منتدى كليه هندسه قنا

Every Thing About The Faculty Of Engineering ,Qena


    كلمة للمهندس وائل الصادق

    شاطر

    WSADEK
    معيد بقسم الهندسه المدنيه بكليه هندسه قنا
    معيد بقسم الهندسه المدنيه بكليه هندسه قنا

    ذكر
    مساهماتى : 14
    عمرى : 29
    فـرقـتـى : متخرج
    نقاط : 2441

    3ADY كلمة للمهندس وائل الصادق

    مُساهمة من طرف WSADEK في الأربعاء مارس 09, 2011 3:41 pm

    السلام عليكم ورحمة الله وبركاته
    اخواني وزملائي الطلبة والطالبات اولا كل عام وانتم بخير بمناسبة الفصل الدراسي الثاني

    كلمتي اليكم بخصوص ما تم اليوم ف الكلية

    اود التحية لكم ولما اثبتموه من سمات لطالب هندسة المتسم بالتفكير المنظم والاسلوب المناسب ف الحوار ولا اخفيكم ما كنت اشعر به تجاه طلاب الكلية وما بهم من سلبية وان طلاب الكليات النظرية اكثر عمقا وتفهما منا الا انني شعرت بالفخر وانا اقف بجواركم اليوم
    ورأيتم اني والمهندس عبد الفتاح جلسنا الي جواركم ولم نجلس ع المنصة بل اننا دخلنا من الباب المخصص للطلبة ولكن ان اجلس بجواركم ليأتي احد ممثليكم ويقف الى جواري ثم اجده يرفع رجله ليضعها الي جواري فهذا ما لا ارضى به وان كنتم تقبلون بذلك فلتسمعوني اصواتكم ولذا فقد انسحبت من حواركم مع عميد الكلية وعندما قررتم الاعتصام فقد كنا (السادة المعيدين) ف طريقنا للوقوف معكم لولا وصول الحاكم العسكري واحتواء الموقف ثم ذهبنا الي المسرح للوقوف معكم لنفاجأ اننا ف موقف لا اريد وصفه عندما بدا البعض منكم ف التطاول على بعضهم وكنا قد قررنا الانسحاب لولا التفات المهندس محمد عبد العظيم لتلك النقطة
    النقطة الثانية وقد وضحها الاستاذ / حسين الا وهي اتجاه البعض لغلق البوابة ومنع اي احد من الخروج ( طلاب - موظفون - عمال - اعضاء هيئة التدريس).
    ثالثا انكم كنتم ف بداية اللقاء تتجهون الى فصل قرارات السيد العميد عن
    شخصيته وذلك كان واضحا من حديث المهندس محمد عبد العظيم عندما كان يوضح
    للعميد انكم تجلونه وتحترمونه ولكن لكم مطالب لابد من تنفيذها ثم حدتم عن
    ثباتكم وتتطرف بعضكم الى شخصيته لا ادارته وهذا لا يليق بطالب الهندسة وانا
    لست هنا للدفاع عن احد امام احد بل لكل واحد ما اكرمه الله به لنفي ذلك او
    اثباته .

    رابعا اعجبني جدا وقوفكم على قلب رجل واحد ( ف بداية الحوار فقط) ولكن ما لبثتم ان نسيتم انكم اخترتم من يمثلكم وان احترامك لمن يمثلك تجبر من امامك على الوقوف انتباها لك ولكن عندما بدأتم ف الهمس تارة وف التعليق تارة اضعفتم موقفكم واريتم من امامك انكم لستم يدا واحدة بل لكل واحد منكم يدين لا تسمع اي منهما للاخري حتى.
    ومعذرة على الاطالة واني لا اريد الا الاصلاح ما استطعت
    ووفقكم الله وسدد خطاكم
    والسلام عليكم ورحمة الله

