منتدى كليه هندسه قنا

لو عاوز تبكى((حكاية جون ابو تريكة فى ماتش الصفاقسى)) Signat13

انضم إلى المنتدى ، فالأمر سريع وسهل

منتدى كليه هندسه قنا

لو عاوز تبكى((حكاية جون ابو تريكة فى ماتش الصفاقسى)) Signat13

منتدى كليه هندسه قنا

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Every Thing About The Faculty Of Engineering ,Qena


4 مشترك

    لو عاوز تبكى((حكاية جون ابو تريكة فى ماتش الصفاقسى))

    MR.JUVY
    MR.JUVY
    مهندس بدأ يشارك
    مهندس  بدأ يشارك


    ذكر
    مساهماتى : 198
    عمرى : 32
    فـرقـتـى : مانشستر يونايتد للفن والبطولات والمهارات
    نقاط : 5469

    لو عاوز تبكى((حكاية جون ابو تريكة فى ماتش الصفاقسى)) Empty لو عاوز تبكى((حكاية جون ابو تريكة فى ماتش الصفاقسى))

    مُساهمة من طرف MR.JUVY الخميس أغسطس 06, 2009 6:32 am

    السلام عليكم
    التوبيك ده جميل جدا وبجد مؤثر
    شوفوه وقولولى ايه رأيكم

    المكان : إستاد رادس ( تونس )




    الزمان : الدقيقة 92 من مباراة نهائي رابطة الأبطال الأفريقية ( الأهلي المصري * الصفاقسي التونسي )



    الحدث : شادي محمد استلم الكرة وهم إنه يمررها كالعادة لأحد لاعبي وسط النادي الأهلي ......



    وإذا بصوت يعرفه جيدا شادي يهمس له : لا يا شادي مفيش وقت للتمريرات القصيرة دي خلاص الحلم هيروح .... إرميها طويلة ناحية جون الصفاقسي ....



    شادي : مين ..... الصوت ده أنا عارفه كويس .... مستحيل .... محمد .... محمد عبد الوهاب .... انت معانا في الماتش ولا إيه .....



    عبد الوهاب : مش وقته يا شادي ... الوقت الضايع ....... ارميها بقه ده أخر أمل ......



    شادي مكدبش خبر ورماها بعزم ما عنده بإتجاه منطقة جزاء الصفاقسي



    متعب شاف الكورة جاية باتجاهه بس مجنحه ناحية الشمال شوية وواحد زي النخلة لازق له وواحد تاني بيجري يغطي عليه ....



    متعب جاله احباط من الموقف وكلم نفسه وقال وهي ناقصة إحباط دا احنا في الوقت الضايع اللي فات نصه تقريبا )



    وإذ بالصوت ينادي متعب ويقول : متترددش متترددش ..... اعمل اللي عليك والباقي على ربنا .....



    متعب مندهشا : إييييييييييييييه ده ..... مين عبد الوهاب .... أيوة دا صوته ... ودي كلمته اللي مش هنساها أبدا ......



    عبد الوهاب : يالله يا متعب متخليش الواد المدافع ده يلمسها ... بسرعة ....



    متعب من غير تفكير يقفز بكل قوته كأنه مارد ويضرب الكرة بإتجاه ( أمادو فلافيو )



    فلافيو شاف الكورة جايه باتجاهه لكنها أقرب من المدافع اللي جنبه وإذ بالصوت المبروك يأتيه ويقول



    ( يالله يا فلافيو ... يالله يا نجم المباراة ... خدلك خطوتين قدام المدافع والعبها لعل وعسى يكون فيها الخير )



    فلافيو لما سمع الصوت اللي يعرفه جيدا جاته صدمة ومعرفش يقول حاجه ....



    بس الحمد لله الصدمة جاتله في الكلام بس لكنه عمل بالوصية وخد الخطوتين قدام المدافع وراح مصلحها لأبو تريكة بدماغه



    وهنا تبدأ الحكاية .....





    لقاء الأحبة











    أبو تريكة عبد الوهاب








    أبو تريكة بص لقى الكورة نازله بإتجاهه وإذ به بدلا من أن ينظر إلى الكورة نظر إلى السماء .... وقال ......



    يا رب .... يارب ..... انصرنا عليهم يا رب .... هب لنا هذا الكأس يا رب .... نهديها لروح أخونا وحبيبنا عبد الوهاب .....



    وإذ بصوت عبد الوهاب يأتيه ويقول : فيك الخير يا ابو تريكه .... صحيح العشرة متهونش إلا على ابن الحرام ....



