منتدى كليه هندسه قنا

Every Thing About The Faculty Of Engineering ,Qena


    اعتذار لدكتور عارف

    شاطر

    wahg
    مهندس جديد
    مهندس جديد

    انثى
    مساهماتى : 15
    عمرى : 25
    نقاط : 2706

    هام اعتذار لدكتور عارف

    مُساهمة من طرف wahg في الخميس مارس 10, 2011 10:02 pm

    بسم الله الرحمن الرحيم
    اولا انا عارفه مدى استياء البعض لمجرد قراية العنوان لكن لازم تعرفوا ان احنا لازم نعتذر ل د/ عارف

    احنا يا جماعه من البدايه كنا متفقين على المطالب وان احنا حنقدمها لسيادة العميد ووافقنا على الاعتصام لكن لما تتقلب الطلبة وتبدا تقول العميد يمشي فدي حاجه احنا مااتفقناش عليها وتقسمنا لمؤيد ومعارض لكده . وانا واحده من الناس اللي كانت رافضه بشده وبعد كده في بداية الاجتماع التاني تقولوا ان في استفتاء في الكلام ده . ياجماعه مهما وصل حد الاستفزازـاللي انا ما حستشي بيه ـ ما يكونشي الرد عليه بالشكل ده . انا عايزه اسألكوا سؤال هوه د/عارف ما عملشي اي حاجه كويسه تفتكروهالوا في اللحظه دي ؟ يا جماعه في كليات الطلبة فيها ما يعرفوش شكل عميدهم عامل ازاي هنا وف جامعات تانية ده غير معرفة د/عارف لاسماء معظم الطلبه واحترامه الشديد لينا كلنا . ممكن بعضكم يشوف ان دي حاجات فرعية ويمكن تافهه لكن اللي بيفتقد الكلام ده بيحس فعلا بأهميته . وانا يا جماعه واحده من الناس اللي بتقدر د/عارف جدا لاني شفت منه حاجات كتيير كويسه وساعني في حل مشكله كبيره جدا بالنسبالي مالهاش علاقه بالكليه . اما بالنسبه للناحيه العلميه فأكيد د/عارف يهموا وصول المعامل وغيرها لان اكيد حضرته يحب ان الكليه تكون كويسه . وفي حاجه مهمة جدا انا عرفتها وهي ان د/عارف عمل اجتماع قرب بداية امتحانات الفصل الدراسي الاول مع بعض الطلبه والطالبات ود/عادل بدير وال م/مصطفى كان مجمل الاجتماع ده انه عايز الطلبه تشارك في مشاريع وطلب ان اي حد عنده اي فكرة ممكن ينضم للمجموعة دي وشرح د/عادل نموزج وشغله قدام الطلبة وقال ان خريج كلية الهندسه لازم يكون (designer) لكن الامتحانات والثورة اللي حصلت بعد كده هي اللي عطلت الطلبة دول عن بداية تنفيذ المشروع . وعشان ما اطولشي اكتر من كده انا مش عايزه كلامي ده يتفهم غلط انا كنت معاكوا يوم الاربعاء من الساعه 8 لغاية النهايه وان شاء الله كل مطالبنا حتتحقق وعلى فكره دي تعتبر اول مشاركه فعليه ليا في المنتدى الا ان انا حسيت بالحزن الشديد خاصة بعد اللي سمعته من د/عارف في بداية الاجتماع التاني.
    وياريت اي حد عنده فكره للاعتذار رسمي لل د/عارف يقول وتكون يوم السبت وحنأكد ساعتها على مطالبنا وان شاء الله بعد تحقيق مطالبنا كامله نكرم د/عارف تكريم فعلي واحنا أسفين يا دكتور ويارب ما تكونشي زعلان من اي حد خرج عن شعوره .

    NOHA
    مهندس مـمتـــاز
    مهندس مـمتـــاز

    انثى
    مساهماتى : 1592
    عمرى : 25
    فـرقـتـى : اولى هندسة قنا
    نقاط : 4292

