منتدى كليه هندسه قنا

Every Thing About The Faculty Of Engineering ,Qena


    لن أتزوج أبدا!!!

    شاطر

    WhiTe<>RoSe
    مهندس مـمتـــاز
    مهندس مـمتـــاز

    انثى
    مساهماتى : 1433
    عمرى : 25
    فـرقـتـى : طب قنا
    نقاط : 3640
    المسابقه الرمضانيه : المركز الثالث

    3ADY لن أتزوج أبدا!!!

    مُساهمة من طرف WhiTe<>RoSe في الأحد أغسطس 30, 2009 2:02 pm



    الأخوة الكرام ..

    لفت انتباهي منذ فترة كبيرة اعتراض او رفض الكثير من البنات للزواج ..


    وكلمات يرددنها علي ألسنتهن ..
    لن أتزوج - مش بفكر في الموضوع دا - الزواج دا مشروع فاشل ... وووو إلخ .


    تُري ما السبب وراء رفض البنات هذه الأيام للزواج ؟ ليس كل البنات بالطبع .. ولكن البعض منهم .


    هل تردد البنت هذه العبارات لتوحي بشئ ما لسامعها ؟
    أم لترضي شئ ما بداخلها ؟
    أم أنها حقا لا ترغب في الزواج ؟


    علي الرغم من تقدم أكثر من شخص لا يوجد به سببا لرفضه أو عيبا يعيبه .. إلا أنه يُقابل بالرفض من قبل البنت ..

    الموضوع للنقاش وبين ايديكم ويهمني جدا سماع أرائكم








    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3923

    3ADY رد: لن أتزوج أبدا!!!

    مُساهمة من طرف THE GAME في الأحد أغسطس 30, 2009 2:54 pm

    أم لترضي شئ ما بداخلها ؟




    حاجه زى كدا ...



    وليا رد تانى فى الموضوع ده بس بعيدن لما نقرا ردود العروسات ....







    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4288

    3ADY رد: لن أتزوج أبدا!!!

    مُساهمة من طرف NOHA في الأحد أغسطس 30, 2009 3:06 pm

    سورى يا منة
    بس اصلا غالبية البنات اللى ع سن جواز حاليا
    مش لاقيين عرسان علشان يرفضوهم
    و العنوسة قايمة بالواجب و زيادة
    ميرسى يا منة ع الموضوع
    بس ده رايى

    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4046

    3ADY رد: لن أتزوج أبدا!!!

    مُساهمة من طرف RooT_MaxMos في الأحد أغسطس 30, 2009 3:22 pm

    مش عارف و الله

    أم لترضي شئ ما بداخلها ؟

    بس اعتقد ان دا السبب في اللى مش بتخليها تفكر في الجواز

    Just A GirL
    مهندس بيشارك كويس
    مهندس بيشارك كويس

    انثى
    مساهماتى : 395
    عمرى : 25
    فـرقـتـى : اولى كهربا
    نقاط : 2805

    3ADY رد: لن أتزوج أبدا!!!

    مُساهمة من طرف Just A GirL في الأحد أغسطس 30, 2009 6:12 pm

    يمكن مثلا فيه حد معين في دماغها

    او فيه سبب اكيد مخليها مش عايزة تفكر في الموضوع
    او ممكن مثلا شخصيتها قوية و حاسة ان اللي اتقدمولها دول شخصيتهم متمشيش معاها
    لان الواحدة يوم ما هتفكر في الجواز تحب الراجل يكون اقوى منها في كل حاجة و يحسسها ان هو بيحميها

    و انا عن نفسي مش عايزة اتجوز و لا اتعب نفسي
    لان الصراحة الموضوع متعب و مش بسهولة انك تكوني مسئولة عن بيت و عن اسرة كاملة
    ده الواحد بيتسئل عن نفسه بالعافية
    ده غير طبعا ان انا نفسي اعيش حياتي و اسافر برة و ابقى على حريتي و احس بالاستفلال كدة

    مش اقعد اتعلم و اتبهدل في الكلية و بعد ما اتخرج اللي هتجوزه يقولي اقعدي في البيت بلا شغل
    ده غير ان انا نفسي ابقى حرة و محدش يتحكم فيا

    و انا يا منة هقولك سبب انا مقتنعة بيه يخليني مفكرش في الموضوع اصلا
    انا لو بشتغل و شغلي ده كويس و مركزي كويس و عندي كل اللي احتاجه يبقى ايه لازمة اللي الجواز اكيد مش هيعملي حاجة غير انه هيوجع دماغي