    ابو تريكه ( والدموع هتفر من عينه ) : إيه ده .... إيه اللي أنا سامعه ده ..... عبد الوهاب .... لا إله إلا الله .....



    عبد الوهاب : مستني إيه يا ابو تريكه ..... الكورة مظبوطة على رجلك يا راجل....

    شوط زي عوايدك وحقق حلمك وحلمي وحلم ملايين الأهلوية والمصريين .... يالله يا ابو تريكه .....



    ابو تريكه : بس يا خسارة يا عبد الوهاب لو جايه على يميني مكنتش هستنى ..... بس المرة دي جايه على شمالي ..... وانت عارف إني مش أشول .....



    عبد الوهاب ( بلهجته المعتادة ) : يا عم قول يا باسط .... ويالله رجلي برجلك ... ولا نسيت إن أخوك أشول ....



    تريكه : أنسى ؟؟؟ .. مستحيل أنساك يا أعز الحبايب ....



    عبد الوهاب : طيب يالله اتوكل على اللي خلقك ومد رجلك مع رجلي وشوط .....



    وشاط أبو تريكة وكأنه مولود أشول لا تقوللي كارلوس ولا ابو زيد .... ( بس ممكن تقول فشر عبد الوهاب )



    الجواشي شاف الكورة جايله زي الصاروخ نطق بالمصري وقال : يا لطيف اللطف يا رب .....



    الكورة من قوتها كانت هتاخد الجواشي معاها وهي داخلة الجون .... لدرجة إنها خبططت في الشبكة ورجعت الملعب تاني ......



    جري أبو تريكة بإتجاه حسام البدري ولما حضنه راح يبص يمين وشمال ....

    فإذ بحسام البدري يصرح فيه : شالوا الصورة .. شالوا الصورة ....

    ( البدري كان بيحسب إن أبو تريكة بيبص على الصورة اللي كان التوانسة راسمين فيها أبو تريكة وهو لابس فرعوني .. وراكع .. وبيسلم الكاس للملك الصفاقسي ....





    لكن أبو تريكة ما كانش بيدور على الصورة .... أبو تريكه كان بيدور على عبد الوهاب .... فإذ به يرى وجهه يتلاشى في الأفق وينادي : ( موعدنا الجنة يا أوفى الأوفياء .... موعدنا الجنة يا أوفى الأوفياء )



    وانخرط أبو تريكة والملايين من المصريين في البكاء
    jiraya_sama
    jiraya_sama
    مهندس مـمتـــاز
    مهندس مـمتـــاز


    ذكر
    مساهماتى : 1640
    عمرى : 35
    فـرقـتـى : سانين
    نقاط : 6717

    لو عاوز تبكى((حكاية جون ابو تريكة فى ماتش الصفاقسى)) Empty رد: لو عاوز تبكى((حكاية جون ابو تريكة فى ماتش الصفاقسى))

    مُساهمة من طرف jiraya_sama الخميس أغسطس 06, 2009 2:25 pm

    يعني ده حقيقي
    ولا قصه ولا افتكاسات يعني

    لاني مش فاهم حاجه
    MaDa
    MaDa
    مهندس بيشارك كويس
    مهندس بيشارك كويس


    ذكر
    مساهماتى : 255
    عمرى : 33
    نقاط : 5734

    لو عاوز تبكى((حكاية جون ابو تريكة فى ماتش الصفاقسى)) Empty رد: لو عاوز تبكى((حكاية جون ابو تريكة فى ماتش الصفاقسى))

    مُساهمة من طرف MaDa الجمعة أغسطس 07, 2009 12:14 am

    وانا زيك يا جرايا دي قصه ولا حقيقه ولا ايه يعني
    indb@d$
    indb@d$
    مهندس مـمتـــاز
    مهندس مـمتـــاز


    ذكر
    مساهماتى : 1237
    عمرى : 31
    فـرقـتـى : مش تبع الكلية اساسا
    نقاط : 6503

    لو عاوز تبكى((حكاية جون ابو تريكة فى ماتش الصفاقسى)) Empty رد: لو عاوز تبكى((حكاية جون ابو تريكة فى ماتش الصفاقسى))

    مُساهمة من طرف indb@d$ الجمعة أغسطس 07, 2009 12:51 am

    كلنا عايزين نعرف دى حقيقى ولا اشتغالة


    ولو كان حقيقى محدش حكى عنها من اللعيبة لية؟؟؟؟؟؟

      الوقت/التاريخ الآن هو الخميس مارس 28, 2024 9:43 pm