700

    3ADY رد: سؤال الى شباب الصعيد

    مُساهمة من طرف SomeOne في الأربعاء أغسطس 05, 2009 7:29 am

    هدى كتب:متشكره ليكم لكنى يا بشمهندس قيصر لما قلت وخصوصا شباب المنتدى لانكم اللى هتردوا عن الاسئله دى وبتمثلوهم يعنى مش معقول هطلب الرد من المجتمع ودى مكنتش حاله فرديه عشان حد يحس انه على راسه بطحه دى ثقافة مجتمع ناحية البنت


    كدا عداى العيب وشكرا للتوضيح





    [center]
    [/center]

      الوقت/التاريخ الآن هو الأحد ديسمبر 04, 2016 4:19 pm