منتدى كليه هندسه قنا

Every Thing About The Faculty Of Engineering ,Qena


    المفروض نعمل اية؟

    شاطر

    zamlkawy
    نائب المدير العام
    نائب  المدير العام

    ذكر
    مساهماتى : 1738
    عمرى : 28
    فـرقـتـى : تانية سيارات
    نقاط : 3748

    3ADY المفروض نعمل اية؟

    مُساهمة من طرف zamlkawy في الإثنين فبراير 14, 2011 10:32 pm

    قبل 25يناير 2011
    البلد كلها ظلم وقمع للحريات وسرقة ونهب وبطالة وجوع وتزوير والبنية التحتية للبلد بتتباع بتراب الفلوس وناس مش لاقية خزن تحط فيها الفلوس اللي سرقاها
    واغتلاسات ورشوة وذل وكرامة متبهدلة للشعب طيب ماشي
    جات الثورة وحققت اكتر من اكثر المتافائلين توقع ومشي مؤسس الفساد لحمد للة مع اني وصلت لدرجة انو الراجل دة ممكن يقسم الارزاق بدل ربنا والعياذ باللة بس اهو مشي
    بعد25 يناير 2011
    مصر اتغريت واللي كان نفسنا فية حصل وفرحنا وهيصنا بتنحي مبارك
    طيب وبعد كدا
    كل يوم فالاعلام خبراء سياسين بقترحو ويدو اساليب للتقدم واللي مفروض يحصل واحنا لسة محلك سر
    قبل الثورة كان كل واحد فينا حاسس مستقبلة طريق اسود مش هيعرف يمشي فية وانو هيخلص مش هيشتغل والظروف اللي زي الزفت اللي كنا حاسين بيها كانت حاجة تحبط امل اكتر واحد فينا متفائل
    لكن دلوقتي الثورة دي خلت كل واحد فينا جواة امل انو يغير البلد دي او انو يشارك في تحسين وضعها
    هنحسن وضعها ازاي
    اولا بوجة عام المفروض يتم عمل ندوات خاصة من العلماء والمفكرين والاقتصاديين للشباب لتوعيتهم انهم ازاي يقررو مصير بلدهم ازاي يعلوها وكمان يسمعو افكار الشباب ودة محصلش اللي احنا شايفينة الايام دي وقفات احتجاجية واضراي عن العمل فمعظم المؤسسات حتي المؤسسات الغنية اللي موظيفينها بياخدو رواتب مهولة عايزين زيادات كاءنو مصر بقيت كنز وكلو عايز ياخد اكتر من التاني دة غلط والمفروض قيادات الناس دي تفهمهم النو دة غلط مش توزهم علية
    وبالنسية لينا كمهندسين
    يوم ما البلد دي تتبني مش هتتبني غير بادينا احنا اهل العلم فالبلد دي احنا اساس كل الصناعات احنا اساس تقدم الامم وانا متاكد انو مصر عندها ناس قمة فالعلم بس محتاجة التوجية
    احمد زويل فلقاءة الاخير حلف انو الواضعين لسياسة التعليم والمناهج فكندا مصريين
    معني كدا اية ؟
    معناة اننا عندنا القدرة علي اننا نبني ونعمر ابلد دي وكنا بنتحجج بالنظام الفاسد
    طيب اهو جاتكم الفرصة اية ممكن تعملو وازاي
    واوعو تفتكرو ان الموضوع دة معمول للنصح لا انتو دلوقتي اكبر من كدا
    وعايزين نشوف اقتراحتكم يا بشمهندسين

    SomeOne
    مهندس مـمتـــاز
    مهندس مـمتـــاز

    مساهماتى : 2704
    نقاط : 5703

    3ADY رد: المفروض نعمل اية؟

    مُساهمة من طرف SomeOne في الثلاثاء فبراير 15, 2011 3:00 am

    كل واحد يبدأ بنفسه...

    حاول تحسن من نفسك

    حاول تبقى ايجابى ..


    متبقاش سلبى

    وتكون خايف على البلد


    بلاش فساد فى اى حاجه

    بلاش تضيع وقت فى كلام فاضى

    نحاول كلنا اننا نضف البلد

    منرميش زبالتنا فى الشوارع


    وبعدين نشوف الحكومه ونحاسبها

    واى حد فيه مشكله معاه ميسكتش عليها


    مع انى اظن اننا نتغير ...