    و عشان متفتكريش ان انا معقدة مثلا لا سمح الله
    انا مش بعارض الجواز انا ممكن اتجوز بس لما اقول يا جواز هتجوز انسان بحبه عشان انا ابقى سعيدة في حياتي و يوم ما اضحي بالشغل او كدة
    اضحي و انا مبسوطة و سعيدة عشان انا على الاقل هتفرغ لبيتي

    موضوعك جميل يا منة بجد

    نور فلاور
    مهندس مـمتـــاز
    مهندس مـمتـــاز

    انثى
    مساهماتى : 1197
    عمرى : 25
    فـرقـتـى : ملكش دعوة بيها
    نقاط : 3532

    3ADY رد: لن أتزوج أبدا!!!

    مُساهمة من طرف نور فلاور في الأحد أغسطس 30, 2009 6:23 pm

    فى فرق اذا كان الكلام دا هزار او جد

    فاذا كان الكلام ده جد يبقى فى اسباب هى مقتنعة بيها
    واذا كان هزار يبقى ملهوش معنى
    شكراااا يا منة على الموضوع

    jiraya_sama
    مهندس مـمتـــاز
    مهندس مـمتـــاز

    ذكر
    مساهماتى : 1640
    عمرى : 27
    فـرقـتـى : سانين
    نقاط : 4044

    3ADY رد: لن أتزوج أبدا!!!

    مُساهمة من طرف jiraya_sama في الأحد أغسطس 30, 2009 6:27 pm

    هل تردد البنت هذه العبارات لتوحي بشئ ما لسامعها ؟
    أم لترضي شئ ما بداخلها ؟
    أم أنها حقا لا ترغب في الزواج ؟

    اكيد لترضي شيء بداخلها

    لان المعروف ان البنات والاولاد فالاخر مصيرهم الجواز
    لكن الكلام بيكتر قلا كده بس فالاخر كله هيرضي بالواقع

    Just A GirL
    مهندس بيشارك كويس
    مهندس بيشارك كويس

    انثى
    مساهماتى : 395
    عمرى : 25
    فـرقـتـى : اولى كهربا
    نقاط : 2805

    3ADY رد: لن أتزوج أبدا!!!

    مُساهمة من طرف Just A GirL في الإثنين أغسطس 31, 2009 12:16 am

    معلش يا بشمهندس جيرايا

    بس مين قال ان كله اخره الجواز
    ما حضرتك شايف شباب كتير يقولك انا مش هتجوز و بيكون قادر انه يفتح بيت
    و ده بيسبب مشكلة العنوسة

    و كذلك بنات كتير
    الدنيا اتغيرت يا بشمهندس جيرايا و البنت مبقتش زي زمان تقعد في البيت لحد ما يجيلها عدلها زي ما بيقولوا و كذلك الولد مبقاش مهتم انه يخلص كليته و يشتغل عشان يتجوز

    ده رايي بس

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5698

    3ADY رد: لن أتزوج أبدا!!!

    مُساهمة من طرف SomeOne في الإثنين أغسطس 31, 2009 12:53 am

    انا من رأيى ان خلاص بطل موضوع ان البنات مش عايزه تتجوز دا

    هما لاقيين

    انا قريت قبل كدا ان فى درساه فى الصين او مش عارف فين ان فى قصاد كل رجل 4 حريمات ...

    يعنى اصلا مش لاقين على رأى البشمهندسه نها

    كل معنس يا حاج ...ومحدش لاقى جواز
    ؟؟


    ولا ايه اللى يخلى البنات تلببس لبس يبين كل محاسنها وتحط ميك اب عشانة تبقى حلوه مش عشان تتجوز وتلفت الانتباه ؟؟؟؟


    قل مش عايز اتجوز قال؟؟


    ثم انا سمعت قبل كدا ان البنات عايزين يتجوزو اكتر من الرجاله ميت مره ..


    انا حاسس ان حوار انا مش عايز اتجوز دا جاى من بره اللى مش بيحتاجو الجواز فى اى حاجه لان كل الناس مقضينها زنا والعياز بالله ....يبقى يتجوزو ليه ؟؟حد ناقص خنقه ؟؟واها لو على العيال فا العيال موجودين ومن غير جواز ؟؟؟دا اللى بشوفه فى الافللام الاجنبى ...





