محتاجة لآراكم ضروري

القيصر كتب:

بصى يا بشمهندسه

اولا كل سنه وحضرتك طيبه
ثانيا هندسه قنا كويسه لان انتى هتكونى جمب بيتكم ومرتاحه خالص
انما القاهره زحمه وتعب ومش زى ما احنا فاكرين هيا كليه زى كل الكليات انا شفتها من بره عاديه يعنى انما الله اعلم بالدراسه جواها

وهتتعبى نفسيا من البنات هناك هايصين ومظبطين نفسهم وعربيات وعايشين وانتى هتبقى مغتربه ومشكله السكن والحوارت دى


انما فى قنا هترتاحى


يعنى وفى قنا فى اهم اقسام

مدنى وكهربا وميكانيكا

ولوعايزه عماره حولى اسوان (مع انى منصحكيش باسوان) او اسيوط,

القاهره خليها اخر خيار قدامك

دا رأيى ودى نصيحتى والى تحبيه اعمليه والى فيه الخير يقدمه ربنا

القيصر كتب:بصى لو ربنا كرمك ودخلتى مدنى يبقى تمام خالص

احسن قسم

بس عماره يعنى لانه اسهل قسم فى الشغل

بس مشكله ان فى قنا مفيش عماره

فهتضطرى يا تروحى اسوان يا اسيوط

او تقعدى فى قنا مدنى زى الفل

ودى نصيحتى

وكل سنه وحضرتك طيبه

وفى حفظ الرحمن

الاقسام العلمية المقترحة بيانها كالتالى :

1- قسم الهندسة الميكانيكية. 2- قسم الهندسة الكهربائية. 3- قسم الهندسة المدنية. 4- قسم الهندسة المعمارية.

tota كتب:

هندسة قنا كويسة وهندسة القاهرة كويسة واي هندسة كويسة الي بيختلف من كلية لكلية الدراسة واحنا كلية جديدة ومش هكدب عليكي واقولك انها بيرفكت من ناحية الدراسة بس هي كلية جديدة لسه بتكون نفسها وطبعا متتقارنش باي هندسة مفتوحة من زمان بس في الاخر هي كلية كويسة والاقسام الي فيها مش وحشة بس انتي حددي عايزة تدخلي اي
وبالنسبة لقسم طيران المشكلة مش حكاية بنات وولاد اولا قسم طيران ده من الاقسام الخاصة زي هندسة طبية وميكاترونكس (ما عدا عندنا) والي اعرفه انه من اصعب الاقسام الي ف هندسة وبالنسبة لشغله في كتير بس مش قنا وحسب تخصصك جواه وكده هيكون شغلك محتاج سفر بعد ما تتخرجي ان شاء الله
اما بالنسبة للسكن ف القاهرة دي مش مشكلة هتسكني مدينة بس عن تجربة واحدة اعرفها مش هترتاحي ف القاهرة ف السكن والعيشة
وف الاخر لما هتشتغلي وتروحي انترفيو هيبقي معاكي بكالريوس هندسة ومش هيفرق هندسة القاهرة ولا هندسة اسيوط ولا هندسة قنا الي هيفرق فهمك وكفائتك
وده رايي فكري كويس وشوفي

zamlkawy كتب:بصي يا بشمهندسة نصيحة وخديها مني قنا لااااااااااااااااااااااااااااااااااااااااااااا
اولا هندسة القاهرة فوق ماتتصوري انا خت فيها شهرين معا ملة زوق فوق الوصف
بعد كدا بالنسبة لموضوع السكن متعوليش لية هم فية دور رعاية المغتربات كويسة خالص
لكن بالنسبة لطيران انا كان حلمي ادخلة بس المشكلة علشان تشتغلي محتاجة كورس اسمة بيزك الكورس دة تمنة 40 الف جنية والكورس كدا مكلف
اما بالنسبة للشغل بعد كدا فوق الوصف المرتبات
بالنسبة للدراسة زي ميكانيك وهتاخدي مواد من اتصالات
بالنسبة لقنا هتيجي هتتخنقي من نفسك ومش هتقدري تحويلة منها بعد كدا علشان النظام بتاع الساعات المعتمدة
يعني هتعتبري نفسك ماضية عقد خمس سنين مفيهوش احتراف
ونصيحة اخيرة
روحي مدغشقر او هندسة الصومال احسن من قنا