منتدى كليه هندسه قنا

Every Thing About The Faculty Of Engineering ,Qena


    كنت فين يا صايع لحد دلوقتى

    شاطر

    N0 B0Y=N0 CRY
    مهندس بيشارك كويس
    مهندس بيشارك كويس

    انثى
    مساهماتى : 226
    عمرى : 25
    نقاط : 2894

    3ADY كنت فين يا صايع لحد دلوقتى

    مُساهمة من طرف N0 B0Y=N0 CRY في الأحد أكتوبر 25, 2009 2:27 pm


    السلام عليكم ازيكم يا اجمد اعضاء

    النهارده معايا موضوع غريب شويه وانا لما قريته احترت جدا وهو مفهوم الصياعه احنا كلنا لما بنسمع كلمه صايع بنفهم على طول ان الشخص ده غلط ومش كويس والخ طيب الكلام اللى هتقروه النهارده بيدينا مفهوم تانى خالص عن الصياعه(معلش للمره التانيه على اللفظ بس هو هيتكرر كتير) والموضوع بصراحه استفزنى جدا وحبيت انقله ليكم علشان اعرف رايكو يا ترى الكلام ده صح ولا غلط
    ده جزء من كتاب للكاتب الساخر عمر طاهر ... يارب تعجبكم

    *****

    هى ليه كلمة صايع كانت شتيمه زمان ؟؟



    عندما تتأخر فى العودة إلى
    المنزل بعد المدرسة يتم أستقبالك بسؤال ((كنت فين يا صايع لحد دلوقتى ؟)) وعندما يكون الزرار

    العلوى للقميص مفتوحاً ((ماتفتحش صدرك زى العيال الصايعة )) وكان هناك ارتباطاً وثيقاً بين

    الصياعة والتدخين والوقوف على النواصى ومعاكسة البنات ووضع الايدى فى الجيوب أثناء الكلام مع

    الاب وشرب القهوة ومتابعة المشاهد الساخنة فى الافلام والكلام فى التليفون بالساعات والرد

    على الكبار بأسلوب غير مهذب والتزويغ من المدرسة والرسوب فى نهاية العام وأرتداء القميص

    على اللحم .
    وكأن لقب ((صايع)) لقباً مخيفاً نهرب منه (( وهو الواحد اية غير سمعة وشوية حاجات فوق بعض ))

    وكنا نحرص على الابتعاد عن أى شخص يحمل لقب ((صايع)) علشان الواحد ما

    ((يتشبهش)) .ولكن بمرور الوقت حدثت طفرة لم تعد كلمة صايع شتيمة بل اصبحت وساماً يضعه

    الاخرون على صدر كل من يحوز إعجابهم ولم يعد الصايع هو الشخص ((اللى مش متربى قليل

    الادب اللى بيسقط دايماً وقاعد طول النهار على القهوة وبيعلى صوتة على أهلة وبيسرق فلوس

    من ورا أهله علشان يجيب سجاير )) هذا الشخص مابقاش أسمة صايع بقى اسمة

    ((مغفل)).وأصبح الشخص الصايع هو الشخص الناجح القادر على أثارة إعجاب الناس من حوله

    الشخص القادر على أنتزاع تصفيقهم وأصبح ((الصايع)) هو النموذج والقدوة والمثل الاعلى

    أحيانا .ولقب ((صايع )) لم يعد أيضاً مقصوراً على الاشخاص فقط فهناك أشياء كثيرة ممكن تقول

    عليها صايعة جهاز الموبايل اللى فية كل الامكانيات اللى محتاجها واللى بتحلم بيها .. يبقى

    موبايل صايع .
    ممكن تلاقى جون ((صايع)) عبارة عن جمله بين 3 لاعبين سريعة ورشيقة وغير متوقعة .
    ممكن تلاقى بوستر لألبوم لمطرب متصمم بطريقة صايعة ومحطوط فى حتة صايعة .
    ممكن تشوف فيلم نهايته غير متوقعة ولما تمر فى خيالك تبقى نهاية صايعة والسيناريست اللى

