من طرف SomeOne الإثنين فبراير 07, 2011 11:32 pm
يا قيصر ممكن تديني فرصة ياباشا
لحد بعد اول اسيوع فالدراسة
ونلم الاعضاء المؤثرين اللي معانا فالكلية زي الصادق عبداللة نها توتا احمد عزت هدي وكل الناس اللي فهندسة قنا وا ان شاء اللة يرجع زي الاول بس ياريت الناس تساعدني
الكلام دا قاله البشمهندس ياسر
يا بشمهندس انا مش عارف اقولك ايه ؟ بس يا بشمهندس الناس الى حضرتك قولت عليها نسيو يعنى ايه منتدى اصلا...
ومظنش انهم هيفتكروه
انا كان نفسى يستمر المنتدى اكتر من كدة
بس مش عارفة الناس حتتجمع تانى ولا لا
الكلام دا قالته البشمهندسه The Light
بشمهندسه حضرتك الوحيده يعنى الى كنتى بتدخلى على المنتدى وعلى الاقل كنتى بتلقى عليه نظره ... فشكرا ليكى
وانا كمان معرفش الناس نسيت الكيان دا ليه...
tota كتب:بعد ازنك يا بشمهندس انا مش موافقة علي قرارك ده وبغض النظر عن اي خلافات بيني وبين اي حد في المنتدي ده ... لكن ساعة الجد حاجة تاني ده منتدي كليتنا واكتر مكان يقدر يجمع كل الي في الكلية من تاني وده برده واجهة كليتنا الي لما حد بيجيله في التنسيق هندسة قنا بيدخل هنا عشان عارف انه هيلاقي الطلبة هنا وده برده المنتدي الي الدكاترة في كليتنا عارفينه
اه المنتدي نايم ومحدش بيدخل ولا بيشارك بس الحل مش انك تحزفه ... في اسباب كتير وصلته لكده والمفروض نحلها بس مش وقته الكلام ده ... المهم ان في امل يرجع من تاني
يارت يا بشمهندس تهتم براي الناس الي عايزة المنتدي وخايفة عليه وتفكر تاني في قرارك ولو في حاجة ممكن اساعد بيها انا موجودة
يا بشمهندسه مظنش ان يفرحكم ان واجه كليتكم يبقى بالمنظر دا ملطشه لطوب الارض اى حد عايز يحط اى اعلانات بيحطها او اى كلام بيتكب فى اى وقت ..يرضى حضرتك كدا... ثم انا مظنش ان فى حد ممكن يدخل تانى المنتدى عشان يسأل عن اى حاجه خصوصا ان بقى زى ما انا قولت مات .. فعلا حاجه ميته كدا عاملى المنتدى حضرتك كانسان شوفيه ,,,فعلا ميت لا حد بيهتم بيه ولا حتى احنا..
حضرتك ممكن تساعدى وكله يساعد ..بس اهم حاجه النيه ...
Roaaaaa كتب:وانا كمان مش موافقة عشان المنتدي ده غالي علينا كلنا
من اول ما دخلنا الكلية وان هو اول منتدي لهندسة قنا
وياريت يا بشمهندس تهتم برايي وتدينا فرصة زي ما قال البشمهندس زملكاوي وتوتا
يمكن يكون المنتدي فعلا نايم بس الحل اننا نصلحه مش بنحزفه .. اشطه
كويس ان حضرتك لسه فاكره الكلام دا مع ان الكلام دا صعب يتفهم لان بما ان هو اول منتدى حضراتكم اتجمعتو فيه نسيتوه كدا ليه؟؟
ثما لو حضرتك شايفه ان الحل اننا نصلحه قولى اقتراحاتك ...
اشطه
NOHA كتب:سلام عليكم
رأيى زى توتة متحذفهوش يبشمهندس
المنتدى ده اول منتدى للكلية و قدر يحافظ على وجوده فترة طويلة و مش معنى ان عدت فترة نام فيها المنتدى يبقى ننهيه و كأنه لم يكن زى ما قالت توتة شوف الناس بعدت ليه و صلح الوضع
و اعمل جهد اكبر شوية حط مواضيع حاول و لو لوحدك حتى انك ترجع المنتدى لنشاطه ميبقاش دورك اشراف بس و هتلاقى الناس كلها بدات ترجع تانى
و لو مش كده حتى
سيبه لوجه الله لانه فيه كتب و معلومات و نقاشات كلنا شاركنا فيها و اكيد فى ناس استفادت منها و ناس تانى هتيجى بعد كده و هتستفيد منها بردو
وعليكم السلام
المنتدى قدر يحافظ على وجوده فعلا بس كان ثمن حفاظه دا غالى جدا ... ضيعت بيها سنه من عمرى .. معرفش دا كان هبل ولا كان ايه بس اهو الواحد كان فعلا عنده هدف المنتدى دا يعلى ويعلى وحاولت احافظ على كدا بس كان التمن غالى جدا .. مع ان انا لما نفضلته وقولت اشوف نفسى اهو بقى زى ما هو كدا ..... ميت .مع ان حضراتكم لو فعلا بتحبوه مكنتوش هتخسروا اى حاجه او تضيعو سنين منكم زيى انا كدا حضراتكم لو كل واحد دخل على المنتدى بالظبط 15 دقيقه كل يوم كان هيبقى احسن منتدى فى الدنيا ال 15 دقيقه دى كدا دقيتين الجهاز يشتغل ودقيقه المنتدى يفتح و7 دقايق تصفح المواضيع الجديده وعشر دقايق وضع موضعين لكل واحد كان هيبقى احسن منتدى فى الدنيا يعنى حضراتكم فى بيوتكم اخرها 15 دقيقه عشان المنتدى يبقى كويس انما بالنسبه ليا انا ... نص ساعه انزل فيها من السكن لاسوان .. ونص ساعه ادور على سيبر فاضى ...وساعه على المنتدى ونص ساعه رجعه ولما ارجع اكون مهدود من المشوار واللف اهو كدا اهو ساعتين ونص وانام من التعب 3 ساعات كدا خمس ساعات يعنى اليوم خلص ... واظن ان دا صعب اوى على اى انسان انه يتحمله .. وانا كنت كدا سنه كامله ؟. ولو على المغتربين الى فى قنا فما اكثر السيبرات الى فى قنا ومعظمها فاضى وسريع وفيه تكيف مش اسوان اخر هبل فى الجبل .. يعنى
دا ميرضيش حضراتكم
تانى حاجه يا بشمهندسه انا مش زعلان ان اسيبه كدا لوجه الله , انا زعلان بس انه بقى كدا يعنى حضرتك ليه بندفن الميت.؟ اهو زى كدا يبقى يتحذف احسن ما نسيبه بالوضع دا ..