    هام رد: اعتذار لدكتور عارف

    مُساهمة من طرف NOHA في الجمعة مارس 11, 2011 12:44 am

    بداية شرف ليا انى اول واحدة ترد على موضوعك
    انا متفقة معاكى فى بعض النقاط و مختلفة فى حاجات تانى...بصى يا ستى انا واحدة معترضة معاكى بالظبط ع الهتاف ده و معجبنيش الوضع و دكتور عارف كشخصية بعيدا عن وظيفته كعميد انا بحترمه جدا و عمرى ما سمعت عن عميد بيعامل الطلبة بتوعه كده بس لو جينا لوضعه كعميد يبقى مننكرش بقا انه استخدم اسلوب مستفز مع الطلبة حتى لو ما استفزكيش انتى بس استفز ناس كتير و انا عن نفسى ماستفزنيش بس مش عشان الكلام مش مستفز لا ده عشان انا كنت متوقعة الاسلوب ده تماما و مسستمة نفسى عليه قبل ما ادخل و محصلش اكتر من اللى اتوقعته فى اسلوب الحوار لان دى مش اول مرة نتكلم مع دكتور عارف....بصى نعتبر الهتاف ده غلطة من الغلطات اللى حصلت و اللى مش هتتكرر تانى ان شاء الله بس موضوع الاعتذار ده هيدايق ناس كتير و هتحسى انك لوحدك و الاهم ان دكتور عارف ممكن يعتبره رجوع عن موقفنا و ساعتها هنبوظ كل اللى عملناه احنا هننسى للدكتور اسلوب الحوار و هو ينسالنا الهتاف و يبقى الموضوع خلص و ممكن نأجل الاعتذااار بعد ما الدكتور يحقق كل طلباتنا لكن اقولك ان الوقت حاليا مش مناسب للاعتذار عن اى حاجة و ممكن و غالبا هيتفهم غلط...ياريت تتقبلى رأيى


    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3927

    هام رد: اعتذار لدكتور عارف

    مُساهمة من طرف THE GAME في الجمعة مارس 11, 2011 7:39 am

    اعتذار ايه يا اموره ... دا انا دى الحاجه اللى قعدت انبه الطلبه عليها انها متتعملش خااااااالص وان اتعملت تبقى بعديييين اوووووووى ...
    بصى يا بشمهندسه .... متخليش عواطفك تتحكم فيكى اصلا لا العميد كان هيجتمع معانا تانى ولا نائب رئيس الجامعه كان هيجى لولا موضوع الأعتصام و الهتافات دى ... بغض النظر عن ان فيها هتافات مش مقبوله حبتين ...
    واديكى ابسط مثال ... لو الشرفاء اللى كانو فى ميدان التحرير قالو احنا متأسفين ياريس بعد الخطالب التانى ليه كان حصل اللى حصل دلوقتى ولا كسبنا أى مكاسب الثوره ...
    بصى .. سيادة العميد على عينا وع راسنا من فوق ... وزى ماقالت البشمهندسه نها أى اعتذار دلوقتى هيتفهم غلط وهيضعف موقفنا جدااااااااااااااااااااااااااا
    ان شاء الله لما يحقق مطالبنا هنقله كلمه واحده ... ألا وهى شكرا







    wahg
    مهندس جديد
    مهندس جديد

    انثى
    مساهماتى : 15
    عمرى : 25
    نقاط : 2706

    هام رد: اعتذار لدكتور عارف

    مُساهمة من طرف wahg في الجمعة مارس 11, 2011 10:53 am

    بسم الله الرحمن الرحيم
    اولا انا متشكره للرددكوا خاصة البشمهندسه نها
    ثانيا ان يبدا البشمهندس بعد كده كلامه ب (اعتذار ايه يا اموره) فدا مش اسلوب حوار ودي حاجه انا ارفضها تماما وكانت سبب عدم مشاركتي في المنتدى خالص بسب اللي كنت بشوفوا من اسلوب الحوار مع بعضكوا
    ثالثا انا كنت متوقعه الكلام ده واني اتفهم غلط ودا اللي اكدت عليه في موضوعي وقلت ان انا ما كنتش رافضه الاعتصام او غيره اللي كنت رفضاه انا ومجموعه كبيره هوه فكرة اقالة العميد لكن واضح ان الردود كانت بمجرد رؤية العنوان. وانا قلت كمان ان احنا حناكد على مطالبنا
    لكن فعلا انا حاسه انه حيبقى بعد كده من الصعب ان احنا نرفع عنينا لما نشوف العميد بعد ما طلب شوية مننا اقالته واكيد المعامله حتتغير ومن الصعب ان احنا نشبه الكلام ده باللي كان ممكن يحصل لو ثوار التحرير اعتذروا بعد الخطاب التاني لان د/عارف مش زي الريس . الريس فعلا ما شفناش منه حاجه كويسه
    انا مش مستغربه ان ما فيش حد ايد الكلام اللي انا قولته لان ده شئ متوقع بس اللي انا متاكده منه ان في ناس كتيييييييييير كانت رافضه لموضوع الاقاله والاستفتاء اللي كان في شويه موافقين عليه وانا شفت بنفسي رد فعل المهندسات المندوبات بعد ما لقيوا ان خانة (لا أوافق) بدات تزيد لصالح العميد وكأننا الاعداء
    وعلى فكره انا عواطفي مش مسيطره عليا ولا حاجه لكن انا حسيت انه كان في كلمة حق المفروض اقولها في وجود نائب رئيس الجامعه لكن انا معملتش كده عشان كنت عارفه اني ممكن اتفهم غلط ده غير ان كل واحد كان حيحب يرد على كلامي وتحصل شوشره
    وفي النهايه الاختلاف في الرأي لا يفسد للود قضيه ............. وشكرا