    م / وائل الصادق

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3925

    3ADY رد: كلمة للمهندس وائل الصادق

    مُساهمة من طرف THE GAME في الأربعاء مارس 09, 2011 4:37 pm

    اولا شكرا لك يا بشمهندس وائل على موقفك المشرف تجاه الطلبه ووقوفك معانا انت وأغلب زملائك من البشمهندسين المعيدين ...
    بداية ... كان المفروض الأجتماع دا يكون بين المندوبين لجميع الأقسام والسيد العميد وأعضاء هيئة التدريس ... والظاهر ان حصل لبث ف الموضوع لنجد أن المندوبين بيثتغيثو بينا وبيقولولنا قفوا بجوارانا غدا ( الا وهو اليوم ) امام العميد واعضاء هيئة التدريس لمناقشة المطالب التى تم الأتفاق عليها مسبقا ... وقالولنا اننا لا نتفوه باى كلمه او لا ندخل فى نقاش ونلتزم الصمت .. انا صراحة مفهمتش النقطه دى منهم لكنى ومثل جميع باقى زملائنا حضرنا الأجتماع .. اللى بصراحه بدأه سيادة العميد بطريقه اشبه بالمستفزه حيث انه لم يتطرق لبنود المطالب بالترتيب ... مما جعل الطلبه لم تتمالك اعصابها واضطرت الى مناقشته بطريقه سيئه وانا اعترف انها كانت طريقه لا تليق ابدا على الأطلاق ...

    لنفاجأ اننا ف موقف
    لا اريد وصفه عندما بدا البعض منكم ف التطاول على بعضهم وكنا قد قررنا
    الانسحاب لولا التفات المهندس محمد عبد العظيم لتلك النقطة

    فعلا ... لأننا مهما اتفقنا واجتمعنا لا بد أن تختلف الأراء والأهواء ... بس فى طلبه كتيييييييير مش فاهمه الموضوع صح ومش عارفه أى حاجه ... يعنى مثلا لما بدأنا نعتصم بعد ما سيادة العميد وقع على المطالب واختتم توقيعه بكلمة ( طبقا للقوانين ) كان شىء مستفز بعض الشىء ... المهم وجدت بعض الطلبه بتندد بموقف الأعتصام دا وبتقول ايه الغباء والتخلف اللى انتو بتعملوه دا .. سألته ليه يا بشمهندس بتقول كدا ... قالى يا عم انا عايز أحضر السكشن بتاعى وأمشى ... انتو كدا عطلتونى عن دراستى ... قلتله يا بسمهندس اللى احنا بنعمله دا عشان حضرتك تتعلم صح وتحضر السكشن الصح واللى هيتشرحلك فيه شرح صح وتاخد حقك بجد ... يعنى طالب تفكيره محدود للدرجه دى ... أكيد بسبب دا وغيره بدأت وجهات النظر فى الأختلاف

    النقطة الثانية وقد
    وضحها الاستاذ / حسين الا وهي اتجاه البعض لغلق البوابة ومنع اي احد من
    الخروج ( طلاب - موظفون - عمال - اعضاء هيئة التدريس).

    اكيد طبعا حركه جائت متسرعه قليلا ولكنها اشارة لجدية الأعتصام

    ثالثا انكم كنتم ف بداية اللقاء تتجهون الى فصل قرارات السيد العميد عن
    شخصيته وذلك كان واضحا من حديث المهندس محمد عبد العظيم عندما كان يوضح
    للعميد انكم تجلونه وتحترمونه ولكن لكم مطالب لابد من تنفيذها ثم حدتم عن
    ثباتكم وتتطرف بعضكم الى شخصيته لا ادارته وهذا لا يليق بطالب الهندسة

    أكيد يا بشمهندس كما قلت لك اننا لم لن نكن نريد ابدا اهانة السيد العميد بأى طريقه كانت من خلال فصل قراراته عن شخصيته ولكن للأمانه موقف العميد فى الأجتماع الأول كان سلبى بعض الشىء مما جعلنا نشعر بالأحباط

    رابعا اعجبني جدا
    وقوفكم على قلب رجل واحد ( ف بداية الحوار فقط) ولكن ما لبثتم ان نسيتم
    انكم اخترتم من يمثلكم وان احترامك لمن يمثلك تجبر من امامك على الوقوف
    انتباها لك ولكن عندما بدأتم ف الهمس تارة وف التعليق تارة اضعفتم موقفكم
    واريتم من امامك انكم لستم يدا واحدة بل لكل واحد منكم يدين لا تسمع اي
    منهما للاخري حتى.

