منتدى كليه هندسه قنا

Every Thing About The Faculty Of Engineering ,Qena


    !!!الله يرحمك يا رجولة!!!

    شاطر

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY !!!الله يرحمك يا رجولة!!!

    مُساهمة من طرف NOHA في الجمعة سبتمبر 04, 2009 6:21 pm

    السلام عليكم و رحمة الله و بركاته
    النهاردة عاوزة اتناقش معاكم فى موضوع هجيبلكم شوية مواقف غالبيتها حصلت ادامى او قريتها فى منتدى

    المنظر الاول:شوية ولاد حلقوا ع كام بنت فى الشارع ووسط الناس و قعدو يغتتو عليهم و نازلين رزالة
    و اصحابهم بيضحكو و طبعا و لا دكر فى الشارع (لان محدش فيهم يستاهل لقب راجل)يدافع عن البنات دى ويزعق فى شوية الولاد دول
    ملحوظة:طبعا فى كتير منكم هيقول البنات دى مكانتش لابسة محترم ..ماشى

    المنظر التانى:فى القاهرة من كام سنة كده شوية شباب تقريبا كانو سكرانين كانو بيتهجمو على اى بنت فى الشارع و كان من البنات دى منقبات و محجبات كام واحدة منقبة دخلو مطعم جنبهم يستنجدو بالناس اللى فيه طبعا و لا حد سأل فيهم
    كل واحد قال انا مالى ممكن اتضرب و لا العيال السكرانة دى يعملو فيا حاجة انا ادخل نفسى فى مشاكل ليه

    المنظر التالت: بنتين دخلو اتوبيس كل الرجالة قاعدين و غالبية البنات واقفين طبعا مفيش بنى ادم من اللى قاعدين يخلى عنده دم و يقوم لواحدة بنت او ست

    المنظر الرابع:موضوع فى منتدى <ليه تقوم لواحدة ست فى المترو> كاتب الموضوع (يا عينى بيشتكى) انه مرة حب يسترجل و قام هو واحد صاحبه لاتنين ستات اد امهاتهم لكن وهما واقفين كان الستات بيحكو عن الطبيخ و معرفش ايه و هو وصاحبه متعذبين طول الطريق و بيقول(يعنى هما بيتعبو و احنا لا)

    المنظر الخامس: ولد و اخوه بيتخانقو مع واحد تالت و مكتفينه و نازلين فيه تقطيع و الشارع كله عمال يتفرج مفيش واحد حاول يتدخل (طبعا و هو يتدخل ليه ما ممكن يتقطع مع الولد)

    و حاجات من دى كتير
    ايه اللى بيحصل ؟؟
    احنا مسلمين المفروض اننا بنعلم العالم كله مكارم الاخلاق و بنقتدى بالرسول عليه افضل الصلاة و السلام

    ليه لما تشوف واحدة فى الشارع حد بيرزل عليها متدافعش عنها حتى لو هى لابسة مش كويس متقولش هى عايزة كده
    مادام استنجدت بيك دافع عنها خليك راجل اعمل انت الصح حتى لو هى عملت الغلط و ثوابك عند ربنا

    ليه لما تكون راكب اتوبيس او مترو او اى حاجة و لاقى واحدة ست واقفة متقوملهاش
    حتى يا سيدى مثل ادام الناس بس شوف كام واحد هيخلى عنده دم و يعمل زيك

    ليه و ليه وليه
    ليه بتقول انا مالى ؟ ليه السلبية اللى بقت فى شبابنا دى؟
    ليه مبقاش عندهم نخوة و شهامة؟
    ليه ضاعت منهم الرجولة ؟
    و لا هما مش عارفين معنى الرجولة اصلا؟


    طبعا مش كل الشباب كده فى قليل منهم مش كده


    عاوزة اسال كل واحد فيكم و ياريت الاجابة تكون بصراحة

    لو شفت واحد فى الشارع بيرزل على واحدة بنت جاااامد هتوقفه عند حده و لا هتمشى و تقول انا مالى؟
    لو كنت راكب اتوبيس وواحدة فى سن مامتك واقفة هتقوم و لا لا؟
    لو حد فى الشارع طلب مساعدتك فى اى حاجة هتساعدو و لا لا؟

    و سؤال للبنات وانتى ماشية فى الشارع بتبقى حاسة بالامان سواء كنتى لابسة محترم او لا؟
    بتبقى حاسة ان لو حصلتلك حاجة مليون حد هيساعدك؟


    Nora
    مهندس مـمتـــاز
    مهندس مـمتـــاز

    انثى
    مساهماتى : 977
    عمرى : 24
    فـرقـتـى : اولى ميكاترونكس
    نقاط : 3432

    3ADY رد: !!!الله يرحمك يا رجولة!!!

    مُساهمة من طرف Nora في الجمعة سبتمبر 04, 2009 6:44 pm


    لا فعلا مبقيش فيه اليومين دول حاجه اسمها رجوله

    حتى احنا بنعانى منها كتير يعنى كل واحد بقى يقول

    وانا مالى خلينى فى حالى ليه بجد السلبيه اللى وصلنالها

    يعنى ليه الواحد مبيعملش الحاجه دى حتى علشان

    ياخد عليها ثواب ربنا فعلا يهدى رجالة الزمن ده

    تسلمى يا نها

    eng_mostafa
    مهندس جديد
    مهندس جديد

    ذكر
    مساهماتى : 86
    عمرى : 24
    فـرقـتـى : اولى كهرباء
    نقاط : 2687

    3ADY رد: !!!الله يرحمك يا رجولة!!!