    [center]
    [/center]

    هدى
    مهندس بدأ يشارك
    مهندس  بدأ يشارك

    انثى
    مساهماتى : 171
    عمرى : 25
    نقاط : 2913

    3ADY رد: المفروض نعمل اية؟

    مُساهمة من طرف هدى في الثلاثاء فبراير 15, 2011 5:46 am

    فعلا زى ما بشمهندس قيصر قال لو كل واحد بدأ من نفسه انشاء الله هنتقدم ربنا يجعل مصر دايما امنا وسلامه

    •°o.O (Just Smile) O.o°•
    مهندس بيشارك كويس
    مهندس بيشارك كويس

    انثى
    مساهماتى : 207
    عمرى : 24
    فـرقـتـى : إعدادى
    نقاط : 2204

    3ADY رد: المفروض نعمل اية؟

    مُساهمة من طرف •°o.O (Just Smile) O.o°• في الثلاثاء فبراير 15, 2011 12:21 pm

    أول حاجة لازم كلنا نرجع للدين ونكون مسلمين بجد لأن الحكومة بجد كانت تحول تبعدنا عن الدين وكان كل واحدماشى على السنه ومربى لحيتة نقول عليه إرهابى وكمان قضية النقاب فلازم نشيل من دماغنا الأفكار دى
    ثانيا فعلا لازم كل واحد يبدأ بإصلاح نفسه من أى عيوب فيها لأن مفيش انسان خالى من العيوب واكتر كلمة كانت بضايقنى فى عهد مبارك الله يرحمة ( هو أنا يعنى إللى هصلح البلد ) آه انتى اللى هتصلح البلد دلوقتى ولو كل واحد قال كدة البلد هتبقى فوضى فكل واحد يبدأ فى مجاله ويحاول أنه يعمل حاجة تفيد البلد

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4293

    3ADY رد: المفروض نعمل اية؟

    مُساهمة من طرف NOHA في الثلاثاء فبراير 15, 2011 10:43 pm

    الحل الوحيد فعلا ان كل واحد يبدأ يصلح من نفسه
    خلاص غالبية الاسباب اللى كانت بتخلينا نبقى سلبيين انتهت...قبل 25 كان كل الشباب بيقول و انا فى ايدى اعمل ايه هطلع مش هلاقى شغل غالبيتنا كان ناوى يسيب البلد و يطفش خلاص اهى كل الحاجات دى راحت لحالها يبقى كل واحد يبطل سلبية و تشاؤم
    نشوف كانت ايه غلطاتنا و نصلحها
    من ناحية تانى...محدش يسكت عن حاجة شايفها غلط الشباب شالو الرئيس اللى كان فى الحلم اساسا انه يمشى يبقى ليه نسكت تانى عن اى حاجة غلط بنشوفها
    من الناحية العلمية احنا كمهندسين المفروض نغير فعلا من نفسنا بلاش اسلوب ثانوى احفظ عشان تحل ...لازم نقرأ كتير و تكون عندنا خلفية علمية قوية لازم نبدأ نفكر و نطور احنا عندنا بجد عقليات ممتازة جدا و احنا كلية عملية يبقى ليه كل اهتمامنا نظرى؟؟ لازم نصنع حاجات بايدينا و نطورها كبداية لشغلنا فى المستقبل و كمان تضييع الوقت احنا فنانين فيه ما شاء الله خلاص كل حد يبدأ يستغل وقته كويس جدا اعمل حاجة تفيدك ده اللى نقدر نعمله حاليا


    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3928

    3ADY رد: المفروض نعمل اية؟

    مُساهمة من طرف THE GAME في الأربعاء فبراير 16, 2011 11:51 pm

    مرحب بيكم بعد الغيبه الطويله ...

    طبعا الحل فى ادينا احنا زى ما قلتو كل واحد يصلح م نفسه والغلط يقول عليه غلط ومايسكتش عشان الفساد ينتهى من جذوره .. واللى مش هينتهى من يوم وليله طبعا

    واهم حاجه يجماعه واللى خطيب الجامع اللى جمبى بيقولها دايما .. (( كلكم راع وكلكم مسؤول عن رعيته )) لو اطبق الحديث دا بجد البلد هينصلح حالها ..

    بس اهم حاجه دلوقتى واللى نفسى فيها الداخليه تنضف من الأشكال الفاسده اللى فيها واللى أعتقد ان نسبه كبييييره جدا منها فاسدين الا من رحم ربى ..

    يتبعــــــــ








    WhiTe<>RoSe
    مهندس مـمتـــاز
    مهندس مـمتـــاز

    انثى
    مساهماتى : 1433
    عمرى : 25
    فـرقـتـى : طب قنا
    نقاط : 3645
    المسابقه الرمضانيه : المركز الثالث

    3ADY رد: المفروض نعمل اية؟

    مُساهمة من طرف WhiTe<>RoSe في الخميس فبراير 17, 2011 9:34 am

    بس اهم حاجه دلوقتى واللى نفسى فيها الداخليه تنضف من الأشكال
    الفاسده اللى فيها واللى أعتقد ان نسبه كبييييره جدا منها فاسدين الا من
    رحم ربى ..