    وهى دى المشكله اللى فعلا واجهتنا وواجهت مندوبينا اللى تحملو عبء هذا الحوار اتقدم بتحية مندوبينا جميعا على هذا الموقف المشرف لهم

    ومعذرة على الاطالة واني لا اريد الا الاصلاح ما استطعت
    ووفقكم الله وسدد خطاكم
    والسلام عليكم ورحمة الله

    ابدا يا بشمهندس وائل و أؤكد لك اننا جميعا فرحين بوقوفكم معنا وان شاء الله الكليه هتتحسن للأفضل ...
    بس ياريت كلام سيادة نائب رئيس الجامعه فى الأجتماع الأخير يكون بجد مش كلام وخلاص ... ونعلم يقينا أن عميد الكليه يخدم مصلحة الطلاب ولكنه يتردد كثيرا فى اتخاذ الاجرائات وزمن التردد والخوف انتهى خلاص







    Magd 4 ever
    مشرف عام اقسام اخبار الكليه
    مشرف عام اقسام اخبار الكليه

    ذكر
    مساهماتى : 672
    عمرى : 23
    فـرقـتـى : 1st mechatronics
    نقاط : 2815

    3ADY رد: كلمة للمهندس وائل الصادق

    مُساهمة من طرف Magd 4 ever في الأربعاء مارس 09, 2011 5:23 pm

    أولا تحية للبشمهندس وائل
    ثانيا كلامك جميل لكن برضه النهرده عملنا انجاز كبير جدا جدا
    وهوه اننا خرجنا الناس من الخوف اللي كانت فيه.......وأصبح كل من في الادارة خائف وسوف يفعل مافي وسعه لكي يخدم الطلبة وده ف حد ذاته شئ جميل.............أعترف ان في بعض أجزاء هذا اليوم كان في بعض الفوضي ولن أذكر هذه الأجزاء لكن في معظم الأجزاء غلب النظام........فكان منظمين في اعتصامنا ومنظمين في حديثنا مع نائب رئيس الجامعة وأخذنا منه كل مانستطيع أخذه من وعود وألزمناه هو والعميد بالرضوخ الي مطالبنا.......عشان كدا احنا مكاسبنا اليوم كانت كبيرة جدا ولايمكن انكارها........وكل من كان ف الكلية اليوم وجه تحذير شديد اللهجة الي الادارة ......وهذا التحذير متضمن أننا طلاب واعون وقادرين علي تحقيق مطالبنا وشكراااااااااااااا






    WSADEK
    معيد بقسم الهندسه المدنيه بكليه هندسه قنا
    معيد بقسم الهندسه المدنيه بكليه هندسه قنا

    ذكر
    مساهماتى : 14
    عمرى : 29
    فـرقـتـى : متخرج
    نقاط : 2441

    3ADY رد: كلمة للمهندس وائل الصادق

    مُساهمة من طرف WSADEK في الأربعاء مارس 09, 2011 7:06 pm

    السلام عليكم ورحمة الله وبركاته
    شكرا للبشمهندسين على الرد ولكن ما اريد قوله اننا لم نقف معكم من فراغ وانما اعترافا بحقكم في مطالبكم وشرعيتها كما اننا والله طالبنا بها قبلكم على لسان السادة اعضاء هيئة التدريس وقد حذرنا اننا لابد ان نسمع للطلبة قبل ان يأتي ذلك اليوم الذي يجبر فيه صاحب القرار على سماع الناس ومن مطالبكم التي كنا قد طلبناها قبلكم هي توفير اعضاء هيئة التدريس بالاقسام بالشكل الذي يسمح للعضو بتجهيز مادة علمية مناسبة تاخذ منه حقها ف الشرح والتوضيح ولكن ان يتحمل العضو مالايقل عن خمس مواد مثلا اتتوقع منه ان يعطي لتلك المواد حقها كما لو كان لدي مادتين ، كما ان حل مشكلة الاعضاء تلك ستجدونها تحل نصف مشاكلكم بل قل اغلبها وسيتم تطبيق اللائحة على الوجه الصحيح
    اما بالنسبة لما تم تحقيقه اليوم فلا ينكر احد عليكم نجاحكم في تنفيذه او قل على الاقل حتى سماع شكواكم ووصولها الى خارج اسوار الكلية
    ونحن نعرف السيد الاستاذ الدكتور محمد ثروت منذ ان كنا طلاب ف هندسة اسوان فقد كان عميد الكلية ثم نائب رئيس الجامعة لفرع اسوان وكلنا يشهد اخلاصه ف الوصول الى ما يريح الطالب ومن لا يعلم فليسأل عنه والله اسأل ان يكون عند حسن ظننا به
    وشكرا
    والسلام عليكم ورحمة الله وبركاته


    tota
    مشرف عام على اقسام المنتدى
    مشرف عام على اقسام المنتدى

    انثى
    مساهماتى : 134
    عمرى : 24
    فـرقـتـى : تانية ميكاترونكس
    نقاط : 2552