    مُساهمة من طرف eng_mostafa في الجمعة سبتمبر 04, 2009 6:49 pm

    لا انا مش معاكم يا بشمهندسن
    لانى طبعا صح اللى بتقوله عليه
    لكن برضوه لسه فيه ناس رجالة
    لكن مش كتيييير
    وده يرجع لعدم الاهتمام بالدين

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في الجمعة سبتمبر 04, 2009 6:53 pm

    ميرسى لمرورك يا نورا منورة
    و ميرسى لمرورك يبشمهندس مصطفى
    لا انا مش معاكم يا بشمهندسن
    لانى طبعا صح اللى بتقوله عليه
    لكن برضوه لسه فيه ناس رجالة
    لكن مش كتيييير
    وده يرجع لعدم الاهتمام بالدين
    بالظبط كده مش كتير و قليلين جدااااااا
    لكن ليه كده؟
    ميرسى لمرورك يبشمهندس نورت الموضوع

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5703

    3ADY رد: !!!الله يرحمك يا رجولة!!!

    مُساهمة من طرف SomeOne في الجمعة سبتمبر 04, 2009 6:57 pm

    المنظر التالت:
    بنتين دخلو اتوبيس كل الرجالة قاعدين و غالبية البنات واقفين طبعا مفيش
    بنى ادم من اللى قاعدين يخلى عنده دم و يقوم لواحدة بنت او ست

    لالالا يا اما انا بوقف دا حتى فى الاسبانى وربنا اى حد مش حاجز مش شرط ست يعنى حتى لو راجل كبير يبقى بيس اقوم واقعده انتو مش بتشوفو الاسبانى فى الاعياد بيبقى حاجه فظيعه .....





    المنظر الرابع:موضوع فى منتدى كاتب الموضوع (يا عينى بيشتكى)

    دا نطع وصاحبه انطع ومعندهمش دم ....

    المنظر الخامس:
    ولد و اخوه بيتخانقو مع واحد تالت و مكتفينه و نازلين فيه تقطيع و الشارع
    كله عمال يتفرج مفيش واحد حاول يتدخل (طبعا و هو يتدخل ليه ما ممكن يتقطع
    مع الولد)

    فعلا فى دى معاكم حق محدش هيتدخل خالص ...

    الله يرحمها الرجوله دى فعلا !!!!


    ليه ضاعت منهم الرجولة ؟
    و لا هما مش عارفين معنى الرجولة اصلا؟

    فعلا والله بس هنعمل ايه

    بالنسبه لحوار معاكسه البنات برده



    بس اعذرونى فى بنات تجبرك انك تعاكسها

    تمشى كدا وتقول يا عالم عاكسونى نفسى اتعاكس والنبى حتى فى رمضان .....الله يخرب بيت ابوهم ..


    بصى الرجاله ضاعت منهم الرجوله والبنات ضاع منهم الحياء دى الخلاصه ....


    وتنبيه عام ...اى حد هيعدى قدام ابوزناته مش لابس محترم هيتعاكس ,,,,,,هههههههههههه""""وقد احذر من انظر ...



    بجد موضووع متميز يا بشمهندسه

    تسلمى,,,,





    [center]
    [/center]

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في الجمعة سبتمبر 04, 2009 7:05 pm

    لالالا يا اما انا بوقف دا حتى فى الاسبانى وربنا
    اى حد مش حاجز مش شرط ست يعنى حتى لو راجل كبير يبقى بيس اقوم واقعده انتو
    مش بتشوفو الاسبانى فى الاعياد بيبقى حاجه فظيعه ....
    طيب تمام لان فى غير حضرتك مليون واحد مش بيوقف فى مشوار نص ساعة

    فعلا فى دى معاكم حق محدش هيتدخل خالص ...
    الله يرحمها الرجوله دى فعلا !!!!
    الله يرحمها و يحسن اليها..بس بردو مجاوبتش ع السؤال............ليه مش بيتدخلو؟

    بس اعذرونى فى بنات تجبرك انك تعاكسها
    تمشى كدا وتقول يا عالم عاكسونى نفسى اتعاكس والنبى حتى فى رمضان .....الله يخرب بيت ابوهم ..
    و الله كنت متأكدة ان الحتة دى بالذات ردك هيكون كده
    طيب و بالنسبة للمنقبات؟...كتبالك المنظر ده مخصوص..ليه ما اهم منقبات؟

    و بعدين انا مع حضرتك هى مش لابسة محترم بس لو استنجدت بيك هتنجدها و لا هتقعد تتفرج؟
    طيب ولنفرض انها بتعمل حاجة غلط ليه شبابنا المسلمين ميعملوش الحاجة الصح؟

    اسعدنى مرورك يبشمهندس

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5703

    3ADY رد: !!!الله يرحمك يا رجولة!!!