    THE DESIGNER
    مهندس جديد
    مهندس جديد

    ذكر
    مساهماتى : 52
    عمرى : 26
    فـرقـتـى : ميكاترونيات
    نقاط : 2548

    هام رد: اعتذار لدكتور عارف

    مُساهمة من طرف THE DESIGNER في الجمعة مارس 11, 2011 11:41 am

    اولا يابشمهندسة انا مقدر اللى انتى تقصديه ومقدر الدكتور عارف كشخصية خدومة ومحترمة ومقدر مدى تواضعه وانى مافيش مش عميد كلية ......لا وكيل كلية فى اى جامعة تانية لو انى الطلبة حتى لو عرفت اسمه يبقى كويس ...الكلام ده انا معاكى فيه ومش مختلف فى اى نقطة
    بس نيجى نتكلم بالعقل شوية مش بالعاطفة والتعود والعادات والعرف
    اولا حكاية انى ممكن انى ادخل او اقدم شكوى لعميد الكلية ده اكيد حقى ومفهاش اى نقاش
    بس اللبس اللى عندنا فى الموضوع ده اننا ربطنا بين سلطته وبين اللى سايد اثناء النظام اللى فات وبين تواضعه وتنازله عن الحاجة دى ...لو احنا فضلنا نفكر بالطريقة دى يبقى اصلا الثورة ملهاش اى لزوم
    ثانيا انا واحد من الناس اللى ..مش هقول اتاذت ع طول من العميد ...لا انا كنت بخلص حاجات ليا والعميد كان بينفذهالى ...بس بعد ايه ...بعد باع طويل من الروتين والتهزيا والتريقة
    فحاجة طبيعية انى انا اكون اول واحد يطلب انى العميد يمشى ....عارفة ليه يابشمهندسة ...لسبب بسيط
    لو حضرتك اتعاملتى مع العميد كويس وتعرفى شخصيته ...بس الوجه التانى مش وجه المماطلة والتثبيت ..كنتى هتعرفى انى العملية مع العميد حاليا وصلت لحالة عناد وحرب
    هضربلك مثال بسيط
    من فترة مش بعيدة اتفقنا فى الكلية علشان نعمل محاضرة خارج الكلية علشان العميد رفض انها تتعمل جواها وبعد ماحجزت القاعة ودفعت العربون
    اقسم بالله جالى تليفون انا واللى معايا بيقولنا لو عملتوا كده العميد هيبلغ امن الدولة
    اتمنى انى الصورة تكون وضحت
    ولو تحبى اعرضلك صور تانى انا ممكن اقدمهالك ومش ليا انا بس لا لكل الناس
    واتمنى انك تقرى اللايحة بتاعتك بس اللى ع النت مش المعدلة
    واسالى نفسك انت معهد ولا كلية
    وانا بردوا معاكى ف الاعتذار وان شاء الله هكون اول واحد يقدم الاعتذار ده للعميد
    بس اكيد مش دلوقتى ......ومش هيكون بصيغة الاعتذار لانى انا مطلبتش غير حقى

    Magd 4 ever
    مشرف عام اقسام اخبار الكليه
    مشرف عام اقسام اخبار الكليه

    ذكر
    مساهماتى : 672
    عمرى : 23
    فـرقـتـى : 1st mechatronics
    نقاط : 2817

    هام رد: اعتذار لدكتور عارف

    مُساهمة من طرف Magd 4 ever في الجمعة مارس 11, 2011 11:50 am

    يبشمهندسة اللي ميأديش دوره لايستحق المنصب اللي هوه فيه
    وكلنا شفنا ف الاجتماع الأول ازاي العميد كان بيماطل وبيتحايل علينا
    عشان كدا اسلوب الضغط مهم جدا اللي هو الاعتصام
    ولو منفعش الاعتصام ولم تنفذ رغباتنا حتي التاسع من ابريل
    فسوف نتجه الي الحل الاخر وهو المطالبة باقالة العميد من منصبه
    ويصبح دكتور عادي ف القسم
    لان كل راع مسئول عن رعيته
    واذا لم يوفر لنا مطالبنا فهو لايستحق المنصب الموجود فيه
    مع كل تقديري للسيد العميد كشخصية
    لكن كمنصب يجب محاسبته علي كل كبيرة وصغيرة ف الكلية
    وشكرا جدااااااااا






