فن الغلاسه

طبعا كلو بيحب الغلاسه عشان كده دخلتو


بصو بقى الغلاسه بتاعتنا النهارده

هوا ازاى تغلس على حد و هوا نايم

بص يا عم ويا عمه اخوكو نايم مثلا

بلاش

واحد صاحبك حتى انطرد من بيتهم و نام عندكو

اى حد نايم و خلاص مش تسيبو نايم فى حاله

لازم تتبع الطرق الاتيه:

يا عم افرض انت صاحى و مش جايلك نوم اشمعنى هوا يعنى ينام كده
فلازم تعذبو

1- اذا كان في عز نومه وانت مانمتش أو مش جايلك نوم ادخل الاوضه وشغل النوووور واطلع بمنتهى البرود كأنك معملتش حاجه خالص .

إذا كان نومه خفيف هايصحي وقولك ( إطفي النور يا تيــــــــــــت ) طبعا إحنا إتفقنا إنك بارد علشان كده نفضله خالص و تذكر القانون الأول لنيوتن في التنفيض

" لكل فعل له تنفيضة مساوية له في المقدار و مضادة له في الإتجاة "



**



أما لو كان نومه تقيل يبقي تستعمل الطريقة رقم 2

2- إكتشف إن في بيتكم سرير وعايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا نايم عليه ويمكنك ساعتها القيام بالكثير من التخبيط و الدق وتحريك
السرير
ولكن إنتبه فقد يصحو من النوم فيجدك تحت السرير او رأسك في متناول يده فلا أحد يعلم ساعتها ماذا يمكن أن يحدث

لو كان من هواة النوم وبجوارهم مفتاح إنجليزي .. لذلك أنصحك أن تهز السرير هزات عنيفة حتي يستيقظ وقبل أن يفيق تماما أركض بأقصي سرعة

""ياخواتى عاللغه العربيه الفصحى""

**
3- اذا كنت مقهــــــــور من واااحد ناايم العصر او الظهر أدخل الغرفه وغطيه كويس و إقفل المكيف واطلع ولا تنسى أن تغلق الأبواب والنوافذ .
و يا ريت بالمفتاح على شان يفطس و يريحنا

واذا كانت في دفايه بالغرفه , ياعيني شغلها بقي علي أسخن حاجة وسيبه واطلع بره كأنك لا تعرف عن الأمر شيء .

لسه ما قامش ؟؟ إوعي تيأس

**
4- لو كان لسه ماقامش !!! ماتعملش حاجة من اللي سبق ذكره
إنما بهدوء حط ايدك على الراديو وشغل محطه خرباااانه

و يا حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي رايح حبيبي جاي )

و علي الصوووت على الآخر و امشي إنت كمل مشاهدة التليفزيون .

**
5- اذا كان لسه نايم وانت شبعااان نوووم بس عايز تتونس :

جيب ماء باااارد تلج وقرب من النايم ونقط على جبهته نقطه نقطه هايترعش ويمسح جبهته فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم

**

6- خذ منديل ولفها لحد ما يبقي على شكل العود ...

الغرض ان يكون نهاية طرفه حاد ..

وبس يا معلم .. أخينا رأسه أصبحت ملعبا وأنت الهداف و عاوزك تجيب اجوان للصبح بقى

ممكن تحطها في ودنه ( الحركة دي مستفزة جدا ومجربة )

ممكن تحطها في بوقه


لو صحي يبقي إحتمال إنه يفرجك علي عنبر الكسور في أي مستشفي قريب من بيتكم

او يبعتك قسم الطوارىء

واذا مانجحتش اى طريقه من اللى فوق دول ...

خليه نايم واطلع بدل ما يجيلك شلل نصفى منه


ايه رأيكم فى معلوماتى وثقافتى العاليه بقن
شطوره انا