    مُساهمة من طرف SomeOne في الجمعة سبتمبر 04, 2009 8:17 pm

    و الله كنت متأكدة ان الحتة دى بالذات ردك هيكون كده
    طيب و بالنسبة للمنقبات؟...كتبالك المنظر ده مخصوص..ليه ما اهم منقبات؟

    بعد اذنك ..

    اولا اسمهم منتقبات لان منقب يعنى مخرم ..بيس هههههه
    وانا ولله الحمد اخواتى البنات كلهم منتقبات يعنى فأكيد مش هعاكس اى واحده منتقبه ..ثم يعنى المنتقبه يعنى هنعاكسها ليه ؟؟دى واقسم بالله لما بشوف اى واحده منقبه ببقى سعيد جدا كأنى شايف ملاك لان دى عمرها ما هتضطرنا نعاكسها ....ربنا يكتر من امثالهم .




    و بعدين انا مع حضرتك هى مش لابسة محترم بس لو استنجدت بيك هتنجدها و لا هتقعد تتفرج؟

    طبعا لو استنجدت بيا هنجدا ثم لو عيلا انا فأنا اكيد بهزر لانى بتكسف ما اعاكس نفسى ,,,يبقى هعاكس بنات حتى لو كانو ماشيين لابسين مش محترم ؟غير لو كنا ماشييين شله وكله عاكس انا هقعد ساكت!!!لالالا لازم اقولى كلمه ..






    طيب ولنفرض انها بتعمل حاجة غلط ليه شبابنا المسلمين ميعملوش الحاجة الصح؟

    ياشيخه دا احنا فينا اللى مكفينا لازم نتفرج ونبصبص

    دا لو هما لبسو معقول برده هنبصبص يعنى هنعمل ايه الزمن بقا ...

    اسعدنى مرورك يبشمهندس


    والله انا اللى دايما ببقى فخور وانا بتناقش فى اى موضوع وانتى فيه (على الاقل مش بتنسحبى ودايما بتحرجينى وتجارينى فى الكلام) بس انا مش هنسحب ابداااااااااااا
    هههههه


    شكرا لحضريتك

    خالص احترامى.





    [center]
    [/center]

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في الجمعة سبتمبر 04, 2009 9:35 pm


    اولا اسمهم منتقبات لان منقب يعنى مخرم ..بيس هههههه
    ههههه..ماشى سيادتك..ميرسى ع المعلومة.

    وانا ولله الحمد اخواتى البنات كلهم منتقبات يعنى
    فأكيد مش هعاكس اى واحده منتقبه ..ثم يعنى المنتقبه يعنى هنعاكسها ليه
    ؟؟دى واقسم بالله لما بشوف اى واحده منقبه ببقى سعيد جدا كأنى شايف ملاك
    لان دى عمرها ما هتضطرنا نعاكسها ....ربنا يكتر من امثالهم .
    يارب ..بس ارجع كده للمنظر التانى دى حادثة حصلت فى القاهرة لبنات كان منهم بنات لابسين نقاب

    لو كنا ماشييين شله وكله عاكس انا هقعد ساكت!!!لالالا لازم اقولى كلمه .
    ياشيخه دا احنا فينا اللى مكفينا لازم نتفرج ونبصبص

    دا لو هما لبسو معقول برده هنبصبص يعنى هنعمل ايه الزمن بقا ...
    ههههههه..لا بردو ميصحش لازم تقول
    اهى دى اللى يتقال عليها عذر اقبح من ذنب
    و لما ربنا يحاسك يوم القيامة هتقوله هما السبب كانو لابسين وحش!!(ربنا ينجيك و ينجينا من اهوال يوم القيامة)
    ما علينا مش موضوعنا

    ميرسى يبشمهندس لمرورك
    بجد شرفت الموضوع

    Yasmen
    مهندس جديد
    مهندس جديد

    انثى
    مساهماتى : 18
    عمرى : 24
    نقاط : 2652

    3ADY رد: !!!الله يرحمك يا رجولة!!!

    مُساهمة من طرف Yasmen في الجمعة سبتمبر 04, 2009 9:45 pm

    نقاش عظيم جدا بس انا من رايى ان كل واحده تعمل اللى هيا شايفاه صح وتراعى ربنا فى الشباب وربنا يهدينا يارب ويخليكى يارب يا نها على الموضوع الهايل دا

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3928

    3ADY رد: !!!الله يرحمك يا رجولة!!!

    مُساهمة من طرف THE GAME في الجمعة سبتمبر 04, 2009 10:40 pm



    ااااه ... دايما بتيجى على الجرح .... فنانه انتى والله ....



    بصى بقا ....



    بالنسبه للمنظر الأول معتقدش ان الكلام دا ممكن يحصل ابدا لأنى شفت معاكسه بنفسى حصلت فى القاهره من النوع دا البنات بس شدت مع الولاد ولقيت زعيق وكل اللى فى الشارع جاتله الشهامه ومسكت فيهم وكان مرمطون فى الشارع .... عشان محدش يعرفهم ... لكن لو جينا بقى ان الولاد دول مهمين أوى .... والناس عافينهم ... كل واحد هيقلك لا ياعم دا ابوه كذا وكذا انا مالى .... او مثلا بيعاكسو وهما راكبين عربيه هتتلمى عليهم ازاى ؟؟؟



    المنظر التانى انتى قلتى عيال سكرانه ... يعنى معاهم مطاوى وحوارت.. يعنى بلطجيه .... وانا لو لوحدى مش هقدر اعمل حاجه ... حطى نفسك فى الأمر الواقع .... لكن لو ناس كتيره ....طبعا طبعا كلهم هيقفو فى وش البلطجيه دول ...