    3ADY رد: كلمة للمهندس وائل الصادق

    مُساهمة من طرف tota في الأربعاء مارس 09, 2011 8:52 pm


    شكرا لانضمامك يا بشمهندس
    واي فوضي حصلت كانت بسبب الاستفزاز ف الكلام
    هما برده مش قادرين يفهمو ان ده مش وقت كلام ده وقت فعل

    zamlkawy
    نائب المدير العام
    نائب  المدير العام

    ذكر
    مساهماتى : 1738
    عمرى : 28
    فـرقـتـى : تانية سيارات
    نقاط : 3745

    3ADY رد: كلمة للمهندس وائل الصادق

    مُساهمة من طرف zamlkawy في الأربعاء مارس 09, 2011 10:34 pm

    اولا شكرا علي انضمامك لينا يا بشمهندس سواء فالمسرح النهاردة او فالمنتدي
    اقتباس

    اود التحية لكم
    ولما اثبتموه من سمات لطالب هندسة المتسم بالتفكير المنظم والاسلوب
    المناسب ف الحوار ولا اخفيكم ما كنت اشعر به تجاه طلاب الكلية وما بهم من
    سلبية وان طلاب الكليات النظرية اكثر عمقا وتفهما منا الا انني شعرت
    بالفخر وانا اقف بجواركم اليوم
    ربنا يخليك يا بشمهندس علي الوصف الجميل دة لينا
    اقتباس
    ولكن ان اجلس
    بجواركم ليأتي احد ممثليكم ويقف الى جواري ثم اجده يرفع رجله ليضعها الي
    جواري فهذا ما لا ارضى به وان كنتم تقبلون بذلك فلتسمعوني اصواتكم
    لا طبعا عمرنا ما نقبل حاجة زي كدا اكيد مش مقصودة ولو مقصودة ممكن حضرتك تقول اسمة واحنا نعرض الموضوع علي القسم بتاعة وميبقاش ممثل ليهم ربنا يعلم يابشمهندس اننا بنعزك ونحترمك
    اقتباس
    ثالثا انكم كنتم ف بداية اللقاء تتجهون الى فصل قرارات السيد العميد عن
    شخصيته وذلك كان واضحا من حديث المهندس محمد عبد العظيم عندما كان يوضح
    للعميد انكم تجلونه وتحترمونه ولكن لكم مطالب لابد من تنفيذها ثم حدتم عن
    ثباتكم وتتطرف بعضكم الى شخصيته لا ادارته وهذا لا يليق بطالب الهندسة وانا
    لست هنا للدفاع عن احد امام احد بل لكل واحد ما اكرمه الله به لنفي ذلك او
    اثباته .

    لا يا بشمهندس احنا بنعز ونجل العميد فعلمة لكن تطرف بعضنا فالحديث عن شخصيتة لا القصد كان توضيح اخطاء حصلت وانا ياسر اللي كنت واقف مع عبد العظيم بنحاور العميد وانا اتكلمت عن حاجات حسيت اني اظلمت انا وبعض الطلية فيها ودة حق مشروع لكن واللة ما كان قصدي اوجة اي كلمة تقلل من العميد
    اقتباس

    رابعا اعجبني
    جدا وقوفكم على قلب رجل واحد ( ف بداية الحوار فقط) ولكن ما لبثتم ان
    نسيتم انكم اخترتم من يمثلكم وان احترامك لمن يمثلك تجبر من امامك على
    الوقوف انتباها لك ولكن عندما بدأتم ف الهمس تارة وف التعليق تارة اضعفتم
    موقفكم واريتم من امامك انكم لستم يدا واحدة بل لكل واحد منكم يدين لا
    تسمع اي منهما للاخري حتى.
    يا بشمهندس احنا كنا فالقاعة اكتر من 250 طالب فاكيد لازم يحدث اختلاف ولازم فية احاديث جانبية دي احنا الممثلين عن الاقسام منقدرش ننمعها بالشكل الكامل
    وبعد ازن حضرتك فية بعض الطلبة مستفادة من الوضع القديم فكانت لازم تدافع عنهم واكيد حضرتك عندك فكرة عنهم
    اقتباس
    ومعذرة على الاطالة واني لا اريد الا الاصلاح ما استطعت
    ووفقكم الله وسدد خطاكم
    والسلام عليكم ورحمة الله
    انت تامر يا بشمهندس واحنا كلنا عايزين الاصلاح وانشاء اللة اللي جاي احسن