    دا رأيي


    وانا حاسس ان الكلام كله مش كلام عرب او مصريين خصوصا .


    وشكرا









    [center]
    [/center]

    karozy
    مهندس مـمتـــاز
    مهندس مـمتـــاز

    ذكر
    مساهماتى : 667
    عمرى : 25
    نقاط : 3803

    3ADY رد: لن أتزوج أبدا!!!

    مُساهمة من طرف karozy في الإثنين أغسطس 31, 2009 1:07 am

    انا من راى ان الواحد ساعات لما يكون عايز حاجه ومش قادر يوصلها او معرفش

    فبيهرب من فشله وخيبه امله دى بكلمه
    انا اصلا مكنتش عايز الحاجه دى
    يعنى البنات اللى بتقول انا مش عايزه اتجوز اكييييييييييد محصلش نصيب وجالها العريس بس بتقول كدا عشان تهرب من الناس بلكلمه دى

    انا مش عايز اتجوز اصلا وياريت تكون وجهه نظرى وصلت ليكم

    indb@d$
    مهندس مـمتـــاز
    مهندس مـمتـــاز

    ذكر
    مساهماتى : 1237
    عمرى : 24
    فـرقـتـى : مش تبع الكلية اساسا
    نقاط : 3830

    3ADY رد: لن أتزوج أبدا!!!

    مُساهمة من طرف indb@d$ في الإثنين أغسطس 31, 2009 1:30 am

    يمكن مثلا فيه حد معين في دماغها



    جبتى من الاخر يا سلمى


    ومعظمهم علشان يلاقو حجة يتحججو بيها يقولو انا مش مرتاحة له او انا صليت استخارة وحسيت انه مش هو اللى ح يسعدنى

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3923

    3ADY رد: لن أتزوج أبدا!!!

    مُساهمة من طرف THE GAME في الإثنين أغسطس 31, 2009 1:38 am


    بس مين قال ان كله اخره الجواز
    ما حضرتك شايف شباب كتير يقولك انا مش هتجوز و بيكون قادر انه يفتح بيت
    و ده بيسبب مشكلة العنوسة

    و كذلك بنات كتير




    لا....ممكن مع الراجاله بس.... لكن الستات ...مظنش ابدا ....

    انا من راى ان الواحد ساعات لما يكون عايز حاجه ومش قادر يوصلها او معرفش

    فبيهرب من فشله وخيبه امله دى بكلمهانا اصلا مكنتش عايز الحاجه دى
    يعنى البنات اللى بتقول انا مش عايزه اتجوز اكييييييييييد محصلش نصيب وجالها العريس بس بتقول كدا عشان تهرب من الناس بلكلمه دى

    انا مش عايز اتجوز اصلا وياريت تكون وجهه نظرى وصلت ليكم



    كلام 100%......



    فين صاحب الموضوع يناقش الردود عشان اان لسه مردتش برضه مستنى. ....








    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4046

    3ADY رد: لن أتزوج أبدا!!!

    مُساهمة من طرف RooT_MaxMos في الإثنين أغسطس 31, 2009 2:32 am


    يا بشمهندسه سلمى كل الكلام اللى انتي بتقوليه بيتقال في السن اللى احنا فيه بس

    بس لما يبقى مثلا عمرك 26 او 27 كل البنات بيفكروا و بيحلموا بالجواز و انها تبقى ام و عندها ولاد و تربيهم احسن تربيه و تفتخر بيهم

    و انا هقولك حاجه بالنسبه للولاد اي واحد يقولك انا مش هتجوز او مش بفكر في الجواز اعرفي ان في سبب واحد بس

    و هو انه مش اقد المسؤليه دي

    MUHAMMADAN
    مهندس بيشارك كويس
    مهندس بيشارك كويس

    ذكر
    مساهماتى : 294
    عمرى : 26
    فـرقـتـى : قسم الهندسة الكهربية_الفرقة الاولى.
    نقاط : 3288

    3ADY رد: لن أتزوج أبدا!!!

