منتدى كليه هندسه قنا

Every Thing About The Faculty Of Engineering ,Qena


    مش عايز صداقه تانى ....وانت(ى) ؟؟ايه رأيك..؟؟؟

    شاطر

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5700

    3ADY مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف SomeOne في السبت يونيو 26, 2010 11:38 pm

    وانا يا اخواتى بتابع احد برامج المسابقات على التلفزيون وهو برنامج( لعبة الحياة)
    المهم
    المسابقة خسرت كل المبالغ الكبيرة
    فقالت جملة واحدة اعجبتنى وكدت انا ابكى
    انا مش محتاجة فلوس انا محتاجة اصدقاء
    عندها حق
    لـــــــــــــــــــــــكنــ

    الصديق وقت الضيق
    لكن طول ما معاك فلوس يبقى مفيش ضيق
    يبقى مفيش صداقة
    الصداقات بقت مصالح

    من الاخر

    الفلوس يعمنا تخليك تعمل كل حاجه مش هتحتاج حد يقف جمبك طالما معاك فلوس
    وبمعنى صريح

    انسو الصداااااااااااااااااااااااقه


    انتم رئيكم ايه يا شباب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


    عدل سابقا من قبل القيصر في السبت يونيو 26, 2010 11:44 pm عدل 2 مرات





    [center]
    [/center]

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5700

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف SomeOne في السبت يونيو 26, 2010 11:39 pm

    انا هرد على الموضوع دا بعد ما حضراتكم تردو يا بشمهندسين ياريت كل واحد يقول الى فى نفسه ...فى اصدقائه بس بجد وبمنطقيه وبلاش اى رد غير مفيد لانه سيتم حذفه





    [center]
    [/center]

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3925

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف THE GAME في الأحد يونيو 27, 2010 8:45 am

    انا هردلك يا يحيى باشا ع الموضوع دا ... وانا عارفك كويس وحاسس بيك ...

    مفيش احلى ما ف الدنيا زى ما قالت المتسابقه م الأصدقاء فى أى زمن م الأزمنه اللى ممكن الواحد يعيشها ف حياته كلها ....

    لو الحياه من غير صداقه متبقاش حياة بالذات فى سننا دا يمكن لما نكبر ونشتغل ونواجه حياتنا العمليه الموضوع دا هيقل حبتين ... بس برضه هتفضل فى صداقات ...

    نمسك بقا الموضوع من أوله ... ليه الواحد بيجيله الأحساس دا انو مش عايز اصدقاء وحاسسهم خاينين وبتوع مصالح ...

    عدة حاجات ... من الشخص نفسه ... ومن اصدقائه

    اولا م الشخص نفسه ... ساعات بيتعامل مع اصدقائه من منطلق الصاداقه البحته وانو مهما عمل ما صاحبه مش هيزعل منه بس مش ف كل الأوقات عشان فى ناس بتاخد ع خاطرها اوى حتى لو كانو صحاب مع انو لو صاحبك بجد مش هياخد ع خاطره منك ابدا وفى الحاله دى بيبقى صديق مش 100% ...

    الحاجه التانيه ... انت مصاحب صحابك دول ليه ... تفرق ... عشان معاك ف الكليه ... جرانك ... بتخرج معاهم وتسلى وقتك وخلاص .. ؟؟ ولا ايه بالظبط ؟؟

    كل الكلام دا يفرق ...

    دور كدا مش هتلاقى اجدع صحاب غير اللى عشت معاهم وقضيت وقتك معاهم بدون اى مصلحة افتكر ... هتلاقيهم قدامك ...

    نيجى بقا ليهم هما بقا ... انت لوحدك تعرف اللى قدامك دا وبتعامله معاك هتعرف انو صاحبك ولا مش صاحبك ....

    ف الفتره دى ... حاول متخسرش اى صاحب ليك ... مش بسهوله تكون صديق بمعنى الكلمه... ولو انى اعتقد انو نادرا ما بيبقى دلوقتى صديق بمعنى الكلمه بجد ...

    فى مثل بيقول ان الحب سأل الصداقه قالو طالما انا موجود انت ايه لازمتك ؟؟ قاله الصداقه عندا تغادر انت ... وجدت لأمسح انا الدموع ... يا سلااااااااااااااام ....

    بجد اكتر ناس ممكن تفرج همومك وتنسيك هما الأصدقاء ...