    المنظر الخامس بقا .... محدش هيستجرأ ويوقفهم عن حدهم غير لو يقدر يعمل كدا بجد ... يعنى مش هاجى انا واقولهم انتا يلا انت وهو ايه اللى بتعملوه فى الراجل دا .... هتقطع زيه .... مشيها بالمنطق ...مش كدا ولا ايه ....ومعتقدش الشارع كلو يقف يتفرج ومحدش يقدر يعمل حاجه غير بقا لو فى منطقه شعبيه والناس دول هما بلطجية المنطقه محدش هيتجرأ.... بس لو واحد يقدر بجد يوقفهم وموقفهمش يبقى راجل سيس ...ابسطها تبلغ البوليس ....



    والحوارات دى كلها مش عايزه وقفة راجل بس ... مش هينفع ... عايزه وقفة رجاله مع بعض ....



    وعلى فكره .... الرجوله اللى حضرتك بتتكلمى عنها فى الموضوع دا معناها القوة ... يعنى المعنى العضلى ليها .... والرجوله مش كدا وبس .... ده احد جوانب الرجوله .... مش كل الناس تقدر تحط نفسها فى مواقف زى دى .... لكن تقدر تعمل حاجه تانيه من جوانب الرجوله الأخرى ....



    وده مجتمعنا ....



    بجد الموضوع دا رائع ...

    واسف على الأطاله ....















    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في الجمعة سبتمبر 04, 2009 11:03 pm

    نقاش عظيم جدا بس انا من رايى ان كل واحده تعمل
    اللى هيا شايفاه صح وتراعى ربنا فى الشباب وربنا يهدينا يارب ويخليكى يارب
    يا نها على الموضوع الهايل دا
    ميرسى جداااااااا لمرورك يا ياسمين نورتى الموضوع
    و نورتى المنتدى

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في الجمعة سبتمبر 04, 2009 11:18 pm

    لمنظر التانى انتى
    قلتى عيال سكرانه ... يعنى معاهم مطاوى وحوارت.. يعنى بلطجيه .... وانا لو
    لوحدى مش هقدر اعمل حاجه ... حطى نفسك فى الأمر الواقع .... لكن لو ناس
    كتيره ....طبعا طبعا كلهم هيقفو فى وش البلطجيه دول ..
    كلامك صح..اكيد مش انت لوحدك لكن حضرتك عارف ان شوارع القاهرة زحمة يعنى اكيد كان فى ناس كتير و بعدين دول دخلو استنجدو بناس فى مطعم يعنى لو خمسة ستة حاولو ياخدو موقف
    كان ممكن يقدرو عليهم..و لعلمك صح واحد لوحده مش هيقددر لكن لو واحد كان بدأ كان الباقى هيتحرك معاه لكن كل واحد بيقول انا مالى؟

    لمنظر الخامس بقا
    .... محدش هيستجرأ ويوقفهم عن حدهم غير لو يقدر يعمل كدا بجد ... يعنى مش
    هاجى انا واقولهم انتا يلا انت وهو ايه اللى بتعملوه فى الراجل دا ....
    هتقطع زيه .... مشيها بالمنطق ...مش كدا ولا ايه ....ومعتقدش الشارع كلو
    يقف يتفرج ومحدش يقدر يعمل حاجه غير بقا لو فى منطقه شعبيه والناس دول هما
    بلطجية المنطقه محدش هيتجرأ.... بس لو واحد يقدر بجد يوقفهم وموقفهمش يبقى
    راجل سيس ...ابسطها تبلغ البوليس ....

    لا تعرف مش كدا علشان الخناقة دى حصلت تحت بيتنا و الرجالة(بسم الله ما شاء الله عليهم )كانو بيتفرجو فى البلكونات و احنا مش منطقة شعبية الحمد لله ..و مش عندنا بلطجية و لا حاجة..

    وعلى فكره .... الرجوله اللى حضرتك بتتكلمى عنها فى الموضوع دا معناها القوة ... يعنى المعنى العضلى ليها ..
    لا على فكرة يبدو ان وجهة نظرى ما وصلتكش صح..انا قصدى ان مفيش حد بيتحرك مفيش حد بياخد موقف..مش لازم تكون عضلات يعنى علشان تاخد موقف
    و بعدين لو واحد اتحرك كتير هيتحرك..بس هو مبدأ كل واحد بيقول مليش دعوة

    بجد الموضوع دا رائع ...

    واسف على الأطاله ....
    ميرسى يبشمهندس

    لا طبعا انا اتشرفت بمرور حضرتك الجميل ده
    و ميرسى ع مرورك و وجهة نظرك


    WhiTe<>RoSe
    مهندس مـمتـــاز
    مهندس مـمتـــاز

    انثى
    مساهماتى : 1433
    عمرى : 25
    فـرقـتـى : طب قنا
    نقاط : 3645
    المسابقه الرمضانيه : المركز الثالث

    3ADY رد: !!!الله يرحمك يا رجولة!!!