    مُساهمة من طرف MUHAMMADAN في الإثنين أغسطس 31, 2009 9:42 am

    اكيد طبعا يا جماعة الجواز مهم جدا لمثل من هم فى سن الشباب

    وقول الفصل هنا هو حديث الرسول عليه الصلاة والسلام

    (يا معشر الشباب من استطاع منكم الباءة فليتزوج ,ومن لم يستطع فعليه بالصيام)

    WhiTe<>RoSe
    مهندس مـمتـــاز
    مهندس مـمتـــاز

    انثى
    مساهماتى : 1433
    عمرى : 25
    فـرقـتـى : طب قنا
    نقاط : 3640
    المسابقه الرمضانيه : المركز الثالث

    3ADY رد: لن أتزوج أبدا!!!

    مُساهمة من طرف WhiTe<>RoSe في الإثنين أغسطس 31, 2009 2:44 pm

    بسم الله الرحمن الرحيم........

    طبعا انا استنيت لحد ما اشوف ردود الاغلبية........ومن الواضح كدة ان الشباب تقريبا اجمعوا ان ده زي مابيقولوا**كلام بنات**وان البنات بيقولوا كدة يا اما لانها مجاش نصيبها ......او مجاش اللي هي بتحلم بيه سواء اجتماعيا او ماديا.......حلو الكلام؟
    دا تقريبا ملخص رأي الشباب........

    وحسب فهمي المتواضع........ان رأي البنات انها ممكن تكون بتقول كدة لأن فيه ف دماغها شخص معين مستنية انه ييجي ويطلبها.......او ان كل اللي اتقدموا لها مش مناسبين مثلا ليها .....و فيه رأي لسلمي ان الشباب بيكون علي مقدرة انه يفتح بيت وتكوين اسرة بس مش بيتجوزوا........وده سبب العنوسة.....

    اوك......
    اولا الموضوع ده منقول......والحقيقة ان شوفته وشوفت الردود ف موقع واعتقد انه موقع مش مصري.......وحبيت اجيبه واشوف ردوده هنا.....بس اعذروني محبيتش اكتب منقول

    ثانيا .......بالنسبة لرأيي ف الموضوع ان الكلام ده مش صحيح او بمعني اصح بيحصل عندنا كدلع بنات وف سننا دا بس ع فكرة......وان البنت لايمكن تكون علي وش جواز وتقول الكلام ده......لأن الجواز بيكون هو المطلب الاول والغرض الاول ف سن معينة للشاب قبل البنت.....الشاب بيكون خلاص ادي مسئوليته من حيث التعليم وخلص جيش وعايز يتجوز ويكون اسرة......والبنت عايزة تتخطب وتعيش احساس المخطوبة بقي وبتحلم ببيتها وولادها والكلام ده يعني خلاصة الكلام ان البنت مش بتقول كدة غير ف سن انها ماينفعش ابدا يحصل كدة او انها تتخطب او تتجوز.....يعني ف الجامعة وخصوصا لو كانت الكلية سنينها طويلة......لكن بعد كدة هاتنسي الكلام ده....واول شخص مناسب ليها هتقبله.....بس

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3923

    3ADY رد: لن أتزوج أبدا!!!

    مُساهمة من طرف THE GAME في الإثنين أغسطس 31, 2009 5:53 pm

    Mennah كتب:

    اوك......

    ثانيا .......بالنسبة لرأيي ف الموضوع ان الكلام ده مش صحيح او بمعني اصح بيحصل عندنا كدلع بنات وف سننا دا بس ع فكرة......وان البنت لايمكن تكون علي وش جواز وتقول الكلام ده......لأن الجواز بيكون هو المطلب الاول والغرض الاول ف سن معينة للشاب قبل البنت.....الشاب بيكون خلاص ادي مسئوليته من حيث التعليم وخلص جيش وعايز يتجوز ويكون اسرة......والبنت عايزة تتخطب وتعيش احساس المخطوبة بقي وبتحلم ببيتها وولادها والكلام ده يعني خلاصة الكلام ان البنت مش بتقول كدة غير ف سن انها ماينفعش ابدا يحصل كدة او انها تتخطب او تتجوز.....يعني ف الجامعة وخصوصا لو كانت الكلية سنينها طويلة......لكن بعد كدة هاتنسي الكلام ده....واول شخص مناسب ليها هتقبله.....بس




    كلام جميل جدا ....



    والصوره الشخصيه جميله برضه .... Very Happy Very Happy






    WhiTe<>RoSe
    مهندس مـمتـــاز
    مهندس مـمتـــاز

    انثى
    مساهماتى : 1433
    عمرى : 25
    فـرقـتـى : طب قنا
    نقاط : 3640
    المسابقه الرمضانيه : المركز الثالث

    3ADY رد: لن أتزوج أبدا!!!