    كتب الفيلم سيناريست صايع.
    وممكن تلاقى بلد يتقال عليها ((بلد صايعة)) زى الصين اللى قدرت إنها تخترق مصر بمنتجاتها

    ويبقالها فى كل بيت مصرى 20 منتجاً على الاقل وبالتالى يمكنك أن تقول إن

    ((الصين دول صايعيين قوى )).
    لم يعد لقب صايع مزعجاً مثل لقب ((عنده إيدز )) ولكن صايع أصبح وسام شرف مساو فى قوتة

    لوسام ال "iso 9001 "
    ولا اعرف ماذا حدث بالضبط وغير سمعة الكلمة 180 درجة .. غالباً هى دى الصياعة !
    أستطيع الان وأنا ضميرى مستريح أن أشجعك على أن تكون ((صايع )) بالمعنى الجديد للكلمة ..

    للصياعة بمفهومها الجديد
    أداب يجب الالتزام بها حتى تستحق اللقب
    -الصايع عمره مايقول على نفسة أنا صايع عمرك شفت واحد ذكى ماشى يقول للناس ((أنا

    ذكى يا جماعة )) ؟

    - الصايع يكرة الفهلوة لان الفهلوة سرقة ومجرد أستغفال للناس , الصايع يحترم ذكاء الاخرين .
    -الصياعة تعتمد على الثقافة العامة فى كل المجالات يكفيك أن تعرف
    ((حاجة عن كل حاجة )).
    - الحظ قد يقودك إلى القمة والصياعة أن تحافظ عليها .
    -الصياعة أن بالك يبقى طويل وماتبدأش بالغلط وماتردش على اللى بيستفزك إنك تسامح

    الشخص اللى تقدر تنتقم منه بسهولة .

    - الصياعة إنك ماتكررش نفس الغلطة مرتين .
    - الصياعة
    إنك تدى كل واحد حقة وتعرف قيمة اللى قدامك بالضبط .
    -الصياعة أنك تبقى فاهم كويس إنه
    - مش مهم إنك تغير الكون .. المهم إنك تخلى الكون ما يغيركش .
    - الحب اللى بيجى بسرعة لازم يروح بسرعة .
    - الاحمق هو الشخص اللى لسانة أسرع من عقلة .
    - أستمتع بالحاجات الصغيرة بكرة هتعرف إنها كانت كبيرة .
    - اتعلم تضحك على مشاكلك وأنت عمرك ما هتبطل ضحك .
    - الخط المستقيم أقصر طريق بين نقطتين والابتسامة أقصر طريق بين شخصيين .
    - الصبر .. هو الحاجة الوحيدة اللى لازم تستعجل وأنت بتتعلمها .
    - وجودك فى الحياة هدية ماحدش يقدر يقدمهالك غير ربنا وفية ناس كتير بتيجى لهم هدايا قيمة

    الشاطر هو اللى يعرف يستفيد من الهدية اللى جت له .
    - كل حاجة فى الدنيا فيها شئ جميل بس مش أى حد يقدر يشوفة .
    - مش كل مرة تتعب فيها هتوصل للى أنت عايزة بس عمرك ماهتوصل للى انت عايزة من غير ما

    تتعب .
    - الفهلوة سرقة .. خد بالك مفيش طريق مختصر للمكان اللى يستحق إن الواحد يروحه .
    - حياتك فيلم واللى حواليك بيلعبوا أدوار الأب والأم والجار والصديق بس أنت بطل الفيلم .. حاول

    دايماً تتصرف زى الابطال.
    - أخطر عيب فى البنى أدم إنه ما يشوفش فى الناس غير عيوبهم .
    - الصديق الجيد هو الهدية الوحيدة اللى الواحد بيقدمها لنفسه بنفسه .
    - الصديق الكويس هو اللى يبقى عارف كل عيوبك ومع ذلك بيحبك .