    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3927

    هام رد: اعتذار لدكتور عارف

    مُساهمة من طرف THE GAME في الجمعة مارس 11, 2011 12:04 pm

    ثانيا ان يبدا البشمهندس بعد كده كلامه ب (اعتذار ايه يا اموره)
    فدا مش اسلوب حوار ودي حاجه انا ارفضها تماما

    ايه ... احممم ... سورى .. دا مش أسلوبى أبدا ع فكره
    وقضيها والناس لبعضيها


    وبعدين انا عايز اقلك ع حاجه مهمه جدا ... حضرتك ترضى بالظلم ؟؟
    عارفه انى اكتشفت مؤخرا ان فى بعض زملائى الواصلين ( وساطه يعنى ) دخلو أقسام مش من حقهم عشان مجموع نقاطهم مكنش يسمح ودخلوها غصب عن عين التخين ... فى حين ان سيادته بينادى بمبدأ العداله والمساوه بين الطلبه ودا كان واضح أوى ف نقاشه عن موضوع اختيار الأقسام بالنسبه لطلبة اعدادى ... !!
    عارفك هتقولى غصب عنه ولو معملش كدا كان هيتشال من منصبه ... ودلوقتى خلاص كل من ظلم وفسد اتشال من منصبه سواء كان او لم يكن ...

    وزى ما قلتى

    وفي النهايه الاختلاف في الرأي لا يفسد للود قضيه
    وهو المطلوب اثباته ...







    wahg
    مهندس جديد
    مهندس جديد

    انثى
    مساهماتى : 15
    عمرى : 25
    نقاط : 2706

    هام رد: اعتذار لدكتور عارف

    مُساهمة من طرف wahg في الجمعة مارس 11, 2011 5:24 pm

    بسم الله الرحمن الرحيم
    يا جماعه ان كلامي كان واضح من البدايه ..........وكلامي ده دليل على اني كنت تبع الوسط ...
    اه انا شفت كل خير من د/عارف ..بس انا مش داخله الكليه امبارح فانا سمعت حاجات كتيير من الناحيه التانيه ...وغير كده اصلا مطالبنا مشروعه وفعلا نقصانا ............ فانا موضوعي من البدايه كان هدفه وسببه واضحيين ........ كمان لو ممكن كلامي ده يعتبر وجهة نظر فدي مش وجهة نظري لوحدي وهي اننا عايزين العميد يفضل معانا او اققله منقولوش استقيل
    المهم......... انا مش حقول حاجه تاني رغم ان في كلام كتير ممكن يتقال .لكن الظاهر ان معظم كلامي بيتفهم غلط
    والف مبرووووووووك علي نجاحنا في اول واهم خطوه
    وفي النهايه اللي فيه الخير يقدمه ربنا واحنا يا د/عارف ولادك وعلشان كده احنا عملنا كده بس عايزينك معانا

    The Lord
    المدير العام
    المدير العام

    ذكر
    مساهماتى : 316
    عمرى : 24
    فـرقـتـى : سمعتها زى الفل
    نقاط : 2232

    هام رد: اعتذار لدكتور عارف

    مُساهمة من طرف The Lord في الجمعة مارس 11, 2011 10:19 pm

    اولا واضح من طريقة حوارك يا بشمهندسة ان العميد اثر فيكى جامد سواء بالموقف اللى عمله لحضرتك او باى تصرفات سمعتيها عنه فى الكلية و ده طبعا بحترمه ف حضرتك و سواء دى وجهة نظرك لوحدك او مجموعة كبيرة برده لازم نحترمه ( مع انى متاكد انى فى ناس كتير اوى معاكى ) بس احنا ع العموم كلنا غرضنا واحد و هو ان الكلية تكون احسن ....ثانيا بالنسبة لموضوع The game هو الصراحة دى مش طريقته خالص زى ما قال عشان انا اعرفه بس هى كلمة كتبها كده من غير قصد او ما يقصدش بيها التجريح و اتمنى ان حضرتك ما تبعديش عن المنتدى و تكونى عضو فعال انتى و اصدقائك عشان انتوا اللى هتستفادوا ف الاخر











