قول رأيك وانطباعك عن الدراسه والامتحانات ...؟؟هام للجميع

ربنا ينجحنا
جميعا ويدخلنى قسم مدنى ...قولوا امين

فكيف مر عليك هذا العام
الدراسي؟؟؟؟

اول السنة كانت صعبة جدا ومملة وحزينة وفقرية وكل حاجة اما فى اخرها احلوت شوية




وماتقييمك لآخر واهم جزء ف العام
الدراسي..........وهو امتحانات اخر العام؟؟

عاااااادى شغااااااااااال باسأل دكتور باقوله يا كتور هو فى رفع السنادى ضحك جدا وقالى اكتر من كدة اية قلتله مش قصدى على الامتحانات قالى بس انا قصدى ع الامتحانات




وننتظر منكم ارآئكم فى الامتحانات وكيف مرت ..؟؟

مرت كلها بحلوها ومرها وعلى رأى عمرو ديا بلاش نتكلم فى الماضى الماضى دة كان كله جراح

السلام عليكم
وعلى احلى شباب ف كليتنا
كل اللي انتوا بتقولوه ده ممكن
يكون صحيح بس لما تتخرجوا حتعرفوا ان احلى ايام كانت ايام الكلية بس سبحان
الله برغم ان كل اللي تخرج قال كده بس محدش بيحب انها ترجع تاني ودي فترة
ولازم حتعدي عليك بس الواحد ياخد الموضوع ببساطة وان المذاكرة دي مش فرض
عليه لا دي هواية والواحد بيمارسها باستمرار وعايز اقولكم ان لما باكون
مضايق كنت بذاكر واذاكر كمان اصعب مادة عشان اطلع اللي جوايا واحنا ف هندسة
الدراسة مش نظري زي الكليات الادبية مع الاحترام يعني انت لو بتحب هندسة
وفخور بكده (وده حتعرفه لما ربنا يكرمكم وتتخرجوا) عمرك ماتزهق من المذاكرة
واقولكم حاجة كمان انا لما كنت اذاكر حاجة والاقيها صعبة كنت اقول ان اللي
كتب الحاجة دي مش احسن ولا اذكى مني ده هو كتبها واستنتجها وانا اللي ف
هندسة مش قادر افهمها ده لا يمكن يحصل وآخد الموضوع تحدي بيني وبين نفسي
وبين اللي كتب الكتاب . بس في حاجة كمان انك لازم تراعي حق اهلك عليك ف
مذاكرتك وانهم جابوك الكلية عشان ترفع راسهم وانهم بيفضلوك على اخواتك اللي
ف البيت لأنك ف غربة وفاكرينك مقطع الكتب وانت ف الحقيقة مقطع كراسي
الكافتريات .

اسف لو كنت طولت عليكم وان الموضوع مش عن رأيي ف
الامتحانات بس اللي فيكم ربنا كرمه وجاب تقدير ربنا يزيده واللي مكنش موفق
من عند الله وتعب ف المذاكرة تأكد ان جهدك مش حيضيع ولسه فيه اكتر من تيرم
تعوض بيه اللي فات اما اللي مذاكرش فمش عارف ده ايه مزعله ده (تيييييييتت).
شدوا
حيلكم واللي قدامه فرصة يختار القسم بحرية يختار القسم اللي هو بيحبه مش
لأن زميله دخل القسم ده يبقى هو يدخله او لان اهله فرضوا عليه القسم ده لا
كل واحد يختار القسم اللي هو حيقدر يعطي فيه....
واسف مرة تانية
عالاستطالة وربنا يوفق الجميع