    - أول خطوة فى النجاح إنك تعرف إنت عايز إية .
    - ابتسامتك فى وش أى حد هتخليه صعب إنه يكرهك
    - مش مهم أن الناس بتحبك المهم أنك تحب كل الناس .
    - عمرك ما هتعرف قيمة الميه من غير ما تعطش وعمرك ما هتعرف الصح من غير ما تغلط .
    - مش أى هدية ينفع تقبلها .
    - ماتسيبش الريموت كنترول فى إيد حد إلا لو كنت بتثق فيه.
    - ماتصدقش اللى يقولك ((هى كده)) أو ((هى ما تتعملش غير كده )) كل الحاجات ينفع تفكر فيها من أول وجديد حتى لو قالوا

    لك دى ثوابت .. وخليك فاكر أن السباحة لو كانت بتخسس – زى ما بيقولوا – كان الحوت بقى سمكة زينة من زمااااان.
    - مافيش حاجة اسمها حظ والمحظوظ هو مجرد شخص عارف هو عايز إيه وبيقدر يستغل كل الحاجات اللى بتقابله فى السكة

    لمصلحة الحاجة اللى هو عايزها .
    - أوحش حاجة إنك تكون مابتعملش حاجة لأنة هيبقى صعب تعرف هتخلص أمتى .
    - الوقت اللى هتضيعة فى التفكير فى الحاجات اللى نقصاك المفروض تديه للتفكير فى الحاجات اللى عندك .
    - الخبرة هى الحاجة الوحيدة المفيدة فى الفشل .
    - العقل زى الباراشوت .. مابيشتغلشى غير لما يتفتح .

    يا ترى بعض الكلام ده كله هنغير راينا ولا لااااااااا؟؟؟



    حسين الشريف
    مهندس مـمتـــاز
    مهندس مـمتـــاز

    ذكر
    مساهماتى : 698
    عمرى : 25
    نقاط : 2750

    3ADY رد: كنت فين يا صايع لحد دلوقتى

    مُساهمة من طرف حسين الشريف في الأحد أكتوبر 25, 2009 11:06 pm

    موضوع جميييييييييييل جدا وفي منتهي الروعه

    انا مش هعلق عليه لانه بجد موضوع جميل ومستفيد
    وهو واضح مثل وضوح الشمس

    بارك الله في حضرتك يابشمهندسه
    وجزاكي الله عنا كل خير


    N0 B0Y=N0 CRY
    مهندس بيشارك كويس
    مهندس بيشارك كويس

    انثى
    مساهماتى : 226
    عمرى : 25
    نقاط : 2894

    3ADY رد: كنت فين يا صايع لحد دلوقتى

    مُساهمة من طرف N0 B0Y=N0 CRY في الإثنين أكتوبر 26, 2009 11:50 am

    ميرسى لحضرتك يا بشمهندس الحمد لله ان الموضوع عجبك لان المشاهده 17 والردود 1 يعنى حضرتك بس اللى عجبك الموضوع من الواضح بس الحمد لله انا مش طماعه وميرسى مره تانيه على ردك

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3924

    3ADY رد: كنت فين يا صايع لحد دلوقتى

    مُساهمة من طرف THE GAME في الإثنين أكتوبر 26, 2009 12:01 pm


    لان المشاهده 17 والردود 1


    ههههههههههههههههههههه....

    وادى الرد رقم 2 للموضوع ...

    هو بالفعل الكلام دا صح جدا جدا .. والكاتب عمر طاهر دا دماااااغ ..

    ثانكس للموضوع ...






    N0 B0Y=N0 CRY
    مهندس بيشارك كويس
    مهندس بيشارك كويس

    انثى
    مساهماتى : 226
    عمرى : 25
    نقاط : 2894

    3ADY رد: كنت فين يا صايع لحد دلوقتى

    مُساهمة من طرف N0 B0Y=N0 CRY في الإثنين أكتوبر 26, 2009 12:19 pm

    THE GAME كتب:
    [size=24]
    لان المشاهده 17 والردود 1

    ههههههههههههههههههههه....