    نداء لكل حد فى طريقه انو يخسر صحابه ... هتندم ... بالذات ف الفتره دى ...

    نيجى لموضوع لو انت معاك فلوس هتعمل كل حاجه ومش هتحتاج حد جمبك وتنسى الصداقه ... طيب ... دلوقتى انت معاك فلوس ... ( ف الفتره دى ... فترة دراستنا فكك من بعدين عشان الوضع هيختلف ) ها معاك فلوس ... وبتعمل اللى نفسك فيه ... لوحد .. هتتمتع قليلا .. بس هتشعر بالوحده ...

    معاك فلوس هتسافر اجمل اماكن العالم ... بس لوحدك ؟؟ من غير ما يكون معاك صاحب .. تعيش معاه اجمل اللحظات والزكريات ... تفتكر هتبقى سعيد ... تخيل لو جاتلك رحله ف باريس لوحدك ... هتروحها .. اه هتروح وهتتفسح وهتعيش ... بس تخيل لو صحابك معاك ؟؟ الوضع هيختلف ...

    الأنسان فسيولوجيا يبيقى عايز الأنتماء لجماعه ... مينفعش يعيش ف وحده ...

    حاول تفكر من تانى ... مينفعش تبقى من غير اصدقاء .. لو انت اللى غلطان .. اعترف بغلطك مش عيب .. دول صحابك ... ولو هما اللى غلطانين .. عاتبهم ... هيسمعوك ...
    دا مفيش احلى م العتاب بين الصحاب ... وفكك م عمر دياب لما قال ( دا مفيش بين الصحاب غيره وعتاب ) مفيش غيره اه بس فى عتاب ... ياسلام .. هضبه والله يا عمرو ..هههههههههههه....

    وفل عليك يا قيصر ... واوعى تنسى الصداقه ... يا صديق ...




    فى امان الله




    Magd 4 ever
    مشرف عام اقسام اخبار الكليه
    مشرف عام اقسام اخبار الكليه

    ذكر
    مساهماتى : 672
    عمرى : 23
    فـرقـتـى : 1st mechatronics
    نقاط : 2815

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف Magd 4 ever في الأحد يونيو 27, 2010 11:22 am

    اديني مليون جنيه ومش عايز أصدقاء يعم أنا أقدر أكون خدامين ليه مش أصدقاء بالفلووس وممكن الأصدقاء دول يخونوك لكن الخدامين والناس اللي بتعتمد عليها لايمكن يخونوك طالما هما بياخدو فلوس.....وشكرا عالموضوع يبشمهندس ...........ودي وجهة نظري ممكن تكون الناس ليها وجهة نظر غيري وشكرا عالموضوع






    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3925

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف THE GAME في الأحد يونيو 27, 2010 11:52 am

    Magd 4 ever كتب:اديني مليون جنيه ومش عايز أصدقاء يعم أنا أقدر أكون خدامين ليه مش أصدقاء بالفلووس وممكن الأصدقاء دول يخونوك لكن الخدامين والناس اللي بتعتمد عليها لايمكن يخونوك طالما هما بياخدو فلوس.....وشكرا عالموضوع يبشمهندس ...........ودي وجهة نظري ممكن تكون الناس ليها وجهة نظر غيري وشكرا عالموضوع

    وجهة نظر سليمه ... دا لما تكبر وتتجوز وتشتغل ... ما بيبقاش فى حاجه اسمها صحوبيه ... لكن ف الفتره دى اللى احنا عايشينها حاليا ... صعب تعيش من غير صحاب ... وحسب الشخصيات ...

    ودمتم ساليمن ...


    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2910

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف هدى في الإثنين يونيو 28, 2010 2:06 pm

    كلام البشمهندس ذا جيم صح لكن للاسف مش موجود على ارض الواقع يعنى اللى بتتكلم عنهم دول زملا دراسه , شغل , خروجات مش حتى اصحاب فما بال الصديق بتهيألى المعنى ده مات من زمان انا عن نفسى مقبلتش غير صديقة واحدة وكانت كفيفة وعشان اتعلم انه مفيش صداقة ربنا افتكرها
    كانت عمية بس كانت تشوفنى تعرفنى تسمعنى تفهمنى كنت بقولها جوزينى ابوكى عشان افضل جنبك بس هى اخترت جوار افضل.
    المهم عشان ما اطولش فى كلام ميهمش حد
    الصداقة متغنيش عنها كنوز الدنيا وده مش مبالغة لكن لو جنبى صديق فانا متهمنيش الدنيا بحالها لانه هيكون سند حقيقى وكارت ضد الازمات ........لكننا فى زمن مفيهوش اصدقاء زمن مصالح

    jiraya_sama
    مهندس مـمتـــاز
    مهندس مـمتـــاز

    ذكر
    مساهماتى : 1640
    عمرى : 27
    فـرقـتـى : سانين
    نقاط : 4046

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف jiraya_sama في الثلاثاء يونيو 29, 2010 12:40 am