    مُساهمة من طرف WhiTe<>RoSe في السبت سبتمبر 05, 2009 12:39 am

    بصراحة اولا انا مش باتفق معاكي يا نهي ف حكاية اننا نوصف كل الرجالة دلوقتي بعدم الرجولة....لأننا لو قلنا كدة يبقي هنقول بقي ان ابائنا واخواتنا بقوا معندهمش لا رجولة ولا شهامة ومالهمش لازمة يعني........

    احنا ممكن نقول ليه روح النخوة عند الرجالة مابقتش زي زمان....

    زمان لما كانت البنت تمشي محدش يستجرأ يبصلها...........ولو شاور عقله حتي انه يبصلها يلاقي نفسه متلطش وواخدله خمسين غرزة ف وشه......

    دلوقتي الحال اتغير والزمن اتغير .....دلوقتي كل واحد عايز يبقي ف حاله......ده لو اتجرأ شوية يشاور من بعيد ويمشي......دلوقتي لو حب يتدخل ممكن يحصل له اكتر من اللي بيحصل للي بيتخانقوا.......كله بياخدها من قصيرها ويقول يمكن ييجي حد يحجز ما بينهم...وهو ده السؤال ليه كل واحد بقي خايف كدة وبيقول يلا نفسي وخلاص......
    لكن العيب مش ف الرجولة......الرجولة موجودة بس الحافز اللي بيحركها للاسف مش بيشتغل الا ف امور نادرة مش اكتر

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في السبت سبتمبر 05, 2009 2:33 am

    بصراحة اولا انا مش
    باتفق معاكي يا نهي ف حكاية اننا نوصف كل الرجالة دلوقتي بعدم
    الرجولة....لأننا لو قلنا كدة يبقي هنقول بقي ان ابائنا واخواتنا بقوا
    معندهمش لا رجولة ولا شهامة ومالهمش لازمة يعني........
    هى دى البداية الغلط ..لا طبعا و لا اجرؤ انى اوصف كل الرجالة انتى جيتى على ابهاتنا بس طيب و باقى قرايبنا
    لا انا مش قصدى كده ..انا قصدى ع الشباب و مش كلهم بردو..و ممكن اسلوبى يكون فهمك كده
    لكن ادينى بصححلك مش كل الرجالة انا بتكلم ع الشباب و مش كلهم

    زمان لما كانت البنت
    تمشي محدش يستجرأ يبصلها...........ولو شاور عقله حتي انه يبصلها يلاقي
    نفسه متلطش وواخدله خمسين غرزة ف وشه......
    بالظبط هو ده..كان هيلاقى نفسه مدفون و هو واقف

    لكن العيب مش ف الرجولة......الرجولة موجودة بس الحافز اللي بيحركها للاسف مش بيشتغل الا ف امور نادرة مش اكتر
    لا فى الرجولة..اللى كانت موجودة زمان بس مش زمان اوى يعنى ..يعنى ايام ابهاتنا كده
    نااااااادرة جداااا

    ع فكرة انتى فهمتينى غلط يا منة
    طبعا فى رجالة بس انا بتكلم ع شباب اليومين دول
    و بردو مش كلهم
    و السلبية الفظيعة اللى بقت فيهم
    ميرسى لمرورك يا منة

    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4051

    3ADY رد: !!!الله يرحمك يا رجولة!!!

    مُساهمة من طرف RooT_MaxMos في السبت سبتمبر 05, 2009 10:47 am


    و الله موضوع جامد يا بشمهندسه بس انا هقولك الاول الصراحه في المنظر الخامس

    اصل انا لو شفت خناقه زي كدا و ادخلت و قولت خلاص يا باشا على الاقل هيرد عليا و يقولي انت مال امك و طبعا لو قال حاجه زي كدا يبقى انا دخلت في الخناقه رسمي( انا اسف على اللفظ دا بس كان لازم اقوله ) يبقى ليه ادخل اخدها من قصيرها و اعمل زي الناس التانيه و اتفرج

    و بالنسبه للمنظر الاول و الله لو البنت استنجدت بيا انا مش هتردد ثانيه و في كتير بيعملوا كدا يا بشمهندسه و حصلت قدام عيني

    و المنظر التاني زي ما قال البشمهندس ذا جيم و انتي بتقولي في القاهره في ناس كتير....عشان يبقى كل واحد خدله ضربه بالمطواه و ريح....عشان كدا الناس بتريح دماغها و تقولك انا مالي

    المنظر التالت لا دي ناس غلسه اوى و بتحب ترزل بس اغلب الناس بتقف و يقعدوا الستات مكانهم

    المنظر الرابع no comment

    و على فكره في رجاله كتيره مش رجاله منظر بس و ملهمش لازمه في الدنيا

    لنا عوده مره اخرى بس لما اشوف ردك

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في السبت سبتمبر 05, 2009 10:26 pm