    وادى الرد رقم 2 للموضوع ...
    هو جبر خواطر ولا ايه يا بشمهندس ههههههههه عموما ميرسى جدا ومردودالك ان شاء الله

    [/size]

    razan
    مهندس مـمتـــاز
    مهندس مـمتـــاز

    انثى
    مساهماتى : 1818
    عمرى : 25
    فـرقـتـى : طب قنا
    نقاط : 3996
    المسابقه الرمضانيه : المركز الثانى

    3ADY رد: كنت فين يا صايع لحد دلوقتى

    مُساهمة من طرف razan في الإثنين أكتوبر 26, 2009 12:35 pm

    كل حاجة بتتغير جات علي دى يعنى هههههههه

    بجد موضوع تحفة

    تسلمى يا ميرو

    حسين الشريف
    مهندس مـمتـــاز
    مهندس مـمتـــاز

    ذكر
    مساهماتى : 698
    عمرى : 25
    نقاط : 2750

    3ADY رد: كنت فين يا صايع لحد دلوقتى

    مُساهمة من طرف حسين الشريف في الإثنين أكتوبر 26, 2009 12:42 pm


    يابشمهندسه انتي متستنيش رد من حد ..لان معظمهم بيصفحو مش اكتر ..بس المفروض ان كل واحد دخل الموضوع علي الاقل يضع كلمه شكر نظرا ما قدمه من مجهود لنستفاد به
    انا لما بنزل موضوع في منتدي هندسه اسوان مكنتش استني رد من حد ولكن كنت اكتب في اخر الموضوع
    اتمني الدعاء فقط مش اكتر ..بس الكلمه دي هي الي كنت بسالهم اياها
    ومكنتش عايز رد من حد علي الموضوع لاني عارف الي انا بقدمه متواضع وكل ما اريده هو ان يضاف الي ميزان حسناتي فلا تياسي يا اختي ولا تقنطي من رحمه ربنا فاعلمي الي بتقدميه ده سيجزيكي عليه ربنا كل خير
    لانك بتفيدي الناس من غير اجر ..

    وعلي فكره باذن الله مفيش موضوع هيعدي من تحت اديا من غير ما احط بصمتي عليه

    وربنا يقدرنا نفيد ونستفاد

    وجزاكي الله عنا كل خير


    والله الموفق

    N0 B0Y=N0 CRY
    مهندس بيشارك كويس
    مهندس بيشارك كويس

    انثى
    مساهماتى : 226
    عمرى : 25
    نقاط : 2894

    3ADY رد: كنت فين يا صايع لحد دلوقتى

    مُساهمة من طرف N0 B0Y=N0 CRY في الإثنين أكتوبر 26, 2009 1:22 pm

    ميرسى لرد حضرتك وطبعا كلامك صح جدا بس انا خفت يكون الموضوع معجبش الاعضاء لما لقيت فى مشاهدات ومفيش ردود وف الاول والاخر انا بنزل اى موضوع عشان المنتدى والناس العسل اللى فيه وميرسى تانى لرد حضرتك وروزى حياتى ميرسى ليكى

    Magd 4 ever
    مشرف عام اقسام اخبار الكليه
    مشرف عام اقسام اخبار الكليه

    ذكر
    مساهماتى : 672
    عمرى : 23
    فـرقـتـى : 1st mechatronics
    نقاط : 2814

    3ADY رد: كنت فين يا صايع لحد دلوقتى

    مُساهمة من طرف Magd 4 ever في الإثنين أكتوبر 26, 2009 5:43 pm

    والله كلامك صح علي راي الاستاذ الدكتور سعد الصغير الصياعة ادب والشقاوة صمت..........ابو المجد

    jiraya_sama
    مهندس مـمتـــاز
    مهندس مـمتـــاز

    ذكر
    مساهماتى : 1640
    عمرى : 27
    فـرقـتـى : سانين
    نقاط : 4045

    3ADY رد: كنت فين يا صايع لحد دلوقتى

    مُساهمة من طرف jiraya_sama في الإثنين أكتوبر 26, 2009 6:34 pm

    والله فعلا انا مش عارف ارد اقول ايه
    بجد الموضوع اتحفني والله
    موضوع روعه بجد يا بشمهندس يا كبير

    وفعلا كلمه الصياعه ليها اكتر من معني
    اما معظمنا فبياخد الجانب الاسوأ
    والصياعه مش حاجه وحشه زي انت مقلت وجبت امثله
    بس اجمد واحده كانت دي

    الصبر .. هو الحاجة الوحيدة اللى لازم تستعجل وأنت بتتعلمها .