    انا عايزة اوضح لك حاجة يا بشمهندس بس اولا حمدلله ع السلامة ..
    الداخلية ماكانت الا فساد قائد.....والله يا بشمهندس انا ليا حد اعرفه جدا يعتبر فرد ف الداخلية مصدوم من اللي بيحصل ومصدوم ان فكر الناس وصل لدرجة بعيدة بالشكل دا ....كل اللي كانو فيه فساد قائد مبدأه فرق تسد اللي هو العادلي.....يعني حبيب العادلي دا كان بيعامل اللواءات اللي تحته بطريقة مقرفة بجد وكان يحاول يوقع مابينهم ويهينهم.....وهو اللي صرح باوامره ان الشرطة تنسحب وبالتالي حصل هروب المساجين و.. و... و.... وبالتالي اوامره كانت لازم تنفذ لو طلب منهم ايه....وبنفسهم عملو مظاهرة وقالو كدا وانها كانت اوامره

    دا كان توضيحي مش اكتر.......ويارب الايام تثبت لنا كدا وتثبتاننا لسه بخير لنا


    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3928

    3ADY رد: المفروض نعمل اية؟

    مُساهمة من طرف THE GAME في الخميس فبراير 17, 2011 3:04 pm

    الله يسلمك يا دكتور ...

    كل اللى حصل وبتتكلمى عليه حصل فعلا من فساد قائد دا اللى كان ف يوم الجمعه بس مش أكتر ...

    لكن الداخليه من يوم ما مسكها حبيب العادلى سنة 1997 وقبل كدا كمان وهى فساد فى فساد الفساد دا مش هيبان ومش هيطلع ف التلفزيون طبعا كلو ف المدارى .. كفايه اللى بيحصل ف الأقسام ومراكز الشرطه وبهدلة الناس المحترمه ف كل حته وتناكة رجال مباحث امن الدوله فى كل حته متعللين بقانون الطوارىء الفاسد .. اساسا مفيش حاجه اسمها قانون طوارىء اسمها ( حالة طوارىء) تطبق فى الحالات الطارئه بس .. لكن مصر عملتها قانون عشان تمسك الشعب من ايده اللى بتوجعه .. وهو كل حته فيه بتوجعه اصلا ...

    انا عارف ان فى ناس كتيره ف الداخليه محترمه ... دا عشان هى بتكون من داخلها محترمه ..
    لكن المناهج اللى بتدرس وبتطبق على الطلبه فى أكادمية الشرطه على مدار الأربع سنين مش بطلعهم محترمين ...

    اساسا الفساد فيها بيبدأ من لحظة دخول الطالب فيها وهو بيدفع المبلغ المحترم + الواسطه المحترمه عشان يدخلها يعنى رشوه يعنى فساد × فساد .. يبقى عايزه مستقبله يطلع ايه .. محترم وابن ناس ؟؟
    وبعدين هو بيعمل كدا ليه عشان يدخلها مع ان مرتباتهم مش كبيره أوى يعنى .. لكن عشان عارف انو هبقى ذا سلطه مستبده ع الشعب ومنها هيعمل بزنس تانى وتالت ورابع و و و ...

    ولا موضوع خالد سعيد ... مش فساد ... ولا ايه ولا ايه ولا ايه ...

    يادكتور الداخليه هتفضل فاسده طول ماهى ماشيه بالمبادىء دى ولازم تنضف السياسه بتاعتها نفسها مش موضوع قواد وبس ...






    jiraya_sama
    مهندس مـمتـــاز
    مهندس مـمتـــاز

    ذكر
    مساهماتى : 1640
    عمرى : 27
    فـرقـتـى : سانين
    نقاط : 4049

    3ADY رد: المفروض نعمل اية؟

    مُساهمة من طرف jiraya_sama في الخميس فبراير 17, 2011 11:50 pm

    بص ياباشا اللي انا شايفه ان الشعب المصري ينقسم ل3 انواع
    الاول النوع اللي عايز يتغير وهو ده اللي هيغير مصر
    النوع اللي بيمشي مع الناس يعني لو شاف الناس بتتغير هيتغير زيهم امالو فضلت الناس كده فاكيد مش هيتغير
    النوع التالت اللي ميعرفش اي حاجه عن اي حاجه وجه هيبقه اكبر مشكله لانه اكيد مش هيتغير لانه مش فارقه معاه لانه اصلا ممكن يعون ميعرفش اي حاجه
    بس اللي انا شايفه ان احنا اللي نبدا من الاول يعني كل واحد يبدا مع نفسه وملهوش دعوه بحد
    من الاخر اعمل الصح وسيبك من الناس
    بس طبعا اجنا لينا دور والدوله ليها دول لان ايه الفايده اذا كانت الدوله مش بتشجعك اصلا عليا نه تتغير سعتها ممكن تتقلب للاسوا
    يعني ندوات علي اعلانات علي مؤتمرات بالذات فالجاكعات والمدارس والمصانع وفكل مكان عني من الاخر يفهموا الناس انها تمشي صح وهما في نفس الزقت يمشوا صح
    بس مش عارف ليه انا مستبعد الموضوع ده علينا لاني كل مفكر واقول ان الناس دي هتتغيرو مصر هتتغر تطلعلي حاجه تثبتلي اني غلط
    بس الواحد متفائل خير باذن الله

      الوقت/التاريخ الآن هو الأربعاء ديسمبر 07, 2016 12:22 pm