    و الله موضوع جامد يا بشمهندسه بس انا هقولك الاول الصراحه في المنظر الخامس
    اصل
    انا لو شفت خناقه زي كدا و ادخلت و قولت خلاص يا باشا على الاقل هيرد عليا
    و يقولي انت مال امك و طبعا لو قال حاجه زي كدا يبقى انا دخلت في الخناقه
    رسمي( انا اسف على اللفظ دا بس كان لازم اقوله ) يبقى ليه ادخل اخدها من
    قصيرها و اعمل زي الناس التانيه و اتفرج
    ميرسى جدااا يبشمهندس...اوك انا مع حضرتك بس زى ما قولت لو واحد بدأ الباقى كله هيتشجع و يتكلم ..لكن كله بيفضل انه يتفرج و ميدخلش ..و ده الغلط

    بالنسبه للمنظر الاول و الله لو البنت استنجدت بيا انا مش هتردد ثانيه و في كتير بيعملوا كدا يا بشمهندسه و حصلت قدام عيني
    طيب تمام الحمد لله....و فى كتير جداا مش كده

    المنظر التالت لا دي ناس غلسه اوى و بتحب ترزل بس اغلب الناس بتقف و يقعدوا الستات مكانهم
    لا بيتهيألكو الله يبشمهندس..ده الغاللبية مش بيقومو و احنا كنا بنقوم علشان نقعد الستات الاكبر منا
    و الرجالة كانو بيبقو قاعدين

    و على فكره في رجاله كتيره مش رجاله منظر بس و ملهمش لازمه في الدنيا
    ما هو ده اللى بقوله ليه بقا فى سلبية للدرجة دى

    لنا عوده مره اخرى بس لما اشوف ردك
    اوك ياريت
    ده انا اتشرف بمرور حضرتك

    ميرسى جداا يبشمهندس
    اسعدنى مرورك و ردك

    shawkey
    مهندس متميز
    مهندس متميز

    ذكر
    مساهماتى : 555
    عمرى : 25
    نقاط : 4173

    3ADY رد: !!!الله يرحمك يا رجولة!!!

    مُساهمة من طرف shawkey في السبت سبتمبر 05, 2009 11:20 pm

    اولا هو احنا ليه نقوم للستات علشلن يقعدوا

    دا يبقى شغل .................والكل عارف الكلمة الى مكان النقط
    والولاد برضه ليهم حق يعاكسوا
    اكيد البنات لابسين لبس على الموضة
    وتلاقيهم بيدوروا على حد يعاكسهم من الصبح وما صدقوا لقيوهم

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: !!!الله يرحمك يا رجولة!!!

    مُساهمة من طرف NOHA في الأحد سبتمبر 06, 2009 12:18 am

    اولا هو احنا ليه نقوم للستات علشلن يقعدوا
    علشان المفروض ان حضرتك راجل و الاخلاق بتقول انك تقوم لو الست دى اد والدتك او اكبر او اصغر مش فارقة؟
    دا يبقى شغل .................والكل عارف الكلمة الى مكان النقط
    مش عارفاها و مش حابة اعرفها علشان شكلها كده مش كويسة
    والولاد برضه ليهم حق يعاكسوا
    اكيد البنات لابسين لبس على الموضة
    وتلاقيهم بيدوروا على حد يعاكسهم من الصبح وما صدقوا لقيوهم
    و المفروض ان حضرتك مسلم....
    و ربنا هيحاسبك على اللى انتا بتعمله ايا كانت الظروف اللى اتعرضت ليها (لبس البنات)


    ميرسى لمرورك

    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4051

    3ADY رد: !!!الله يرحمك يا رجولة!!!

    مُساهمة من طرف RooT_MaxMos في الأحد سبتمبر 06, 2009 9:38 am

    اوك انا مع حضرتك بس زى ما قولت لو واحد بدأ الباقى كله هيتشجع و يتكلم ..لكن كله بيفضل انه يتفرج و ميدخلش ..و ده الغلط



    طب انتي بتقولي يا بشمهندسه الكل هيتشجع و يوقفوا العيال دي
    بعد يومين بالضبط هيمسكوا و هيضربوا تاني اكتر من الاول و في حته مفهاش ناس
    يبقى خليهم يضربوا شويه و بعد كدا نفصل بينهم


    طيب تمام الحمد لله....و فى كتير جداا مش كده



    لا و الله يا بشمهندسه في كتير جدا بس يمكن انتي مش واخده بالك بس


    لا بيتهيألكو الله يبشمهندس..ده الغاللبية مش بيقومو و احنا كنا بنقوم علشان نقعد الستات الاكبر منا
    و الرجالة كانو بيبقو قاعدين



    طب انا هحكيلك على موقف حصل معايا انا....انا كنت مسافر من قنا لاسكنداريه و اول ما وصلنا المنيا واحده ركبت مش كبيره في السن لا بالعكس تقريبا كان عندها 27 سنه و مسيحيه كمان و الله قعدتها مكاني لغايه القاهره و بعد كدا نزلت هناك و كذا واحد في القطر زي برده عمل كدا كانوا بيقعدوا الستات مكانهم


    ما هو ده اللى بقوله ليه بقا فى سلبية للدرجة دى


    انا كان قصدي في رجاله مخها زي مخ الاطفال بالضبط عمرها ما بتعقل عشان كدا بقول ملهمش لازمه في الدنيا يبقى ما يتحسبوش على الرجاله


    شكراا يا بشمهندسه على ردك و اسلوبك في الحوار....تسلمي

    يارا
    مهندس جديد
    مهندس جديد

    انثى
    مساهماتى : 11
    عمرى : 25
    نقاط : 2649

    3ADY رد: !!!الله يرحمك يا رجولة!!!