تالت حاجه اشوف الناس بعدت ليه ؟؟ طيب بعدتو ليه ياناس
انا عملت حاجه غلط .. ولو فرضا انا عملت يبقى عشان واحد نضيع المنتدى الى هو المفروض اول مكان استفدتو منه وبيستفيد منه الجديد والى لسه داخل الكليه..
رابع حاجه اعمل مجهود اكبر ... ازاى ؟؟ شوفتى انا قولتلك يومى فى انى ادخل على المنتدى من اسوان .. طيب فرضا انا دخلت مره واحده ليه المنتدى ميبقاش كويس..؟؟
خامس حاجه احاول لوحدى منا حاولت لوحدى اول مره ونجحت انه يبقى كويس بس فشلت فى التعيلم لانى زى برده ما سبق وقولت لحضرتك يومى فى اسوان .. هيا كدا .
الاقى النااس بدأت ترجع تانى .. ازاى طيب ..
شوفو يا بشمهندسين .... الى المنتدى فيه دا حاله بجد يرثى لها وهيا بالنسبه ليه كارثه .. ليه هو كمنتدى يعنى بس ياما حصلت مشاكل اكبر من كدا فى كل منتديات الدمنيا بس رجعت تانى
تعالو نشوف ...
المشكله فى اربع خطوات لحلها
اولها تحديد المشكله: وهيا متحدده المنتدى ميت بمعنى الكلمه .
ثانيها : اسباب المشكله : ليه حصل كدا للمنتدى عشان انا سبته وحاولت ادور على انى انجح شويه .؟ ولا ايه؟ او ممكن عشان ناس اخدت فكره عنه انه زى ما كان بيتقال مكان للحاجات الى مش كويسه؟ انا مظنش انى فى حاجه من الحاجات دى ممكن تتحل الا بيكم انتم.
ثالثها :طريقه الحل : ودى المفروض لو انتم عايزين كلنا ندور عليها مش انا وبس , وياريت لو فعلا عايزين المشكل تتحل تدورو بجد وكل واحد يقول الى عنده
رابعها : ان منعملش الاسباب الى خلت المشكله تظهر عشان متحصلش تانى مشاكل .
ياريت اكون قدرت افهم حضراتكم وجه نظرى وياريت نتفق على الى هيحصل لان زى اما قولت عشان احنا بندفن الميت ومبنحتفظش بيه .. يبقى نحذف المنتدى (لو مش هيبقى كويس ) ومنسبهوش كدا ملطشه النت .
ياريت تكونوا حضراتكم فهمتونى ولو ان خفف عليا جدا ردود حضراتكم دى وعرفت ان لسه فيه ناس وفيه ,, فعلا للمنتدى ودا شيئ يجعل اى حد حب المنتدى فخور بيه ولو ان كان فى اخر ايامه
اسف على الاطاله وياريت يكون اسلوبى مقنع وواضح .
الرئيسية
..... ليه كده بس يا عم
» حصريا وعلى منتدانا (امتحانات الفصل الدراسى الاول) لكليه الهندسه بقنا 2009
» حمل قاموس المصطلحات الهندسية مهم جدااااا
» كتب هندسيه لقسم ميكانيكا مادتى (رسم هندسى تجميع ) (علم المواد واختباراتها)
» حصريا الجداول الدراسه بكليه الهندسه بقنا (جميع الدفعات ) للترم الثاني2011
» Root-Locus Analysis
» رسم هندسي
» دروس فى الميكاترونكس
» مبادىء هندسه كهربيه ( قانون كيروشوف للجهود )
» مبادرة للنهوض بالمنتدي أرجو من كل الأقسام الدخول
» أكبر موسوعة مهتمة بدراسة الميكاترونكس
» طلب مساعدة
» كورسات من شركه كيا
» تدريب مجانى
» تجميع موتور سيارة بنزين من الالف للياء
» نتيجة كلية الهندسة 2010 \ 2011
» وزير التعليم العالي يصدر قراراً بإنشاء وحدة أمن مدني تقوم بمهام حرس الجامعة في جامعات مصر
» معني كلمة ( هندسة)
» ثورتنا نجحت .. يلا نكملها
» احترف الرسم الهندسى من اول انواع الخطوط حتى المساقط والظل ورسم المجسمات