الرئيسية
" مجناش " البيان التالى !
نحن نُحضر لكم الأخبار من بُق أصحابها !
سيداتى أنساتى سادتي .... موجز سريع لأهم وأخطر وألطف الاخبار ..
 | هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 580x356 والحجم 46 كيلوبايت . |
جلا بيـــــــــتنا ... مصريـــــــــــتنا ... حمــا هـــــــا الله !
بعد الموافقة على طلب أحد أعضاء مجلس الشعب باعتماد الجلابية كزى رسمى للمصريين ...
ولأن محدش أحسن من حد .. طالب عضو أخر بضرورة دمج البوكسر بالجلابية فى مشاغل الإنتاج الحربى ،
وذلك حفاظا على ازدهار صناعة البوكسرات وجمودية شبابنا قدام بناتنا !
نقلاً عن جريدة : صديقى الفلاح .
المنتخب ودّانا فى داهية !
بعد التعادل مع زامبيا فى بداية تصفيات كأس العالم ، أصيب الشارع المصرى بالحزن وخيبة الأمل ، وفى تحليلهم لأسباب الهزيمة ،
قال بعض الناس : يا بيه اللعيبة دى شبعت خلاص !
وقال آخر بس شكله عبيط شويه : دى كدبة إبريل .. والماشط هيتعاد تانى بعون الله !
وقالت تالتة : إن شاء الله الأهلى هيعوضها !
فى حين افتكر واحد رابع إن ده ما يطلبه المستمعون وطلب أغنية : زكى يا أم زكى .... زكى بيعيط !
نقلاً عن برنامج الرياضة فى أى يوم عادى يعنى .
وبعد تشاجر عمرو غبى مع أحمد إيدو ، على علبة كانز من النوع الفاخر ، وكان تعليق حسن كنافة على الأحداث
إن الكابتن أحمد شوفيز هو السبب ، بعد ما ضرب الكانز لوحده ، وساب واحده بس .
نقلا عن برنامج الكرة مع شوفيز .
ولّعها ولّعها ... شعللها شعللها !
مع حلول موسم الجرد بدرى السنه دى .... وفى ابتكار مُسجل فى الشهر العقارى باسم المصريين ،
تصادف حدوث الحرائق قبل الجرد السنوى بيوم .... حيثُ ولّعت عمارة رمسيس ! وعند سؤال مسئول كبير
فى الإسكان عن السبب ... قال : الحاجات دى بتبقى بالنيات أصلها ، لو الموظف بيروح الشغل الصبح ونيته حلوة من جواه ،
مكنش هيحصل الكلام الفاكس ده !
نقلاً عن جريدة : الشعب لابد أن يكون فقيراً !
دكتور سيليكون ... يحطم الايرادات تحطيما !
بعد نجاح ذريع لفيلم " دكتور سيلكون " وأغنية الفيلم " أبو أمك " قرر المنتج اللى هو البطل والمؤلف ،
عمل جزء تانى باسم " أبو ليّه " يتحدث فيه عن شفط الدهون ، وعمل أغنية " أبو أمك مش لازم يبقى جدك ! " ،
مع إسناد البطولة لنفس الكاست ونفس السيلكون المستخدم فى النفخ .
مراسلنا من أمام محل : " بروتين العنتبلى " .
هى دى مصلحة الضرايب ؟
فى حفل مهيب حضره مسئول كبير من وزارة الشباب ومسئول أكبر من وزارة المسطحات المائية ...
تم إطلاق أول مركبة فضاء صناعة مصرية ، من خير بلدنا ، إلى الفضاء فى رحلة تجوالية للعثور على أى كائنات برّه الأرض ،
لتنبيههم إلى قانون الضرائب الجديد ، وتوزيع الإقرارات الضريبية عليهم ، لتقديمها قبل يوم 31 مارس اللى فات ،
وإلا هيقطعوا عنهم إعلانات محمد شومان !
على لسان صاحب كشك فى أول فيصل .
إيطالى من عين الصيرة
دمر زلزال ضرب وسط إيطاليا مناطق سكنية بالكامل واتشرد كتير ومات أكتر ، وكان عالم بريطانى ق توقع حدوث هذا الزلزال
قبلها بأسابيع ، ولكن الحكومة الإيطالية منعته من نشر الخبر ، حتى لا ينتشر الهلع بين الناس !
مما دفع أحد الساهرين على قهوة الفيشاوى - بعد سحبة حجر عنيفة - للتساؤل ساخراً : هو رئيس الحكومة ده من أصل مصرى ولا إيه
» حصريا وعلى منتدانا (امتحانات الفصل الدراسى الاول) لكليه الهندسه بقنا 2009
» حمل قاموس المصطلحات الهندسية مهم جدااااا
» كتب هندسيه لقسم ميكانيكا مادتى (رسم هندسى تجميع ) (علم المواد واختباراتها)
» حصريا الجداول الدراسه بكليه الهندسه بقنا (جميع الدفعات ) للترم الثاني2011
» Root-Locus Analysis
» رسم هندسي
» دروس فى الميكاترونكس
» مبادىء هندسه كهربيه ( قانون كيروشوف للجهود )
» مبادرة للنهوض بالمنتدي أرجو من كل الأقسام الدخول
» أكبر موسوعة مهتمة بدراسة الميكاترونكس
» طلب مساعدة
» كورسات من شركه كيا
» تدريب مجانى
» تجميع موتور سيارة بنزين من الالف للياء
» نتيجة كلية الهندسة 2010 \ 2011
» وزير التعليم العالي يصدر قراراً بإنشاء وحدة أمن مدني تقوم بمهام حرس الجامعة في جامعات مصر
» معني كلمة ( هندسة)
» ثورتنا نجحت .. يلا نكملها
» احترف الرسم الهندسى من اول انواع الخطوط حتى المساقط والظل ورسم المجسمات