    مُساهمة من طرف WhiTe<>RoSe في الإثنين أغسطس 31, 2009 11:52 pm

    كلام جميل جدا ....

    طيب الحمدلله........اخيييييييييييرا اتفقنا

    N0 B0Y=N0 CRY
    مهندس بيشارك كويس
    مهندس بيشارك كويس

    انثى
    مساهماتى : 226
    عمرى : 25
    نقاط : 2893

    3ADY رد: لن أتزوج أبدا!!!

    مُساهمة من طرف N0 B0Y=N0 CRY في الأربعاء سبتمبر 02, 2009 1:52 pm

    Noha كتب:[/siz[size=24]e]
    سورى يا منة
    بس اصلا غالبية البنات اللى ع سن جواز حاليا
    مش لاقيين عرسان علشان يرفضوهم
    و العنوسة قايمة بالواجب و زيادة
    ميرسى يا منة ع الموضوع
    بس ده رايى

    تمام يا نها كلامك ميه ميه مين دلوقتى بيتشرط اصلا محدش لاقى جواز ولو واحده قالت انا مش بفكر اهلها بيفكرو تمام وموضوع الجواز ده بيفضلو يزنو لحد ما يقنعو البنت حتى لو مش طيقاه
    وبعدين على اى تتدلل مهو فعلا مبقاش فيه جواز لان مفيش فلوس
    هل لترضى شيئا ما بداخلها؟
    عين العقل كده تمام

    RooT_MaxMos
    مهندس مـمتـــاز
    مهندس مـمتـــاز

    ذكر
    مساهماتى : 1380
    عمرى : 27
    فـرقـتـى : الفرقة أولى مدني
    نقاط : 4046

    3ADY رد: لن أتزوج أبدا!!!

    مُساهمة من طرف RooT_MaxMos في الأربعاء سبتمبر 02, 2009 2:10 pm


    سورى يا منة
    بس اصلا غالبية البنات اللى ع سن جواز حاليا
    مش لاقيين عرسان علشان يرفضوهم
    و العنوسة قايمة بالواجب و زيادة
    ميرسى يا منة ع الموضوع
    بس ده رايى



    تمام يا نها كلامك ميه ميه مين دلوقتى بيتشرط اصلا محدش لاقى جواز ولو واحده قالت انا مش بفكر اهلها بيفكرو تمام وموضوع الجواز ده بيفضلو يزنو لحد ما يقنعو البنت حتى لو مش طيقاه
    وبعدين على اى تتدلل مهو فعلا مبقاش فيه جواز لان مفيش فلوس



    و الله اذا كان على العرسان فموجودين و ملين البلد و مستعدين يتجوزوا اربعه مش واحد
    بس الواحد لازم يدور على البنت المحترمه اللى اخلاقها تمام و متدينه مش واحده لسمح الله لابسه لبس مش مضبوط و و المكياج اللى في وشها ليل نهار يبقى الواحد يبصلها ليه حتى لو كانت حلوه بس اخرها تتعاكس و خلاص

    Nora
    مهندس مـمتـــاز
    مهندس مـمتـــاز

    انثى
    مساهماتى : 977
    عمرى : 24
    فـرقـتـى : اولى ميكاترونكس
    نقاط : 3427

    3ADY رد: لن أتزوج أبدا!!!

    مُساهمة من طرف Nora في الخميس سبتمبر 03, 2009 12:49 am

    MAXMOS كتب:

    يا بشمهندسه سلمى كل الكلام اللى انتي بتقوليه بيتقال في السن اللى احنا فيه بس

    بس لما يبقى مثلا عمرك 26 او 27 كل البنات بيفكروا و بيحلموا بالجواز و انها تبقى ام و عندها ولاد و تربيهم احسن تربيه و تفتخر بيهم

    و انا هقولك حاجه بالنسبه للولاد اي واحد يقولك انا مش هتجوز او مش بفكر في الجواز اعرفي ان في سبب واحد بس

    و هو انه مش اقد المسؤليه دي

    كلام مظبوط فعلا مفيش واحده مبتحلمش انها تكون ام

    ولما تقول انها مش عاوزه تتجوز ياما فى حد فى دماغها

    او فى سبب يكون فى داخلها

      الوقت/التاريخ الآن هو الجمعة ديسمبر 02, 2016 10:19 pm