    بصوا احنا مش محتاجين نضحك علي بعض لان كلنا عارفين الاصحاب اليومين دول
    يعني من 100 واحد تطلع 10 مثلا
    بس طبعا ال10 دول هيكونوا اكتر من اخوات ليك
    فلو هتقارن الفلوس بال10 دول اكيد هتفكر كتير قبل متاخد قرار وفالاخر هتحتار لان معظم الناسدلوقت تفكيرها مادي
    فلو انت ان ناس هتختار اصحابك لا الفلوس رايحه وجايه
    اما لو ابن ؟؟؟ هتختار الفلوس
    اما لو هتقارن الفلوس بالاصحاب العاديين اللي هما مش فارقين
    فاكيد من غير تفكير هختارالفلوس

    WhiTe<>RoSe
    مهندس مـمتـــاز
    مهندس مـمتـــاز

    انثى
    مساهماتى : 1433
    عمرى : 25
    فـرقـتـى : طب قنا
    نقاط : 3642
    المسابقه الرمضانيه : المركز الثالث

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف WhiTe<>RoSe في الأربعاء يونيو 30, 2010 9:20 pm

    احنا عايزين الصداقة ازاي؟؟؟ او ايه مفهوم الصداقة ف نظرنا؟؟؟
    عايزين اللي يسمعنا ولا اللي يشيل عننا ولا اللي ينصحنا ولا اللي يفرح لنا ويزعل علينا؟؟؟؟
    طيب هل احنا ف المقابل بنعمل كدا؟؟؟
    بنفرح له ونشيل عنه ونسمعه وننصحه؟؟....

    للاسف ف زماننا دا
    كل واحد بيعامل صديقه زي ما صديقه بيعامله......يعني الشفافية اللي كانوا الناس بيتعاملوا بيها زمان دي مش موجودة دلوقتي......دلوقتي لو عملت موقف وحش ف صاحبك هيسامحك اه ....بس مش هينسهولك.....
    خد صاحبك ع عيبه......وان بدأ هو بالغلط وحاول يبعد ماتلومش نفسك ولا تلوموه لان خلاص الدنيا بقت كدا
    بس حكاية الفلوس دي ايه دخلها؟؟؟؟يعني انا لو معايا فلوس تكفيني عن صديق كويس؟؟؟؟؟
    لألأ معتقدش

    razan
    مهندس مـمتـــاز
    مهندس مـمتـــاز

    انثى
    مساهماتى : 1818
    عمرى : 25
    فـرقـتـى : طب قنا
    نقاط : 3997
    المسابقه الرمضانيه : المركز الثانى

    3ADY رد: مش عايز صداقه تانى ....وانت(ى) ؟؟ايه رأيك..؟؟؟

    مُساهمة من طرف razan في الثلاثاء يوليو 06, 2010 12:04 pm

    لو هتقارن الصديق بالفلوس

    يبقي طبعا الصديق بس المهم انك تلاقي صديق كويس مش اى كلام

    لان الفلوس متقدرش تشترى اى حاجة

    ولا تقدر تعوض عن اى حاجة

    والحتة عجبتنى اوى ف رد م/ زا جيم



    THE GAME كتب:

    معاك فلوس هتسافر اجمل اماكن العالم ... بس لوحدك ؟؟ من غير ما يكون معاك صاحب .. تعيش معاه اجمل اللحظات والزكريات ... تفتكر هتبقى سعيد ... تخيل لو جاتلك رحله ف باريس لوحدك ... هتروحها .. اه هتروح وهتتفسح وهتعيش ... بس تخيل لو صحابك معاك ؟؟ الوضع هيختلف ...

    الأنسان فسيولوجيا يبيقى عايز الأنتماء لجماعه ... مينفعش يعيش ف وحده ...


      الوقت/التاريخ الآن هو الأحد ديسمبر 04, 2016 6:21 pm