    مُساهمة من طرف يارا في الأحد سبتمبر 06, 2009 10:42 am

    ياشيخه دا احنا فينا اللى مكفينا لازم نتفرج ونبصبص

    دا لو هما لبسو معقول برده هنبصبص يعنى هنعمل ايه الزمن بقا ...

    فعلا الله يرحمك يا رجولة

    انا كان قصدي في رجاله مخها زي مخ الاطفال بالضبط عمرها ما بتعقل عشان كدا بقول ملهمش لازمه في الدنيا يبقى ما يتحسبوش على الرجاله

    اه اعتقد اغلبيتهم بقى كده خصوصا شباب اليومين دول

    يلا ربنا يهدى الجميع

    بس فعلا يا نهى لو حاولتى تدورى على رجالة اليومين دول مش هتلاقى الا قلة والقلة دول هما الفئة المحترمة من الشباب اللى نشأوا فى حب وطاعة الله من هما وصغيرين انما دلوقتى تلاقى الواحد قد الحيطة ومش بيصلى او بيصلى وبيعاكس بنات وبيقول هما اللى عايزين يتعاكسوا
    انا الصراحة لايمكن انظر للشباب اللى بيعملوا كده وبيقولوا كده الا نظرة شفقة عليهم وعلى عقولهم اللى ادمرت بالفساد بدل ما يملوها بحب ربنا وطاعته وطاعة الرسول
    ميرسى يا قمر على الموضوع الاكثر من راااائع

    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4051

    3ADY رد: !!!الله يرحمك يا رجولة!!!

    مُساهمة من طرف RooT_MaxMos في الأحد سبتمبر 06, 2009 10:55 am


    اه اعتقد اغلبيتهم بقى كده خصوصا شباب اليومين دول

    يلا ربنا يهدى الجميع

    بس فعلا يا نهى لو حاولتى تدورى على رجالة اليومين دول مش هتلاقى الا قلة والقلة دول هما الفئة المحترمة من الشباب اللى نشأوا فى حب وطاعة الله من هما وصغيرين انما دلوقتى تلاقى الواحد قد الحيطة ومش بيصلى او بيصلى وبيعاكس بنات وبيقول هما اللى عايزين يتعاكسوا
    انا الصراحة لايمكن انظر للشباب اللى بيعملوا كده وبيقولوا كده الا نظرة شفقة عليهم وعلى عقولهم اللى ادمرت بالفساد بدل ما يملوها بحب ربنا وطاعته وطاعة الرسول
    ميرسى يا قمر على الموضوع الاكثر من راااائع



    انتي شوفتي اخر كلمه قولتها ايه (مبيتحسبوش على الرجاله) يعني لسه مراهق....كل واحده قاعده في بيت ابوها تقول شباب اليومين دول محسسني انهم عارفينهم كويس
    نقول ايه غير ربنا يهدي و اذا انتوا كنتوا جايين على الرجوله طب بصوا على البنات من ناحيه تانيه اذا كان في فالرجاله عيوب فعيوب المراه اكتر و اكتر

    و الرجاله مالين البلد و الحمد لله

    يارا
    مهندس جديد
    مهندس جديد

    انثى
    مساهماتى : 11
    عمرى : 25
    نقاط : 2649

    3ADY رد: !!!الله يرحمك يا رجولة!!!

    مُساهمة من طرف يارا في الأحد سبتمبر 06, 2009 11:06 am

    انتي شوفتي اخر كلمه قولتها ايه (مبيتحسبوش على الرجاله) يعني لسه مراهق....كل واحده قاعده في بيت ابوها تقول شباب اليومين دول محسسني انهم عارفينهم كويس
    نقول ايه غير ربنا يهدي و اذا انتوا كنتوا جايين على الرجوله طب بصوا على البنات من ناحيه تانيه اذا كان في فالرجاله عيوب فعيوب المراه اكتر و اكتر


    و الرجاله مالين البلد و الحمد لله



    اه فعلا مفيش اكتر من المراهقين اليومين دول مهما كبر سنهم تلاقيهم لسه عقولهم قد النملة

    (وكل واحدة قاعدة فى بيت ابوها)والله لفظ صحيح بس دى اكيد اللى مش متعلمة او بالاعدادية هى اللى مش بتخرج ومش عارفة ان مفيش بره رجالة لكن اللى شايفينه دلوقتى انعدام الرجولة اللى فى الشباب دا للبنات المتعلمة واللى بتخرج وعارفة ان مفيش اى موقف من مواقف الشباب الا ودلت على عدم مسئوليتهم ورجولتهم
    وفعلا ربنا يهدى الجميع ويعقلهم

    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4051

    3ADY رد: !!!الله يرحمك يا رجولة!!!

    مُساهمة من طرف RooT_MaxMos في الأحد سبتمبر 06, 2009 11:16 am


    اه فعلا مفيش اكتر من المراهقين اليومين دول مهما كبر سنهم تلاقيهم لسه عقولهم قد النملة

    على فكره يا بشمهندسه بكلامك دا انتي بتعممي على الكل........