    ملهاااااااااااااااااااااااااااااش حل

    Just A GirL
    مهندس بيشارك كويس
    مهندس بيشارك كويس

    انثى
    مساهماتى : 395
    عمرى : 25
    فـرقـتـى : اولى كهربا
    نقاط : 2806

    3ADY رد: كنت فين يا صايع لحد دلوقتى

    مُساهمة من طرف Just A GirL في الإثنين أكتوبر 26, 2009 6:57 pm

    والله موضوع تحفة بجد

    و من جماله مش عارفة اقولك ايه

    ميرسي ليكي يا جميل ع الموضوع

    lovely moro
    مهندس بيشارك كويس
    مهندس بيشارك كويس

    انثى
    مساهماتى : 354
    عمرى : 25
    نقاط : 3187

    3ADY رد: كنت فين يا صايع لحد دلوقتى

    مُساهمة من طرف lovely moro في الإثنين أكتوبر 26, 2009 8:31 pm

    ازاي بقي معجبش الاعضاء
    طب ده موضوع جاااااااااااااااامد موووووووووت
    وفعلا مفهوم الصياعة دلوقتي اتغير وتقريبا معناها الانسان المتفتح والمتوسع ف كل المجالات
    وال فيه الصفات الحلوة ال انتي كاتباها فوق دي
    ميرسيييييييييي يا ميرو يا قمر

    zamlkawy
    نائب المدير العام
    نائب  المدير العام

    ذكر
    مساهماتى : 1738
    عمرى : 28
    فـرقـتـى : تانية سيارات
    نقاط : 3744

    3ADY رد: كنت فين يا صايع لحد دلوقتى

    مُساهمة من طرف zamlkawy في الإثنين أكتوبر 26, 2009 8:44 pm

    موضوع حلو يا بشمهندس
    بس دة من تطورات الزمن اللي احنا فية
    يعني صايع دلوقتي نقدر نقول بمعني زكي

    N0 B0Y=N0 CRY
    مهندس بيشارك كويس
    مهندس بيشارك كويس

    انثى
    مساهماتى : 226
    عمرى : 25
    نقاط : 2894

    3ADY رد: كنت فين يا صايع لحد دلوقتى

    مُساهمة من طرف N0 B0Y=N0 CRY في الثلاثاء أكتوبر 27, 2009 2:27 pm

    ميرسى يا شباب على التفاعل الجامد ده

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5699

    3ADY رد: كنت فين يا صايع لحد دلوقتى

    مُساهمة من طرف SomeOne في الأربعاء أكتوبر 28, 2009 6:41 pm

    الحمد لله عمرى ما حد قالى الكلمه دى كنت فين يا صايع ...

    بس الصياعه يعنى مش شرط ان الواحد يكون فيها قليل الادب يعنى انا بفسرها انك لما تهرج مع اصحابك بصوت عالى فى الشارع دى صياعه ولما تعاكس البنات اللى مش محترمات دى صياعه وبس

    ربنا يهدينا وشكرا للموضوع الجميل .





    [center]
    [/center]

    N0 B0Y=N0 CRY
    مهندس بيشارك كويس
    مهندس بيشارك كويس

    انثى
    مساهماتى : 226
    عمرى : 25
    نقاط : 2894

    3ADY رد: كنت فين يا صايع لحد دلوقتى

    مُساهمة من طرف N0 B0Y=N0 CRY في الجمعة أكتوبر 30, 2009 9:32 am

    ميرسى على المرور

      الوقت/التاريخ الآن هو السبت ديسمبر 03, 2016 5:41 pm