جاوب/ي بكلمتين .. (نعم) او (لا)

MAXMOS كتب:

1- الزواج المبكر:
لا عشان الزوجين بيبقى معندهمش وعى خالص بمقدار تحمل المسئوليه اصلا زواج فاشل بكل المقاييس ولا بيعرفو يربو عيال ولا اى حاجه خالص
2- الوثوق بالناس:
لا اصلا مش سهل انك تثق بالناس لان الدنيا مفهاش امان
3- نوم البنت عند الاقارب :
لا لان مينفعش طبعا باى منطق ده هما الاقارب دول مش محارم يعنى
4- التمسك بالرأي حتى وان كان خاطئا :
لا الانسان لازم يكون مرن ويتقبل اراء الغير ولو رايه غلط يعمل الصح لان الحكيم هو اللى بيتعلم من اراء الغير
5- الثقه الزائده بالنفس :
لا لانها بتخلى صاحبها شايف انه صح ف كل حاجه وفى الاخر بيقع فى حاجه سهله اوى وبتقلب معاه بغرور اه اكون واثقه من نفسى بس مش زياده عشان كده الكل هيفهمها غرور والناس هتكرهنى
6- مقوله : الغايه تبرر الوسيله
لا مفيش حاجه اسمها كده يعنى ايه اكون عايزه فلوس يبقى اسرق اكون عايزه انجح يبقى اغش اصلا اللى قالها ده هيشيل ذنبها لحد يوم الدين مفيش الكلام ده طبعا
7- زواج الأقارب :
لا عشان بيجى من وراه المشاكل
8- عيد الحب :
اه لازم يكون ف يوم كل واحد يفتكر فيه اللى بيحبه بهديه ولا حتى بكلمه حلوه وده مع الازواج بالتحديد لان الناس بعد الزواج مع الهموم والمشاكل بتنسى كل ده وده بيخلق توتر ومشاكل لان الحب ده فى دراسات امريكيه كتير انه بيخفض التوتر الاسرى وكمان بيساعد على تنشئه ابناء اسوياء عشان كده يبقى فى يوم الحب مش عيد الحب عشان الناس تفتكر بعضها ومش شرط لاتنين بيحبو بعض ممكن يكون بين الاصحاب والقرايب كده
9- الاختلاط :
اه عشان لازم يبقى فيه اختلاط بس بحدود مش زى ما بنشوف دلوقتى ويقولو دعوه الى كسر الحواجز اصلا معدش فى حواجز عشان يكسروها بس عامه الاختلاط عادى بس بحدود
10- خطوبة المهد: (واقصد فيها خطبة الاطفال وهم مازالوا في المهد بمعنى فلان لفلانه)
لا طبعا ده كلام ملوش معنى يعنى ايه اول ما يتولدو يقولو فلان لفلانه
[/size]

MAXMOS كتب:

1- الزواج المبكر: لا لان الولد او البنت بيبقوا صغيرين و ميقدروش يتحملوا المسئولية و دة كمان بيبقي في مخاطر للبنت اكتر منها للولد

2- الوثوق بالناس: شئ كويس جدا الثقة بالناس اللي حواليك والا ازاى حنتعامل معاهم الي ان يثبت العكس

3- نوم البنت عند الاقارب : لا

4- التمسك بالرأي حتى وان كان خاطئا : لا طبعا

5- الثقه الزائده بالنفس : نعم بس المهم انها متوصلش لغرور

6- مقوله : الغايه تبرر الوسيله لا طبعا

7- زواج الأقارب : ممكن

8- عيد الحب : نعم الواحد بيفتكر فية الناس اللي بيحبهم اصحابة ومعارفة بس الحاجات اللي بتحصل فية اوفر شويتين

9- الاختلاط : ف حدود

10- خطوبة المهد: (واقصد فيها خطبة الاطفال وهم مازالوا في المهد بمعنى فلان لفلانه)
لا طبعا دة بيبقي ظلم للاتنين الولد والبنت لان ممكن لما يكبروا ميبقوش قابلين بعض
[/size]