    (وكل واحدة قاعدة فى بيت ابوها)والله لفظ صحيح بس دى اكيد اللى مش متعلمة او بالاعدادية هى اللى مش بتخرج ومش عارفة ان مفيش بره رجالة لكن اللى شايفينه دلوقتى انعدام الرجولة اللى فى الشباب دا للبنات المتعلمة واللى بتخرج وعارفة ان مفيش اى موقف من مواقف الشباب الا ودلت على عدم مسئوليتهم ورجولتهم
    وفعلا ربنا يهدى الجميع ويعقلهم

    هههههههههههههههههههه و المتعلمه و الله بس انتي فهمتي وجهه نظري غلط انا كان قصدي انا بقعد مثلا مع اصحابي و الشباب اللى زينا و احنا بس لينا الحق ان نحكم على الشخص دا راجل او لا

    مش واحده مثلا ماشيه في الشارع تشوف واحد تقول عليه دا مش راجل طب انتي عرفتي ازاي انه مش راجل

    و اذا كان على ربنا يهدي فانا قصدي على الجنس التاني....و انتي فاهمه

    يارا
    مهندس جديد
    مهندس جديد

    انثى
    مساهماتى : 11
    عمرى : 25
    نقاط : 2649

    3ADY رد: !!!الله يرحمك يا رجولة!!!

    مُساهمة من طرف يارا في الأحد سبتمبر 06, 2009 11:28 am

    على فكره يا بشمهندسه بكلامك دا انتي بتعممي على الكل........

    لا انا مش بعمم يا بشمهندس 0000 بس اى حد من الشباب على راسه بطحة بيحسس عليها
    ولو اى حد منهم قرا رايى دا هيعرف انه منهم دا اذا كان عارف فعلا انه مراهق ومش راجل

    هههههههههههههههههههه و المتعلمه و الله بس انتي فهمتي وجهه نظري غلط انا كان قصدي انا بقعد مثلا مع اصحابي و الشباب اللى زينا و احنا بس لينا الحق ان نحكم على الشخص دا راجل او لا

    مش واحده مثلا ماشيه في الشارع تشوف واحد تقول عليه دا مش راجل طب انتي عرفتي ازاي انه مش راجل

    و اذا كان على ربنا يهدي فانا قصدي على الجنس التاني....و انتي فاهمه



    انا بقى اللى عايزة افهمك حاجة 000 عايزة اقولك مش الرجولة هى مع الاصحاب وبعضها

    لا الرجولة والشهامة مع الجنس التانى اللى هما البنات او مع حد مخدمكش قبل كده فى حاجة فانت بتردله الخدمة دى زى الاصحاب لما بيعملوا كده مع بعضيهم لكن مش بيعملوا كده من باب الرجولة دى مصالح يا بشمهندس وبعد كده حضرتك شفت ردود الشباب اللى فاتت كانت بتدل على الرجولة ازاى وانا ضربت مثل ليها فى ردى اللى قبل اللى فات ياريت حضرتك تقراه كويس وتعرف هى الرجولة وصلت لغاية فين ومتقولش لا لسه الرجالة كتير دول شحوا يا بشمهندس

    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4051

    3ADY رد: !!!الله يرحمك يا رجولة!!!

    مُساهمة من طرف RooT_MaxMos في الأحد سبتمبر 06, 2009 11:39 am


    لا انا مش بعمم يا بشمهندس 0000 بس اى حد من الشباب على راسه بطحة بيحسس عليها
    ولو اى حد منهم قرا رايى دا هيعرف انه منهم دا اذا كان عارف فعلا انه مراهق ومش راجل


    طب كويس اللى على راسه يحسس و يحسس جامد كمان


    انا بقى اللى عايزة افهمك حاجة 000 عايزة اقولك مش الرجولة هى مع الاصحاب وبعضها

    لا الرجولة والشهامة مع الجنس التانى اللى هما البنات او مع حد مخدمكش قبل كده فى حاجة فانت بتردله الخدمة دى زى الاصحاب لما بيعملوا كده مع بعضيهم لكن مش بيعملوا كده من باب الرجولة دى مصالح يا بشمهندس وبعد كده حضرتك شفت ردود الشباب اللى فاتت كانت بتدل على الرجولة ازاى وانا ضربت مثل ليها فى ردى اللى قبل اللى فات ياريت حضرتك تقراه كويس وتعرف هى الرجولة وصلت لغاية فين ومتقولش لا لسه الرجالة كتير دول شحوا يا بشمهندس


    هههههههههههههههههههههههههههه مصالح يا بشمهندسه.......

    طب انتي عارفه كل الردود اللى فاتت دول كلهم اصحابي و عارفهم كويس و عيشت معاهم احلى ايام في الغربه و هم فعلا اللى علموني معنى الرجوله كويس

    بس خدي معلومه مش كل اللى بيتقال هنا في المنتدى بيتنفذ بره و اذا كان على ردودهم فهم بيهزروا

    و على فكره لو انتي في كليه هتعرفي معنى المصالح كويس....يعني البنت بتتعرف على الولد ليه عشان مصلحه....مش اصحاب و يتمصلحوا على بعض

      الوقت/التاريخ الآن هو الأربعاء ديسمبر 07, 2016 12:27 pm