القاعدة الأولى:
لو عربيتك كبيرة أو قديمة، استخدم المبدأ القانوني: اللي خايف على عربيته يوسع !!
ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه !!
-------------------------------
القاعده الثانيه :
قاعدة البوز بيز: اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز
ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة
-------------------------------
القاعدة الثالثة:
الإشارات تكشف نواياك للأعداء، أياك أن تستخدمها
-------------------------------
القاعدة الرابعة:
- لا تترك مسافة للأمان بينك و بين السيارة التي أمامك فهذا له عدة مخاطر:
عربية ثانية حتملا الفراغ في ثواني و برضه ما يبقاش فيه مسافة بينك و بين اللي قدامك، كل الي كسبته انك اتأخرت لورا شوية
حتدي فرصة للعيال يعملوا غرز قدامك
كل المشاة حيغمضوا عينيهم و يعدوا من الحته دي
الي وراك حيقعد يزمر - لو كان مؤدب أو تسمع شوية أسامي حيوانات لو كان سواق تاكس - مؤدب
أو حيخبطك من ورا لو كان سواق ميكروباص - و دول مفيش حد منهم مؤدب
- الإشارات مش معمولة علشان تنظم المرور ، معمولة علشان شكل القاهرة يبقى متحضر بس!
-
اعتمد على العساكر (مع تحملك كامل المسؤلية لو واحد منهم شاورلك تعدي و
بلدياته الناحية الثانية فتح السكة للوري) [size="5"]أو يفضل أن تستعمل
البوز بيز (راجع القاعدة الثانية).
-------------------------------
القاعدة الخامسة:
اذا
كنت مش واقف في الصف الأول في الاشارة اعمل حسابك تزمر بشكل متواصل و
هستيري أول ما الأشارة تفتح، لأن الناس الي قدام بيبقوا واقفين في الاشارة
من زمان و جايز جداً يكونوا ناموا!!
-------------------------------
القاعدة السادسة:
معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!
-------------------------------
القاعدة السابعة:
الشارع
مكان مقرف، سوق بأسرع ما يمكن حتى تتخلص من هذا الهم بسرعة، الناس الي
ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.
-------------------------------
القاعدة الثامنة:
من
حقوقك الدستورية أن تركن أمام باب المحل الذي تريد أن تشتري منه، اذا سبقك
واحد ابن ستين في سبعين و ركن قدام الباب، فمن حقك أن تقفل عليه و تركن صف
ثاني أو ثالث، و مش مهم لو الشارع اتقفل، ايه يعني أما الناس تتعطل عشر
دقائق علشان تستمتع بحقوقك الدستورية؟ هيا يعني الدنيا طارت ولا كان وراهم
الديوان؟
-------------------------------
القاعدة التاسعة:
من
حقك أيضاً أن تخرج من مكان انتظارك في أي لحظة تشاء، اكسر الدركسيون شمال
و اطلع، أي حد ماشي في الشارع لازم يقف لك فوراً، راجع البند السابق.
-------------------------------
القاعدة العاشرة:
إحترس من ثلاث أنواع من السائقيين بيسوقوا و كأنهم مش ممكن يموتوا:
3. سواقين الميكروباص.
ملحوظة: إوعى تحاول تثبت لحد منهم إن فكرته غلط . فاهمني !!.
-------------------------------
القاعدة الحادية عشر:
لما
تشوف حادثة لازم تهدي و تتفرج - مش مهم تساعد - الحاجات دي دمها أخف من
الأخبار المملة بتاعة التلفيزيون، و بعدين لما الطريق وراك يقف تحمي
المجتمع من حادثة تانية.
-------------------------------
القاعدة الثانية عشر:
الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.
-------------------------------
القاعدة الثالثة عشر:
لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك (علشان يحرم يعمل غرز).
-------------------------------
القاعدة الرابعة عشر:
من حقك أن تعبر الشارع في أي وقت و من أي مكان.
-------------------------------
القاعدة الخامسة عشر:
اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟
-------------------------------
القاعدة السادسة عشر:
اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.
-------------------------------
القاعدة السابعة عشر:
حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟
عرض قفاك و سيبه يتفلق.
-------------------------------
القاعدة الثامنة عشر:
الرصيف ليس للمشاه، بل لركن السيارات و فرشات الباعة الجائلين
1. العيال الروشين الي بيلعبوا Computer Games فاكرين إن ممكن يكسبوا زيادة Life لو ساقوا أسرع.
2. موتوسيكلات توصيل الطلبات (Home Delivery).
الخميس سبتمبر 21, 2017 2:36 pm من طرف tenzo
» حصريا وعلى منتدانا (امتحانات الفصل الدراسى الاول) لكليه الهندسه بقنا 2009
الخميس سبتمبر 21, 2017 2:34 pm من طرف tenzo
» حمل قاموس المصطلحات الهندسية مهم جدااااا
السبت نوفمبر 19, 2016 9:05 am من طرف medo_152
» كتب هندسيه لقسم ميكانيكا مادتى (رسم هندسى تجميع ) (علم المواد واختباراتها)
الخميس أكتوبر 20, 2016 12:32 pm من طرف karim_kimo233
» حصريا الجداول الدراسه بكليه الهندسه بقنا (جميع الدفعات ) للترم الثاني2011
الأربعاء سبتمبر 21, 2016 8:43 am من طرف محمد عبدالله15
» Root-Locus Analysis
السبت فبراير 13, 2016 10:22 pm من طرف kushlaf
» رسم هندسي
الأحد نوفمبر 29, 2015 9:37 am من طرف Ibrahim Elzintahy
» دروس فى الميكاترونكس
الثلاثاء يوليو 28, 2015 7:55 am من طرف كلية الهندسة
» مبادىء هندسه كهربيه ( قانون كيروشوف للجهود )
الثلاثاء يوليو 28, 2015 7:48 am من طرف كلية الهندسة
» مبادرة للنهوض بالمنتدي أرجو من كل الأقسام الدخول
الثلاثاء يوليو 28, 2015 7:47 am من طرف كلية الهندسة
» أكبر موسوعة مهتمة بدراسة الميكاترونكس
الثلاثاء يوليو 28, 2015 7:45 am من طرف كلية الهندسة
» طلب مساعدة
الثلاثاء يوليو 28, 2015 7:44 am من طرف كلية الهندسة
» كورسات من شركه كيا
الثلاثاء يوليو 28, 2015 7:43 am من طرف كلية الهندسة
» تدريب مجانى
الثلاثاء يوليو 28, 2015 7:41 am من طرف كلية الهندسة
» تجميع موتور سيارة بنزين من الالف للياء
الثلاثاء يوليو 28, 2015 7:40 am من طرف كلية الهندسة
» نتيجة كلية الهندسة 2010 \ 2011
الثلاثاء يوليو 21, 2015 9:21 am من طرف كلية الهندسة
» وزير التعليم العالي يصدر قراراً بإنشاء وحدة أمن مدني تقوم بمهام حرس الجامعة في جامعات مصر
الثلاثاء يوليو 21, 2015 9:15 am من طرف كلية الهندسة
» معني كلمة ( هندسة)
الثلاثاء يوليو 21, 2015 9:12 am من طرف كلية الهندسة
» ثورتنا نجحت .. يلا نكملها
الثلاثاء يوليو 21, 2015 9:10 am من طرف كلية الهندسة
» احترف الرسم الهندسى من اول انواع الخطوط حتى المساقط والظل ورسم المجسمات
الخميس مارس 12, 2015 6:31 pm من طرف حمادة عاشور