    //////////////////////////////////////////////////////////////////

    //////////////////////////////////////////////ظظظ////////
    //////////////////////////////////////////////////////////////////






    ~~اذا كان عمر الانسان يقاس بالسعادة ...فاكتبوا على قبرى مات قبل ان يولد~~

    THE GAME
    مهندس مـمتـــاز
    مهندس مـمتـــاز

    ذكر
    مساهماتى : 1514
    عمرى : 25
    فـرقـتـى : أولى ميكاترونيات #كلاكيت تانى مره#
    نقاط : 3927

    هام رد: اعتذار لدكتور عارف

    مُساهمة من طرف THE GAME في الأحد مارس 13, 2011 6:15 pm


    فى حاجه يجماعه عايز اوضحها وعشان كلمة الحق بس ... كان فى لغلط ولبس ف الموضوع اللى كنت قاهمه بالنسبه لدخول قسم مدنى ف سنتى .. كنت فاكر انها اخدت من 2.57 وهى خدت من 2.37 او 2.39 مش متأكد ... المهم يعنى الموضوع دا مكنش واصلى بالصوره الكامله ... وبالتالى كنت لازم انوه عنه
    ... فى حين انى اتهمت ان فى ناس دخلت كوسه ... على غرار ما كنت فاهمه ...
    ويجب التريث والتأكد قبل الأتهام
    وهذا ليس خوف منى أبدااااااااااااااااااا ... ولكنها كلمة حق لأنى فعلا الموضوع كان واصلنى بالصوره المش صحيحه
    ....................................................................

    لكن هذا لا يمنع تأكيدى على باقى النقاط التى تحدثت عنها
    ووفقنا الله الى ما يحبه ويرضاه








    mina_michel2010
    مهندس جديد
    مهندس جديد

    ذكر
    مساهماتى : 30
    عمرى : 24
    فـرقـتـى : اعدادي
    نقاط : 2618

    هام رد: اعتذار لدكتور عارف

    مُساهمة من طرف mina_michel2010 في الأربعاء مارس 16, 2011 9:49 pm

    انا معاكي يا بشمهندسة بالكامل واشكرك فعلا علي كلامك بس انا قصدي ممكن منقدمش اعتذار بس يكون المناقشة اكثر ذوقا وادبا حتي لوكان هناك استفزاز من اي طرف ويااااااااااااااااااااااااااااااريت بلاش اي اعتصامات اخري مفيش وقت عندنا ارجوووووووووووووووووكم وشكرا للمجهود الرائع

    Magd 4 ever
    مشرف عام اقسام اخبار الكليه
    مشرف عام اقسام اخبار الكليه

    ذكر
    مساهماتى : 672
    عمرى : 23
    فـرقـتـى : 1st mechatronics
    نقاط : 2817

    هام رد: اعتذار لدكتور عارف

    مُساهمة من طرف Magd 4 ever في الخميس مارس 17, 2011 11:16 am

    يجماعة احنا مش غاويين اعتصامات احنا عايزين ننفذ طالبتنا الانسان الغبر قادر علي الخدمة يجب أن يتنازل ويتخلي عن مكانه






    mina_michel2010
    مهندس جديد
    مهندس جديد

    ذكر
    مساهماتى : 30
    عمرى : 24
    فـرقـتـى : اعدادي
    نقاط : 2618

    هام رد: اعتذار لدكتور عارف

    مُساهمة من طرف mina_michel2010 في السبت مارس 19, 2011 8:41 pm

    ذي ما كل حاجة هتاخد وقت علشان تتنفذ لازم كل انسان ياخد وقت فيما يفكر اعتصام يعني تعطيل يوم دراسة اخر .... زيادة في التوتر بيننا وبين الاساتذة والدكاترة وان كان هذا لا يهم ولكن هناك انقسام في الراي وهناك غلط ومشادات كلامية كانت لا يجب ان تحدث واني اعرف انه نتيجة الاستفزاز من الوضع الحالي ل لكلية ولكن كل هذا يحتسب اخطاء علي من يقوم بها
    كان من الممكن تاييد اكثر من طالب من الكلية لمعاينة المطالب اكثر ولكن مع السماح لهم بالفترة التي طلبتها ادارة الكلية
    شكرا للرد الاكثر من راااااااااااااااااااااائع لكني ارد عليك اني قادر علي الخدمة بما اتفهمه ولكن ليس في التهور والغضب منفعه ..............الاختلاف في الراي لايفسد للود قضية

      الوقت/التاريخ الآن هو الثلاثاء ديسمبر 06, 2016 2:55 am