    Magd 4 ever
    مشرف عام اقسام اخبار الكليه
    مشرف عام اقسام اخبار الكليه

    ذكر
    مساهماتى : 672
    عمرى : 23
    فـرقـتـى : 1st mechatronics
    نقاط : 2815

    3ADY رد: كلمة للمهندس وائل الصادق

    مُساهمة من طرف Magd 4 ever في الخميس مارس 10, 2011 9:38 am

    شكرا يبشمهندس وباذن الله مطالبنا هتتحقق






    The Lord
    المدير العام
    المدير العام

    ذكر
    مساهماتى : 316
    عمرى : 24
    فـرقـتـى : سمعتها زى الفل
    نقاط : 2230

    3ADY رد: كلمة للمهندس وائل الصادق

    مُساهمة من طرف The Lord في الخميس مارس 10, 2011 2:26 pm

    نبدأ الاول بتحية كبيـــــــــرة ليك يا بشمهندس وائل على مشاركتك لينا فى الحوار و فى الحدث اللى قمنا بيه و كمان تحية لكل معيد اشترك مع حضرتك , ثانيا احنا عارفين ان حضرتك زى كل الطلبة عايز مصلحة الكلية و مصلحة الطلبة و عشان كده حضرتك شاركت و بالنسبة للسلبية ...دى صحيح كانت فينا لكن اللى كان ليه الفضل بعد ربنا فى ازالة الصفة دى هى الثورة و من حق شبابها ان احنا نذكر فضلهم ...اما بالنسبة للطالب صاحب الموقف ممكن نقول عليه( جزء من كل ) و اكيد كان معاه اجندات خارجية هههه... لكن بنطلب من حضرتك انك تقول اسمه عشان نعرفه بس .. و بالنسبة لجزئية النظام والحوارات الجانبية دى لازم نلاقيها ف اى موقف فى الكلية و كمان يا بشمهندس احنا اول مرة نعمل حاجة بالحجم ده عشان كده اتصرفنا بالطريقة دى و عالعموم شكر جزيــــــــــــــــــل لحضرتك و لكل المعيدين و الدكاترة المشاركين و غير المشاركين(من علمنى حرفا صرت له عبدا ) و نرجو ان تكون عضو دائم معنا فى المنتدى وان تقوم بدعوة من تستطيع من اعضاء هيئة التدريس كى ينضموا الينا على منتدانا الكريم ..و 10000000 تحية وتحية و شكـــرا.... اللورد











    //////////////////////////////////////////////////////////////////

    //////////////////////////////////////////////ظظظ////////
    //////////////////////////////////////////////////////////////////






    ~~اذا كان عمر الانسان يقاس بالسعادة ...فاكتبوا على قبرى مات قبل ان يولد~~

    •°o.O (Just Smile) O.o°•
    مهندس بيشارك كويس
    مهندس بيشارك كويس

    انثى
    مساهماتى : 207
    عمرى : 24
    فـرقـتـى : إعدادى
    نقاط : 2201

    3ADY رد: كلمة للمهندس وائل الصادق

    مُساهمة من طرف •°o.O (Just Smile) O.o°• في الخميس مارس 10, 2011 3:13 pm

    أولا كلام حضرتك جميل جدا يس حضرتك بتقول أنا مؤيد ليكم وكمان قلت على بعض السلبيات التى لا ننكرها بس ليه حضرتك متكلمتش فى الأجتماع وقلت الكلام ده وحضرتك أكيد عارف أنها كانت هتبقى دفعه قويه لينا وممكن كانت هتقلل السلبيات أللى حضرتك قلت عليها أنا لم أرى من حضرتك فعل مؤكد لتأيدك وإنما رأيتك واقفا تستمع فقط

    THE DESIGNER
    مهندس جديد
    مهندس جديد

    ذكر
    مساهماتى : 52
    عمرى : 26
    فـرقـتـى : ميكاترونيات
    نقاط : 2546

    3ADY رد: كلمة للمهندس وائل الصادق

    مُساهمة من طرف THE DESIGNER في الخميس مارس 10, 2011 5:49 pm

    اولا احب اشكرك باشمهندس ع انضمامك لينا حضرتك واعضاء هيئة التدريس وده اكيد ادانا دفعة وقوة فى اصرارنا ع مطالبنا
    ثانيا انا احب اعتذر لحضرتك يابشمهندس ع ماحدث وانا اظن انى انا اللى عملت كده بس اقسملك يابشمهندس اناه بدون قصد او دراية وانى لم الاحظانه يوجد بجانبى احد
    فارجو ان تتقبل اعتزارى
    بالنسبة لغلق الباب احنا لما قررنا نعمل كده كان الهدف الاول
    اننا نمنع اى حد من الخارج يندس بينا وممكن يزود الموقف وكمان منعنا للخروج فى بادئ الامر حتى لا يتازم الموقف ويتجه نحو الشارع
    فاحنا كان هدفنا اننا نخص اعتصامنا ع كليتنا فقط
    واظن اننا لما الموقف هدى شوية سمحنا للموظفين والطالبات انه تخرج وتدخل
    واخير انا بشكرك يابشمهندس على انضمامك لينا واتمنى انى باقى الاعضاء تعمل كده
    واحب اعيد اعتزارى لو كنت انا اللى قمت بهذا العمل المستفز
    انا الطالب
    حمدى احمد فهمى
    الفرقة الثانية ميكاترونك


    THE DESIGNER
    مهندس جديد
    مهندس جديد

    ذكر
    مساهماتى : 52
    عمرى : 26
    فـرقـتـى : ميكاترونيات
    نقاط : 2546

    3ADY رد: كلمة للمهندس وائل الصادق

    مُساهمة من طرف THE DESIGNER في الخميس مارس 10, 2011 6:38 pm

    بس انا بجد يابشمهندس انا مش
    متاكد اذا كنت انا او لا
    وان شاء الله انا هاجى لحضرتك يوم السبت علشان اتاكد
    واتمنى انك تتقبل اعتزارى
    سواء كنت انا او مش انا

    WSADEK
    معيد بقسم الهندسه المدنيه بكليه هندسه قنا
    معيد بقسم الهندسه المدنيه بكليه هندسه قنا

    ذكر
    مساهماتى : 14
    عمرى : 29
    فـرقـتـى : متخرج
    نقاط : 2441

    3ADY رد: كلمة للمهندس وائل الصادق

    مُساهمة من طرف WSADEK في الجمعة مارس 11, 2011 7:14 am

    [size=18]السلام عليكم ورحمة الله
    البشمهندس حمدى ان شاء الله اقابلك بكرة
    (just
    smile) الكلام بتاعك صحيح اننا كنا واقفين ومش اتكلمنا بس احنا الكلام ده
    والله طالبنا بـ40% منه من العميد وكمان بعتنا منه فاكس لرئيس الجامعة
    وكنا محددين يوم حنروح لرئيس الجامعة نقابله بس جاله اجتماع ف نفس اليوم مع
    الوزبر وكان الاعضاء اتناقشوا مع سيادة العميد ف المواضيع دي . واحنا زي
    ما قلت والله كنا نازلين حنقف معاكم ف الاعتصام بس كان رأي احد الزملاء ان
    احنا قدمنا مطالبنا رسميا وبعدين ناخد خطوة تانية ف حالة عدم التنفيذ وان
    مشاركتنا معاكم بالنقاش ممكن كانت ستفسر كركوب الموجة واستغلال وقفتكم
    وعشان كده احنا (وقفنا) ناحيتكم كرسالة ان مطالبنا هي مطالب الطلبة بدون
    افتعالنا لبطولات او ركوب امواج[/size

    سندريلا5
    مهندس جديد
    مهندس جديد

    انثى
    مساهماتى : 24
    عمرى : 24
    فـرقـتـى : اعدادي هندسه
    نقاط : 2328

    3ADY رد: كلمة للمهندس وائل الصادق

    مُساهمة من طرف سندريلا5 في الأحد مارس 13, 2011 7:32 am

    لك منا كل الشكر يا بشمهندس لتاييد كلمتنا والوقوف في صفوفنا ونحن جميعا نعتذر من سيادتكم علي اي تطاول قد حدث في حقكم وعن اي سوء تنظيم
    ونشكر لكم حسن نواياكم في انضمامكم لنا
    ومشكور لتوضيح سلبياتنا وذلك لتجنبها وعدم الوقوع فيها مره اخري

      الوقت/التاريخ الآن هو الأحد ديسمبر 04, 2016 4:20 pm